2 Hena Wakorintho 10
10
1Nawa mi Paulo mwenye namusemba hena wuhoo na wuhuji wa Kristo, mi msongorana wenyu mnyenya ghati yenyu, kake nisioho nina ngoro mbaha hena unywi: 2ee, namsemba, magheri nioho nisioke na ngoro mbaha na luing’idaki nalutara kuoka kukaria wanga ya wandu wala, wetutara uswi sandu tuselie hena muri. 3Amu tukioka twasela ghati ya muri, totubighana hena muri 4(amu nareta ja kubighana kwetu si ja muri, nde ja zinya msongorana wakwe Izuwa hena kughusha malusarigho); 5-6tukighusha makusaro, na kindu kyose kyeza kikwejwa wanga ya lutwarijo lwa Izuwa, na tukiete lukusaro lose wuzoroni hena kumwinga isikio Kristo; na tukiarehiwa nesa tuihije lawi kugolong’a kwose, magheri kuinga‐isikio kwenyu kwakurijwa. 7Mwayoa vindu vioho msongorana wa wusho wenyu. Mundu ekiitikija ngoroni hakwe ti ni wakwe Kristo, akigheshijie ikiwa ngoroni hakwe, ti, sandu ye ni wakwe Kristo, na huwo uswi pia. 8Amu nikioka nakuisisa muno hena luidimo lwetu (elung’olie Mzuri hena kumujengia, nete si hena kumughusha), sinegurwa na soni: 9nisiwonwe sa nikundie kumuitusha na mawaraka mangu. 10Amu, Mawaraka makwe, weghamba, meemee na medindie; kake kuoho kwa muri kwakwe kunana, na kuteta kwakwe si kinducho. 11Mundu sa uu agheshijie iki, ti, kila twaoka na kiteto magheri tusioho, ni huwo pia hena mhiro magheri tuoho. 12Amu totukara kukutara kana kukuringanyanya uswi wenye na mondo wa wala wekuisisa wenye: kake woo wenye, wekikughesha wenye na wenye, na wekikuringanyanya wenye na wenye, tewenawo kutwarija. 13Kake totunekuisisa kukela mng’ana, nde hena mng’ana wa mhaka Izuwa etuwikie kuoka mng’ana, mtano kumfikia unywi. 14Amu totukuronga muno sandu totufikie henyu: amu tuzie mtano henyu ghati ya anjili ya Kristo: 15tusikuisise kukela mng’ana, nikyo, ghati ya ndima ja wandu weingi: kake tukiing’idaki ti, luitikijo lwenyu lukieha, tuneongejiwa na wiingi ghati yenyu hena mhaka wetu, 16nesa tutinde anjili mtano ghati ya masanga ngaluko yenyu, na tusikuisise ghati ya muhaka wa mundu ungi hena mburi ya vindu viarehike hena mkono wetu. 17Kake ula ekuisisa, akuisise ghati ya Mzuri. 18Amu si ula ekuetie luisiso mwenye ni wa kuuhiwa, nde ula Mzuri emwetie luisiso.
Currently Selected:
2 Hena Wakorintho 10: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
