2 Hena Wakorintho 1
1
1Paulo, mwondo wa Kristo Yesu hena lukundo lwa Izuwa, na Timoteo wa hetu, hena kanisa la Izuwa lioho Korintho, hamwe na weshenete wose weoho ghati ya Akaya yose: 2Mvono henyu na luworo kufuma Izuwa Apa wetu na Mzuri Yesu Kristo.
3Atasiwe Izuwa na Wawee Mzuri wetu Yesu Kristo, Wawee malusario na Izuwa wa ludindijo lose: 4eye etudindija ghati ya wasi wetu wose, nesa tuidime kuwadindija wala weoho wasini, hena ludindijo uswi wenye twadindijwa nalo ni Izuwa. 5Amu sandu maluwawo makwe Kristo meokie meingi hena uswi, ni huwo ludindijo lwetu luokie lwingi hena Kristo. 6Amu tukioka na wasi, ni hena ludindijo lwenyu na lukio; kana tukidindijwa, ni hena ludindijo lwenyu, luhira ghati ya kutika na lugumirio maluwawo malamala tuwawiwa na uswi namo: 7na luing’idaki lwetu hena unywi lwadinda: tukitisiwa ti, sandu mwashanga maluwawo, na huwo pia ludindijo. 8Amu totukundie musitisiwe, wandwetu, mburi ya wasi wetu utuzie ghati ya Asia, na ti tuokie na mwagho mbaha muno, ukelie zinya yetu, mtano tukatanywa ngusughani ya kukia: 9Ee, uswi wenye tuokie na kutaluwa kwa kifwa ndeni hetu, tusikuing’i daki wenye, nde tumwing’idaki Izuwa eye ewawusha wefwie: 10Akatukija ghati ya kifwa kibaha huwo; na enekija: na twambikia luing’idaki lwetu ti eneneta kutukija; 11unywi pia mukighenja hamwe hena lwetu na kusemba kwenyu; nesa hena kiingijo tuing’iwe hena nzia ya weingi, weingi waanjele hena lwetu.
12Amu kukuisisa kwetu ni uku, mburi ya lusaro lwetu, ti ghati ya wusheneto na wuchobwe wa Izuwa, si ghati ya kucha kwa muri, nde ghati ya mvono wa Izuwa, tugurie nzia yetu masangeni, na muno henyu. 13Amu totumutamia vindu viingi, nde vila muvisoma na muvighamba, na naing’idaki ti munevighamba mtano kuidiwika: 14Sanduwa mutaghambie hena mondo, ti uswi twaoka kukuisisa kwenyu, sandu na unywi pia mwaoka kukuisisa kwetu, ha musi wa Mzuri wetu Yesu.
15Na ghati ya luing’idaki ulu nikundie kumuzia kae, nesa muoke na mvono wa keri: 16na kuvetia ghati yenyu mtano na Umakedoni, nawa kufuma Umakedoni kumuzia, na kufunywa na unywi ghati ya kuzoka kwangu kutonga Uyahudi. 17Hena lwa iyo nikikunda kuketa huwo niokie nikitajayie? Kana vindu navila kuketa, navila hena mitongie ya muri, nesa ioke hangu ee ee na hai hai? 18Kake Izuwa mwitikiji ti kiteto kyetu henyu si ee na hai. 19Amu Mwana wa Izuwa, Yesu Kristo, etindiwe henyu na uswi, mi na Silvano na Timoteo, teokieye ee na hai, nde hakwe ni ee. 20Amu matemiano makwe Izuwa mekioka meingi sa kini, hakwe ni ee: huwo hena ye pia ni Amen, hena kirumi kya Izuwa ghati yetu. 21Na ula etuduwija hamwe na unywi ghati ya Kristo, akatugera mafuta, ni Izuwa: 22niye pia etuwikie muhuri, akatuinga marongojo ma Ngoma ngoroni hetu.
23Kake namwitanga Izuwa kuoka shahidi wanga ya ngoro yangu, ti siziemi Korintho nesa nimshighirre unywi. 24Si ti twaitoria luitikijo lwenyu, nde twahira hamwe ghati ya luizihiro lwenyu: amu hena luitikijo mwaimuka.
Currently Selected:
2 Hena Wakorintho 1: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
