2 Hena Wakorintho 9
9
1Amu hena mburi ya kuwahiria weshenete, ni ndima ya wesho nimutamie: 2amu natisiwa ngoro yenyu ianguhe, na hena ii nakuisisa hena lwenyu msongorana wa wala wa Umakedoni, ti Akaya aidiwa too mwaka: na lunyarki lwenyu luwawusha weingi wawo. 3Kake nawaingija wandu‐wa‐hetu nesa kukuisisa kwetu hena lwenyu kusioke kuhaya ghati ya kindu iki; nesa, sandu nighambie, muarehiwe. 4Isioke ngea, ekiza hamwe na mi mundu akeye wa Umakedoni, na kumbona musiarehiwe, uswi, (tusighambe, unywi), tugurwe na soni ghati ya luing’idaki ulu. 5Huwo nikawona ti sina huwo kuwasemba wandu‐wa‐hetu, warongore kutonga henyu, na kufisha kuwoka awahache ila muitemiane kuwoka, nesa iidiwike, sa kindu kya awahache, nete si kya kusingirijwa.
6Nawa iki, ula ehanda kadongo enefindika na kadongo: na ula ehanda hena kuora enefindika hena kuora. 7Mundu ose akete sandu elulie ngoroni hakwe: si hena wukiwa, wete hena kusingirijwa: amu mng’oli hena kuizihirwa niye Izuwa emkundie. 8Na Izuwa eidima kumunetijia muno mvono ose; nesa unywi, mukioka misi yose na kufika kwose ghati ya vindu vyose, munete muno hena ndima yedi yose: 9Sandu itamiwe, Emiza mbai jose, ewainga wakiwa; ngalo yakwe yaikaa ndarasi. 10Ula eng’ola mbeu hena mhandi na kijo hena kula, eneng’ola na eneongeja mbeu yenyu hena kuhanda, na enenetija ndunda ja ngalo jenyu: 11unywi mukimazijwa ghati ya vyose hena kuora kwose, kwahira ghati yetu kumwanjela Izuwa. 12Amu luhirio lwa wutumikio uu toluizuja tiki kighesho kya vila vyaduhuka hena weshenete, nde lwaneta pia hena kumwanjela Izuwa muno. 13Ikioka ti hena kumughesha unywi na luhirio ulu wemwisisa Izuwa hena lughambo lwenyu lukiinga isikio anjili ya Kristo, na hena kuora kwa kiingijo kyenyu hawo na hena wose: 14magheri woo wenye pia, na kumusembia unywi, wesikia nyami hena unywi amu ya mvono wakwe Izuwe uneta muno henyu. 15Izuwa aanjelwe hena kiingijo kyakwe kisiidime kutetwa.
Currently Selected:
2 Hena Wakorintho 9: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
