2 Hena Wakorintho 7
7
1Huwo tukioka na matemiano ama, wakundwa, tukuzerrije ghati ya ikwe lose la muri na la ngoro, tukikurija wusheneto ghati ya kumwondoka Izuwa.
2Mutuarehie mwanya: totumketie mundu viwiwi, totumnyamare mundu, totumkenge mundu. 3Sikiteta iki nesa nimchilie: amu nitetie kuwoka, ti unywi muoho ngoroni hetu kufwa hamwe na kuoka na moo hamwe. 4Kukaria kwangu kwa kuteta ni kubaha henyu, kukuisisa kwangu kubaha hena lwenyu: naizua ludindijo, naizujwa pacha na luizihiro ghati ya wukiwa wetu wose.
5Amu tukinafike Umakedoni, muri wetu touokie na lusoghoko, kake tuokie na wukiwa hena mbai yose: some kubighana, ndeni kuondoka. 6Kake ula ewadindija wanana, eye Izuwa, etudindije uswi na kuza kwakwe Tito; 7nete si na kuza kwakwe tiki, nde na ludindijo pia edindijwe ghati yenyu, ekitulia mburi ya nyami yenyu, kushiniwa kwenyu, lunyarki lwenyu hena lwangu; mtano nikaneta kuizihirwa. 8Amu nikioka nimgerie wukiwa hena waraka wangu, sahanami, na ikioka nihanie; amu nawona ti waraka ula umgerie wukiwa, kake hena magheri tiki. 9Ingeriaha naizihirwa, si ti muokie na wukiwa, nde ti muokie na wukiwa mtano kuchwa‐muti: amu mugeriwe wukiwa wa kufuma hakwe Izuwa, musiwone lutesho hena lwetu. 10Amu wukiwa wa Izuwa waketa kuchwa‐muti hena lukio, kusiete kuhana: kake wukiwa wa masanga wuketa kifwa. 11Amu yoa, kindu iki, ti mugeriwe wukiwa wa kufuma ha Izuwa, kiketie ndeni yenyu lunyarki sa kini, ee, kukuzerrija, ee, kuregija, ee, kuondoka, ee, kusikia nyami, ee, kuneng’a, ee, kuiha lawi! ghati ya vindu vyose mukuwonje kuzerra ghati ya kiteto. 12Huwo nikioka nimtamie, si hena lwakwe ula eketie viwiwi, nete hena lwakwe ula eketiwe viwiwi, nde nesa kuhira kwenyu hena lwetu kuwonjwe raa hena unywi msongorana wa Izuwa. 13Hena lwa iyo tudindijwe, na ghati ya luizihiro lwetu tukaneta kuizihirwa muno hena luizihiro lwakwe Tito, amu ngoro yakwe isoghoshwe na unywi wose. 14Amu kwakicha ghati ya kindu akeye nikuisise hena lwenyu msongorana wakwe, sigurwe ni soni; kake sandu tumtetie vyose ghati ya kididi, na huwo kukuisisa kwetu, nikuarehie msongorana wakwe Tito, kuwoniwe kuoka kididi. 15Na lukundo lwakwe lwa ngoro lwaneta muno hena unywi, ekikukumbuka kusikia kwenyu wose, nize na kuondoka na kudedema mumwuhie. 16Naizihirwa ti ghati ya kindu kyose nina ngoro mbaha hena lwenyu.
Currently Selected:
2 Hena Wakorintho 7: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
