2 Hena Wakorintho 13
13
1Aka kandu ka katatu naza henyu. Hena itumbu la mashahidi weri kana watatu kiteto kyose kinedindijwa. 2Nitetie kuwoka, na nateta kuwoka, sandu nikinaoke henyu kandu ka keri, huwo ingeriaha, nisioho, hena wala weketie ng’oki mtano ingeriaha, nawo weshighajike wose, ti, nikizawa, sineshighirrami. 3Mukioka mwaenda luwonjo lwa Kristo eteta ndeni yangu; eye esimnana henyu, nde mwenye zinya ndeni yenyu: 4amu ewanikwe hena wunana, kake eoho na moo hena zinya ya Izuwa. Amu uswi pia twaoka wanana ghati yakwe, kake tuneoka na moo hamwe naye hena zinya ya Izuwa henyu. 5Kughesheni wenye, kwakicha muoho ghati ya luitikijo: musikuchilie wenye. Kana tomutisiwa ngoroni henyu wenye, ti Yesu Kristo eoho ndeni henyu? musaoka kididi wandu wa kusuika. 6Kake naing’idaki ti munetisiwa ti uswi si wandu wa kusuika. 7Ingeriaha twamwomba Izuwa tusikete viwiwi; si nesa uswi tuwone luisiso, nde nesa unywi mukete vyedi, na uswi tuoke sa wandu wa kusuika. 8Amu totuidima kuketa kindu kya kukanana na kididi, nde hena kididi. 9Amu twaizihirwa, tukioka wanana, na unywi mukioka na zinya: na iki pia twakiombia, kuining’oi kwenyu. 10Hena kindu iki navitama ivi nisioho, nesa nikioka henyu nisikete vikaehe, ghati ya luidimo Mzuri eniingie hena kujengia, na si hena kughusha.
11Kuidiwika, wandwetu, kiboheni. Muining’oijwe; mudindijwe: muoke wa ngoro mwe; ikaeni na luworo: na Izuwa wa lukundo na luworo eneoka hamwe na unywi. 12Mukeziane na kunyonyoza kushenete.
13Weshenete wose wemukezia.
14Mvono wa Mzuri Yesu Kristo, na lukundo lwa Izuwa, na ulungano wa Ngoma Mshenete, hamwe na unywi wose.
Currently Selected:
2 Hena Wakorintho 13: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
