2 Hena Wakorintho 6
6
1Na tukihira hamwe naye twasemba pia musiuhie mvono wa Izuwa wesho. 2(Amu eteta, Magheri mekundike nikusikie, na musi wa lukio nikakughenja: yoa, ingeriaha magheri mekundike: yoa ingeriaha musi wa lukio): 3tusiwagere wandu msadara ghati ya kindu akeye, luhirio lwetu lusitetiwe viwiwi; 4nde ghati ya vindu vyose tukikuetie luisiso, sa wahiri wa Izuwa, ghati ya kugumiria kwingi, ghati ya mawasi, ghati ya mawaiyo, ghati ya mawukiwa, 5ghati ya mabigho, ghati ya machungo, ghati ya matoghoyo, ghati ya ndima, ghati ya kucheiwa, ghati ya kuchunga; 6ghati ya wuchobwe, ghati ya lutwarijo, ghati ya kugumiria, ghati ya uhoo, ghati ya Ngoma Mshenete, ghati ya lukundo lusina ukeleki, 7ghati ya kiteto kya kididi, ghati ya zinya ya Izuwa; hena nareta ya ngalo hena mbai ya kuume na ya kumoso, 8hena kirumi na nguruna, hena mburi mbiwi na yedi: sa wakeleki, nde wa kididi: 9sa wasitisiwike, nde wetisiwike muno; sa wenye kufwa, na yoa, tuoho na moo; sa webighwa, na wesikomwe: 10sa weshiniwa, nde weizihirwa misi yose: sa wakiwa, nde tukimazija weingi: sa wesina kindu, nde wehete vyose.
11Itumbu letu lajughuka henyu, Wakorintho, ngoro yetu yaaramijwa. 12Tomududurwa ghati yetu, nde mwadudurwa ghati ya ngoro jenyu wenye. 13Hena kuiha kwa kuringanana (nateta sa hena waana), na unywi muaramijwe. 14Musichungwe hena kusaringanana nawo wesiitikija: amu hena kugurana ani ghati ya ngalo na owiwi? kana hena ulungano ani ghati ya kyangaji na kija? 15na hena kukundana ani ghati ya Kristo na Belial? kana ngata ani ula eitikija ena na ula esiitikija? 16na kuarehiana ani hekalu la Izuwa lina na sanamu? Amu uswi twaoka hekalu la Izuwa mwenye moo: sandu etetie Izuwa, Ninetua ghati yawo, na ninesela ghati yawo: na nineoka Izuwa wawo, nawo weneoka wandu wangu. 17Hena lwa iyo, Fumeni ghati yawo na mutane nawo, eteta Mzuri, nete musikuware kindu kya ikwe; na ninemwuhia, 18na nineoka henyu Apa, na unywi muneoka hangu waana wa kiume na wa kiche, eteta Mzuri Mwenye‐zinya.
Currently Selected:
2 Hena Wakorintho 6: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
