1 Hena Wakorintho 13
13
1Nikiteta na malumi ma wandu na malaika, nisina lukundo, naoka sa usango una mahoho, kana kamanga keiya. 2Na nikioka na wuroti, na nikitisiwa mbiso jose na lutwarijo lose; na nikioka na luitikijo lose, mtano kusamija nduwi, nisina lukundo, mi si kinducho. 3Na nikiwaghawia wakiwa mali mangu mose, na niking’ola muri wangu ushotwe, nisina lukundo, tehenaho mbucha hangu. 4Lukundo lugumiria muno, na lwaketa nezo: lukundo toluneng’a: lukundo tolukuisisa, tolukubaabaa. 5Toluketa visiwe, toluenda vyakwe mwenye, tolureghija, tolutara viwiwi; 6Toluizihirwa ghati ya wusiwungalo, nde lwaizihirwa ghati ya kididi: 7lwatika vyose, lwaitikija vyose, lwaing’idaki vyose, lwating’iria vyose. 8Lukundo toluduhuka deng’e: kake kwakicha wuroti, wuneteka: kwakicha malumi, meneiting’o; kwakicha lutwarijo, luneteka. 9Amu twatisiwa hena mondo, na twarota hena mondo: 10Kake magheri kila kiirowili kyaza, kila ekyo hena mondo kineteka. 11Nikinaoke mwana nitetie sa mwana, nisikie sa mwana, nikusare sa mwana: kake ingeriaha nikiidiwa kuoka mundu mzima, navitesha vindu vya mwana. 12Amu ingeriaha twawona ghati ya kioo, hena kija: kake magheri mala wusho hena wusho: ingeriaha natisiwa hena mondo; kake magheri mala ninetisiwa sandu na mi nitisiwike. 13Na ingeriaha meikaa luitikijo, luing’idaki, lukundo, ama matatu; na lubaha lwa ama lukundo.
Currently Selected:
1 Hena Wakorintho 13: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
