Popular Bible Verses from 1 Hena Wakorintho 13

Share

Lukundo lugumiria muno, na lwaketa nezo: lukundo toluneng’a: lukundo tolukuisisa, tolukubaabaa. Toluketa visiwe, toluenda vyakwe mwenye, tolureghija, tolutara viwiwi

lwatika vyose, lwaitikija vyose, lwaing’idaki vyose, lwating’iria vyose.

Toluizihirwa ghati ya wusiwungalo, nde lwaizihirwa ghati ya kididi

Na ingeriaha meikaa luitikijo, luing’idaki, lukundo, ama matatu; na lubaha lwa ama lukundo.

Lukundo toluduhuka deng’e: kake kwakicha wuroti, wuneteka: kwakicha malumi, meneiting’o; kwakicha lutwarijo, luneteka.

Nikiteta na malumi ma wandu na malaika, nisina lukundo, naoka sa usango una mahoho, kana kamanga keiya.

Na nikioka na wuroti, na nikitisiwa mbiso jose na lutwarijo lose; na nikioka na luitikijo lose, mtano kusamija nduwi, nisina lukundo, mi si kinducho.

Na nikiwaghawia wakiwa mali mangu mose, na niking’ola muri wangu ushotwe, nisina lukundo, tehenaho mbucha hangu.

Nikinaoke mwana nitetie sa mwana, nisikie sa mwana, nikusare sa mwana: kake ingeriaha nikiidiwa kuoka mundu mzima, navitesha vindu vya mwana.