1 Hena Wakorintho 11
11
1Muoke watamaiya wangu, sandu mi pia ni wa Kristo.
2Namwisisa amu mwanikumbuka ghati ya vyose, na mwamagura nezo mauhio, sandu namawika henyu. 3Kake nikundie mutisiwe, ti mtwi wa mume ose ni Kristo; na mtwi wa mche ni mume; na mtwi wa Kristo ni Izuwa. 4Mume ose ekiomba kana ekirota, ekioka na mtwi ufinikirwe, eugera nguruna mtwi wakwe. 5Kake mche ose ekiomba kana ekirota ekioka na mtwi usifinikirwe, eugera nguruna mtwi wakwe: amu ni kimwe na kuringanana na sa eenjijwe. 6Amu mche asafinikirwe, na achwiwe nyui pia: kake kwakicha ni nguruna hena mche kuchwiwa nyui kana kuenjwa, afinikirwe. 7Amu kididi teimbe mume kuoka na mtwi ufinikirwe, amu niye fwana na kirumi kya Izuwa: kake mche ni kirumi kya mume. 8Amu mume si wa kufuma mche, nde mche wa kufuma mume: 9amu nete mume telungiweye hena mche; nde mche hena mume: 10hena lwa iyo yambe mche kuoka na luwano lwa luidimo mtwini, amu ya malaika. 11Kake nete mche esina mume, nete mume esina mche, ghati ya Mzuri. 12Amu sandu mche ni wa kufuma mume, na huwo mume ni hena nzia ya mche; kake vyose ni vya kufuma ha Izuwa. 13Chilieni ghati yenyu wenye: ni kyedi mche amwombe Izuwa asifinikirwe? 14Lukishoni lwenyu tolumlosha, ti, mume ekioka na nyui ndeza, ni nguruna hakwe? 15kake mche ekioka na nyui ndeza, ni kirumi hakwe, amu eingiwe nyui yakwe hena finikiro. 16Kake mundu ekiwonwa kuoka na kitaghara, totuna mikayie sa ii, nete makanisa ma Izuwa.
17Kake ghati ya kumwinga itanawo ili, simwisisami, ti mwawunganyika si hena vyedi nde hena viwiwi. 18Amu kuwoka, mukiwunganyika kaniseni, nasikia ti matanyo meoho ghati yenyu; na mondo nakiitikija. 19Amu tena huwo kuoka maeresi ghati yenyu, nesa wala wekundika wawonyanywe raa ghati yenyu. 20Hena lwa iyo mukiwunganyika hamwe, tekiidimika kula kijo kya Mzuri: 21Amu ghati ya kula kwenyu mwe euha kuwoka kwa mughenji kijo kyakwe mwenye; na mwe esikia nzaa, na ungi eengea. 22Nikini? tomuna nyumba ja kulia na kunywia, kana mwalidaa kanisa la Izuwa, na kuwagera soni wala wesina? Nikini nimburre? Nimwisise ghati ya iki? 23Simwisisami. Amu niuhie ha Mzuri kila niking’olie henyu, ti Mzuri Yesu kio kila ekinang’olwe euhie ibumunda; 24na ekinaanjele, akalibaa, akaghamba, Ili nilo muri wangu, egho hena unywi: keteni iki hena lukumbusho lwangu. 25Na huwo ndemwa, kutera kwa kijo, ekighamba, Ndemwa ii ni aghanyo isha ghati ya sakame yangu: keteni iki, magheri mose mukinywa, hena lukumbusho lwangu. 26Amu magheri mose mukila ibumunda ili, na mukinywa ndemwa, mwakitoranya kifwa kyakwe Mzuri mtano eneikaeze. 27Hena lwa iyo ose enela ibumunda kana enenywa ndemwa ya Mzuri sandu isiinare, eneoka mtekwa hena muri na sakame ya Mzuri. 28Kake mundu akugheshe, na huwo ale la ibumunda, na anywe ya ndemwa. 29Amu ula ela na enywa, ela na enywa wuchili wakwe mwenye, ekioka tetwarijaye muri. 30Hena kindu iki weingi ghati yenyu wewajua na weketa mbolembole, na si wafaa weshinjia. 31Kake tukioka tukutwarija wenye, totunechiliwa. 32Kake tukichiliwa, twabighwa na Mzuri, tusichiliwe hamwe na masanga. 33Hena lwa iyo, wandwetu, mukiwunganyika hena kula, indaneni. 34Mundu akeye ekisikia nzaa, ale kijo kaa; kuwunganyika kwenyu kusioke hena wuchili, Na vila vishighajike nineviareha nikiza.
Currently Selected:
1 Hena Wakorintho 11: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
