2 Hena Wakorintho 2
2
1Kake nichwie chila yangu mwenye, nisimuziewa ghati ya wukiwa. 2Amu mi nikimugera wukiwa, niani ula enigera luizihiro, nde ula egerwa wukiwa na mi? 3Nikakitama iki, isioke, nikiza, nineoka na wukiwa kufuma wala, hena lwawo yaniwe kuizihirwa; nikioka na luitikijo ghati ya unywi wose, ti luizihiro lwangu ni lwenyu wose. 4Amu ghati ya wasi wiingi na kuwawiwa kwa ngoro nimutamie na masoji meingi; si nesa mugerwe wukiwa, nde nesa mutisiwe lukundo niluhete henyu lukineta muno.
5Kake kwakicha mundu eetie wukiwa, eetie wukiwa, si hangu, nde hena mondo, (nisitete viemee muno), hena unywi wose. 6Kwamfikia mundu sa uu kuihijwa uku kugeriwe na weingi: 7huwo, hena mbai ingi ni keba mumshighie na mumdindije, isioke hena nzia akeye mwe sa uu amerukijwe na wukiwa wakwe wubaha muno. 8Hena lwa iyo namsemba mudindije lukundo lwenyu hakwe. 9Amu hena ndima ii pia nitamie, nesa nioke na luwonjo lwenyu, ti mwainga isikio ghati ya vindu vyose. 10Na ula mumshighiria kindu, na mi pia: na kila nashighiria, kwakicha nashighiria kindu, nakishighiria hena lwenyu msongorana wa Kristo: 11Shetani asinetijiwe zinya wanga yetu: amu totusowa kutwarija ng’eno jakwe.
12Nikinafike Troas hena anjili ya Kristo, na nikinajughuiwe mbenge ghati ya Mzuri, 13siokie na luizihiro ngoroni hangu, hena kusambona Tito mundwetu: kake nikiaghana nawo, nikawotoka kutonga Umakedoni. 14Kake Izuwa aanjelwe, eye etutika misi yose na kung’ara ghati ya Kristo, na ewonja raa hena uswi mbungo ya lutwarijo lwakwe handu hose. 15Amu twaoka mbungo yedi ya Kristo hena Izuwa, ghati yawo wekundie kukijwa, nawo wekundie kuteka: 16hena awa mbungo kufuma kifwa mtano kifwa, hena wala mbungo kufuma moo mtano moo. Na niani efika hena vindu ivi? 17Amu uswi si sa weingi, wekinyamara kiteto kya Izuwa: nde sa wenye wuchobwe, na sa wa Izuwa, msongorana wakwe Izuwa, twateta ghati ya Kristo.
Currently Selected:
2 Hena Wakorintho 2: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
