2 Hena Wakorintho 4
4
1Hena lwa iyo tukioka na luhirio ulu, sandu tuwonie lusario, totusokea uswi: 2kake twavisua viwisiwe vya nguruna, tusisele ghati ya ukeleki, nete tusikihirie kiteto kyakwe Izuwa hena kukenga: nde hena luwonjo lwa kididi tukikuetie luisiso ghati ya lusaro lwa mundu ose mesoni ha Izuwa. 3Kake kwakicha anjili yetu ikubukiwe, ikubukiwe ghati yawo wekundie kuteka. 4Ghati yawo izuwa wa masanga ama ebaja meso ma makusaro mawo wesiitikija, nesa kyangaji kya anjili ya kirumi kyakwe Kristo, eye mwa yakwe Izuwa kisiwakweia. 5Amu totukutinda wenye, nde twamtinda Kristo Yesu Mzuri, na uswi wenye wazoro wenyu hena lwakwe Yesu, 6Amu ni Izuwa, ula etetie, Kyangaji kineangaja kufuma kija, eangaje ngoroni hetu, ang’ole kyangaji kya kutisiwa kirumi kyakwe Izuwa ghati ya wusho wakwe Yesu Kristo.
7Kake tuna sule ii ghati ya viya vya teri, nesa ubaha ukelie wa zinya uoke wa kufuma hakwe Izuwa, nete si kufuma hetu. 8Twashukumwa mbai jose, kake totududurwa; twaitalwa, kake si mtano kutanywa ngusughani: 9twakinywa, kake totutihiwa; twaghushwa, kake totunyamarwa: 10tukitika handu hose ghati ya muri kufwa kwakwe Yesu, nesa na moo wakwe Yesu uwonjwe na some ghati ya muri wetu. 11Amu uswi tuoho na moo twang’olwa misi yose hena kifwa hena lwakwe Yesu, nesa na moo wakwe Yesu uwonjwe raa ghati ya nyama yetu ya kufwa. 12Na huwo kifwa kyahira ndeni yetu, kake moo ndeni yenyu. 13Kake tukioka na ngoro ilaila ya luitikijo, hena kila kitamiwe, Niitikije, na hena lwa iyo uitetie; uswe pia twaitikija, na hena lwa iyo twateta pia: 14tukitisiwa ti ula embushije Mzuri Yesu enetuwusha na uswi hamwe na Yesu, na enetuete hamwe na unywi. 15Amu vyose ni hena lwenyu, nesa mvono, ukinetijwa hena weingi, uoshe kuanjela kuoka kwingi hena kirumi kya Izuwa. 16Hena lwa iyo totusokea uswi; kake ikioka mundu wetu wa some ewoa, mundu wetu wa ndeni ewawuwa musi hena musi. 17Amu wasi uanguhe wetu, uoho hena mtungo, utuhiria hena kuneta muno wiingi wa ndarasi wa kirumi: 18magheri kwaviyoa si vila vyawonwa, nde vila visiwonwa: amu vindu vyawonwa ni vya magheri; kake vindu visiwonwa ni vya ndarasi.
Currently Selected:
2 Hena Wakorintho 4: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
