2 Hena Wakorintho 8
8
1Nawa, wandwetu, twamutisiwija mvono wa Izuwa meingiwe makanisa ma Umakedoni: 2nize ghati ya kugheshwa muno kwa wasi wiingi wa luizihiro lwawo na kusowa kwawo kubaha wuneta hena wiingi wa kuora kwawo. 3Amu hena zinya yawo, nashuhudia, na kukela zinya yawo, 4hena ngoro yawo wenye, wekitusemba na kuomba kwingi, hena mvono uu na ulungano ghati ya kuwahiria washenete: 5wakaketa huwo, si sandu tuing’idaki, nde kuwoka wekung’olie wenye hena Mzuri, na hetu hena lukundo lwa Izuwa. 6Mtano tumsembie Tito, ti sandu kuwoka ewokie, huwo akurije henyu na mvono uu pia. 7Kake sandu mwaneta ghati ya vyose, ghati ya luitikijo, na kuteta, na lutwarijo, na lunyarki lose, na lukundo lwenyu hetu, nesa munete ghati ya mvono uu pia. 8Sitetami hena aghanyo, nde sa nikighesha hena lunyarki lwa weingi wuchobwe wa lukundo lwenyu. 9Amu nautisiwa mvono wa Mzuri wetu Yesu Kristo, ti, ekioka mmazi, hena lwenyu akaoka mkiwa, nesa unywi hena kusowa kwakwe mumazijwe. 10Na ghati ya kiteto iki nang’ola mburi yangu: amu iki ni kyedi hena unywi, murongore kuwoka too mwaka, si kuhira tiki, nde na kukunda pia. 11Kake ingeriaha kurijeni kuhira pia, nesa sandu iokie ngoro ianguhe ya kukunda, na huwo kuoke kukurija pia hena luidimo lwenyu. 12Amu kwakicha ngoro ianguhe ioho, ikundike sandu mundu ena, na si sandu esina. 13Na iki si nesa wandu wengi weduhukiwe mwagho, na unywi muongejiwe: 14kake hena kuringanana; wiingi wenyu wukioka magheri ama hena kuwaiya kwawo, nesa wiingi wawo wuoke hena kuwaiya kwenyu; 15nesa kuoke kuringanana: sandu itamiwe, Ula wa nyingi tenetieye, na ula wa kadongo teduhukiweye.
16Kake Izuwa aanjelwe, egere lunyarki lulalula hena lwenyu ngoroni hakwe Tito. 17Amu kididi ekuuhie kutinda kwetu: kake mwenye ekioka wa lunyarki lwingi, efumie kutonga kwenyu hena kukunda kwakwe mwenye. 18Na twaingija hamwe naye mundu‐wa‐hetu, mwenye luisiso ghati ya anjili makaniseni hose: 19nete si iki tiki, kake esaghurwa pia na makanisa azoke hamwe na uswi ghati ya mvono uu, uhiriwe na uswi hena kirumi kyakwe Mzuri, na hena ngoro yetu ianguhe: 20tutitesia iki, mundu asitutete ghati ya awahache ii ihiriwe na uswi: 21amu twagheshijia vindu vyedi, si mesoni ha Izuwa tiki, nde mesoni ha wandu pia. 22Na twaingija hamwe nawo mundwetu, eye twamghesha kandu keingi kuoka na lunyarki ghati ya vindu viingi, kake ingeriaha wa lunyarki lwa kuneta muno amu ya luitikijo lubaha eluhete ghati yenyu. 23Mburi ya Tito, niye mshanga wangu na mhiri hamwe hena lwenyu: kana wandwetu, niwo waondo wa makanisa, kirumi kya Kristo. 24Hena lwa iyo muwang’olie, msongorana wa makanisa, luwonjo lwa lukundo lwenyu, na lwa kukuisisa kwetu hena lwenyu.
Currently Selected:
2 Hena Wakorintho 8: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
