2 Hena Wakorintho 12
12
1Sina huwo kukuisisa, kake tekiwe; kake nineza hena ndoto na majughuo ma Mzuri. 2Natisiwa mundu ghati ya Kristo, miaka ikumi na minne yavetia (kwakicha murini, sitisiwemi; kwakicha some ya muri, sitisiwemi; Izuwa etisiwa), mundu sa uu ekwejwa mtano wanga ya katatu. 3Na natisiwa mundu sa uu (kwakicha murini, kana esina muri, sitisiwemi; Izuwa etisiwa), 4ti etikwa mtano Paradisoni, akasikia viteto visiidime kutetwa, ni mbarian mundu avitete. 5Hena lwa mundu sa uu ninekuisisa: kake hena lwangu mi mwenye, sinekuisisa, nde ghati ya mawunana mangu. 6Amu nikikunda kukuisisa sinetomoda; amu nineviteta vya kididi: kake nashigha, mundu asinigheshijie kukela sandu eniwona kuoka, kana esikia kufuma hangu. 7Na amu ya ubaha ukelie wa majughuo, hena lwa iyo, nisikwejwe kukela mng’ana, niingiwe mvwa murini, msu wa Shetani wa kunibigha, nisikwejwe kukela mng’ana. 8Na hena kindu iki nimsembie Izuwa kandu katatu, kiniwuke. 9Akaniwurra, Mvono wangu wakufikia: amu zinya yangu yakurijwa ghati ya wunana. Hena lwa iyo keba kashi nikikuisisa hena kuizihirwa ghati ya wunana wangu, nesa zinya yakwe Kristo inifinikire. 10Hena lwa iyo naisejwa ghati ya mawunana, ghati ya mawinyo, ghati ya mawasi, ghati ya makinyo, ghati ya mawukiwa, hena lwakwe Kristo: amu magheri ni mnana, niho nina zinya.
11Natomoda: munisingirije: amu yaniwe kuetiwe luisiso na unywi: amu ghati ya kyose siohomi nyuma ya waondo wala wabaha, nikioka si kinducho. 12Kididi maluwano na mwondo meketike msongorana wenyu ghati ya lugumirio lwose, hena maluwano, na marighio, na zinya mbaha. 13Amu ghati ya kini mwalelwa na makanisa meshighajike, isioke ti mi mwenye siokie mwagho henyu? munishighie owiwi uu.
14Yoeni, kandu aka ka katatu naarehiwa nimuzie; na sineoka mwagho henyu: amu siendami vindu vyenyu, nde unywi: amu teiwawe waana kuwawisia warewawona, nde warewawona kuwawisia waana. 15Na hena kuizihirwa ninehiria na ninehiriwa hena lwa ngoma jenyu. Nikineta muno kumukunda, mi naduhuka kukundwa? 16Kake ioke huwo, mi mwenye siokie mwagho henyu; kake, nikioka mwenye ng’eno, nimgurie na ukeleki. 17Niuhie mbucha kufuma henyu hena mwe wawo niwatumie henyu? 18Nimtindie Tito, nikamwingija mundu‐wa‐hetu hamwe naye. Tito euhie mbucha kufuma henyu? Totuselie hena ngoro mwe? si hena mawato malamala?
19Magheri ama mose mwagheshijia ti twagura mbande msongorana wenyu. Mesoni ha Izuwa twateta ghati ya Kristo. Kake vyose, wakundwa, ni hena kujengwa kwenyu. 20Amu naondoka, isioke ngea, nikiza, ninembona si sandu nikundie, na mwenye ninewonwa na unywi si sa mukundie, masioke ngea mabighano, kuneng’a, oro, malinganyo, machunganjo, mawewedo, mafuti, matoghoyo: 21Na isioke, nikizawa, Izuwa wangu eniinamija msongorana wenyu, na nishiniwe hena weingi wawo weketie ng’oki kuwoka, na wesichwe‐muti hena vya‐ikwe na mbuya na malangwa wemaketie.
Currently Selected:
2 Hena Wakorintho 12: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
