2 Hena Wakorintho 11
11
1Keba kashi mukitikana nami ghati ya kutomoda kudongo tiki, kake kididi mwatikana nami. 2Amu namuneng’ia na kuneng’a kwa Izuwa: amu namwinga, kuowowa na mume mwe, nesa nimwingije sa ngale ezerre hena Kristo. 3Kake naondoka, isioke ngea, sandu nyoka emkengie Hawa ghati ya ng’eno yakwe, makusaro menyu manyamarike na mateshe wuchobwe na kuzerra kuoho hena Kristo. 4Amu kwakicha ula eza etinda Yesu ungi, tusimtinde uswi, kana kwakicha mwauhia ngoma ingi, musiiuhie, kana anjili ingi, musiiuhe, mwaketa nezo mukitikana naye. 5Amu nawona ti mi si nyuma waondo wala wabaha, nete kadango. 6Kake nikioka niimayi ghati ya kuteta, nde si ghati ya kutisiwa; hai, ghati ya vyose tukiwonja raa henyu msongorana wa wose. 7Kana niketie ng’oki nikikugera si nesa unywi mukwejwe, amu nimtindie anjili ya Izuwa huwo? 8Namatahia makanisa mengi, nikiuhia wuesi kufuma hawo, nesa nimuhirie unywi: 9Nawa nikinaoke henyu, nikawaiya henyu, siokiemi wa kntikwa na mundu akeye; amu wandu‐wa‐hetu, wekinaze kufuma Umakedoni, wenifishie kila nikiwaiye: na ghati ya vindu vyose nikakurinda nisioke wa kutikwa na unywi, na ninekurinda huwo. 10Sandu kididi ya Kristo ioho hangu, tehenaho mundu eneniswija ghati ya kukuisisa uku mbai ya Akaya. 11Amu kini? amu simukundiemi? 12Izuwa etisiwa. Kake kila naketa, nikyo ninekiketa, niwachwie hae mwanya wala wekundie mwanya: nesa ghati ya kila wekuisisa, wawone kuoka sa uswi. 13Amu wandu sa awa ni waondo wa maongo, wahiri wakeleki, wekikugharusha kuoka waondo wa Kristo. 14Nete si ya kuing’asija: amu mtano Shetani ekugharusha kuoka malaika wa kyangaji. 15Huwo sikyo kindu kibaha wahiri wakwe wekikugharusha pia kuoka wahiri wa ngalo: na kuidiwika kwawo kuneoka hena ndima jawo.
16Naghambawa, mundu asinigheshijie ti nitomode; kake kwakicha ni huwo, kake muniuhie sa nitomode, nesa nikuisise kadongo. 17Kila nikiteta, sitetami hena Mzuri, nde sa ghati ya kutomoda, ghati ya luing’idaki ulu lwa kukuisisa. 18Ikioka weingi wekuisisa hena muri, na mi ninekuisisa pia. 19Amu mwatikana na wetomode hena kuizihirwa, mukioka wenye muchee. 20Amu mwatikana na mundu, ekimuosha muzoro, ekimula, ekimugura, ekikukweja mwenye, ekimubigha wusho. 21Nateta ghati ya kugera soni, sandu tuokie wanana. Kake ghati ya kindu kyose mundu ekaria (nateta ghati ya kutomoda), na mi nakaria pia. 22Niwo Waebrania? Na mi. Niwo Waisraeli? Na mi. Niwo mkuju wa Ibrahimu? 23Na mi. Niwo wahiri wa Kristo? (nateta sa mwenye kuwukwa) mi kukela: ghati ya ndima kuneta muno, ghati ya vichungo kuneta muno, ghati ya mabigho kukela mng’ana, ghati ya kufwa kandu keingi. 24Hena Wayahudi niuhie kandu kasano mabigho makumaanne meduhuke mwe. 25Kandu katatu nibighwe na misenge, kamwe niwiritiwe mabwe, katatu nibaikiwe merikebu, kio na hemusi niokie heforekeni; 26ghati ya kuzoka keingi, ndenga ja mifuro, ndenga ja wasoki, ndenga ja wandu wa isanga langu, ndenga ja Mambare, ndenga ja kiongoni, ndenga ja shighati, ndenga ja bahari, ndenga ghati ya wandu‐wa‐hetu wa maongo: 27ghati ya ndima na kuhira, ghati ya kucheiwa keingi, ghati ya nzaa na ngiru, ghati ya kuchunga keingi, ghati ya mbeho na wutuhu. 28Wanga ya vindu vila vya some, mwagho wangu wa musi ose, malimana ma makanisa mose. 29Niani mnana, nisioke mnana mi? niani ewikiwe msadara, nisiake? 30Kwakicha sina huwo kukuisisa, ninekuisisa ghati ya vindu vya unana wangu. 31Izuwa na Wawee Mzuri Yesu, eye etasiwa ndarasi, etisiwa ti sichwami maongo. 32Hala Dameski mchili si ya Areta mfumwa ekirindie kiongo kya Wadameski, nesa anigure: 33Na hena dirisha nisejwe ghati ya itangu lusarighoni, nikapughunyuka mikononi hakwe.
Currently Selected:
2 Hena Wakorintho 11: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
