1 Hena Wakorintho 16
16
1Na hena mburi ya kuwawunganyia washenete, sandu nimaaghanyie makanisa ma Galatia, huwo pia na unywi mukete. 2Musi wa kuwoka wa juma mundu ose wa henyu akuwikie kiwisiwe, sandu eketa nguwari, kuwunganya kusiarehiwe nikiza. 3Na nikifika, wandu akeye munewasaghura hena mawaraka, awa ninewaingija watike awahache yenyu mtano Yerusalemi: 4na kwakicha yaniwe mi kutonga pia, wenetonga hamwe nami. 5Kake ninemuzia, nikiidiwa kuvetia ghati ya Umakedoni; amu navetia ghati ya Umakedoni: 6kake henyu ngea nineikaa kadongo, kana magheri ma kisie, nesa munifunye ghati ya kyaro kyangu hose nitongaho. 7Amu sikundiemi kumbona ingeriaha nzieni; amu naing’idaki kuikaa magheri henyu, Mzuri ekikunda. 8Kake nineikaa Efeso mtano Pentekote; 9amu mbenge mbaha na ina mwanya yanijughukia, na wekanana ni weingi.
10Na Timoteo ekiza, yoeni aoke henyu esina fole: amu eihira ndima ya Mzuri, sandu na mi pia: 11hena lwa iyo mundu asimdae. Kake mumfunye ghati ya kyaro kyakwe na luworo, nesa anizie: amu namyoia kuza hamwe na wandu wa hetu. 12Kake hena mburi ya Apolo wa hetu, nimsembie muno amuzie hamwe na wandu wa hetu: na tekikundike deng’e aze ingeriaha: kake eneza ekiwona mwanya.
13Cheweni, imukeni nezo ghati ya luitikijo, keteni kiume, dindeni. 14Vyose muvikete viketike ghati ya lukundo.
15Ingeriaha namsemba, wandwetu (mwaitisiwa nyumba ya Stefana ti ni malumbulo ma Akaya, na ti wekugera kuwahiria weshenete). 16Unywi pia muitoriwe na wandu sa wala, na mundu ose eghenja ndimeni na ehira. 17Na naizihirwa hena kuza kwakwe Stefana na Fortunato na Akaiko: amu kila kiduhuke kufuma henyu weetie. 18Amu weisoghosha ngoma yangu na yenyu: hena lwa iyo watwarijeni wandu sa awa.
19Makanisa ma Asia memkezia. Akula na Priska wamkezia muno ghati ya Mzuri, na kanisa lioho nyumbeni hawo. 20Wandu wa hetu wose wemkezia. Kezianeni na kunyonyoza kushenete.
21Ngezia yangu mi Paulo na mkono wangu mwenye. 22Mundu esimkundie Mzuri aoke anathema. Maran atha. 23Mvono wa Mzuri Yesu Kristo uoke hamwe na unywi. 24Lukundo lwangu luoke hamwe na unywi wose ghati ya Kristo Yesu. Amen.
Currently Selected:
1 Hena Wakorintho 16: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
