2 Hena Wakorintho 5
5
1Amu twatisiwa ti nyumba ya hema yetu ya masangeni ikinyamarika, tuna jengo la kufuma hakwe Izuwa, nyumba isiarehwe na mikono, ya ndarasi, hala majumbini. 2Amu kididi ghati ya iyo twadiha, tukisikia nyami ya kudokwa na tuo letu la kufuma wanga: 3kwakicha ngea tukidokwa tusiwonwa tuhu. 4Amu kididi uswi tuoho ndeni ya hema ii twadiha, tukioka na miagho: si ti tukundie kuhambuka, nde kudokwa wanga, nesa kila kina kifwa kimijwe na moo. 5Na ula etuhiria kindu ikiiki ni Izuwa, etuingie marongojo ma Ngoma. 6Huwo tukioka misi yose wenye ngoro mbaha, na tukitisiwa ti magheri tuoho hetu murini, 7totuoho hakwe Mzuri (amu twasela hena luitikijo, si hena meso): 8tuna ngoro mbaha, naghamba, na tukundie kukela kusaoka aha murini, na kuoka hetu hakwe Mzuri. 9Hena lwa iyowa twakuhirija, ghati ya kuoka hetu kana kusaoka hetu, kumwiseja ye. 10Amu totuna huwo wose kuwonjwa raa msongorana wa kiikayo‐kya‐wuchili kyakwe Kristo; nesa ose auhie mwemwe vindu viketike murini, sandu eketie, kwakicha ni kyedi kana kiwiwi.
11Huwo tukitisiwa kuondoka kwakwe Mzuri, twaileja wandu, kake twawonjwa raa hakwe Izuwa: na naing’idaki ti twawonjwa raa ghati ya makusaro menyu pia. 12Totukuisisawa henyu, kake twateta sa tukimuinga mwanya wa kukuisisa hena lwetu, muoke na kiteto kya kutaluwa wala wekuisisa hena wusho, nete si hena ngoro. 13Amu tukioka twawukwa, ni hakwe Izuwa; kana tukioka wa mng’ana ni hena unywi. 14Amu lukundo lwakwe Izuwa lwatusingirija: amu ni huwo twaghamba, ti mwe efwie hena lwa wose, hena lwa iyo wose wefwie. 15Naye akafa hena wose, nesa wala weoho na moo wasiokewa na moo hawo wenye, nde hakwe efwie hena lwawo akarukawa. 16Hena lwa iyo too ingeriaha totutisiwa mundu hena muri: tukioka tumtisiwe Kristo hena muri, kake ingeriaha totumtisiwa huwowa. 17Hena lwa iyo mundu ekioka ghati ya Kristo, niye kilungiwe kisha: vindu vila vya kae vivetie: yoa, vyaoka visha. 18Kake vyose ni kufuma ha Izuwa, eye etukundanye naye mwenye hena Kristo, akatuinga luhirio lwa lukundanyo; 19nikyo, Ti Izuwa eokie ghati ya Kristo ekikundanya masanga hakwe mwenye, asimatarie matekwa mawo, na ekituwikia kiteto kya lukundanyo. 20Huwo uswi twaoka wasu hena lwa Kristo, sandu Izuwa eokie ekisemba hena uswi: twamusemba hena lwa Kristo, Mukundanywe na Izuwa. 21Emwoshie ula asitisiwe ng’oki deng’e kuoka ng’oki hena lwetu; nesa tuoke ngalo ya Izuwa ghati yakwe.
Currently Selected:
2 Hena Wakorintho 5: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
