1 Hena Wakorintho 10
10
1Amu sikundiemi, wandwetu, musitisiwe, ti waapa wetu weokie wose si ya ijumbi, wakavetia wose ghati ya bahari. 2Wakabatizwa wose ghati ya Musa ijumbini na baharini; 3wakala wose kijo kilakila kya ngoma; 4wakanywa wose kilakila‐kyakunywa kya ngoma: amu wenywie kufuma ibwe la ngoma liwaratere: ibwe likaoka Kristo. 5Kake na weingi wawo Izuwa teisejweye: amu weteshijwe shighati. 6Na vindu ivi viokie mafwanano metu, na tiri tusilangwe vindu viwiwi, sa wala welangwe pia. 7Nete musioke waombi‐sanamu, sa mondo wawo; sandu itamiwe, wandu weikee si wale na wanywe, wakawuka wavine. 8Nete tusikete mbuya, sa mondo wawo weketie, wakagwa musi mwe wandu makumeeri na ndatu. 9Nete tusimgheshe Mzuri, sa mondo wawo wegheshie, wakateka hena nyoka. 10Nete musinunuwike, sa mondo wawo wenunuwike, wakateka hena mnyamari. 11Vindu ivi vikawagwia hena fwanano; na vitamiwe hena kuloshwa kwetu, tufikiwa na miidiwiko ya magheri. 12Hena lwa iyo ula egheshijia ti aimuka akuyoe asigwe. 13Tehenaho ghesho lamgura nde sa mundu eidima kutika: kake Izuwa ni mwitikiji, asimushighe kugheshwa kukela mwaidima; kake hamwe na ghesho eneareha pia nzia ya kupughunyuka, nesa muidime kuligumiria.
14Hena lwa iyo, wakundwa wangu, matukeni kuomba sanamu. 15Nateta sa hena wechee; kichilieni kila nakiteta. 16Ndemwa ya lutasio tulitasia, siyo ulungano wa sakame ya Kristo? Ibumunda tulibaa, silo ulungano wa muri wa Kristo? 17Ikioka ti uswi, tukioka weingi, twaoka ibumunda imwe, muri mwe: amu twashanganya wose ibumunda imwe. 18Yoeni Israeli hena muri: wala wela matasi tewenawo ulungano na kisiko? 19Nikinira nateta? ti kila kyang’olwa na sanamu ni kindu, kana sanamu ni kindu? 20Kake iki, ti vindu Mambare weng’ola hena matasi, wemang’olia maluhungu, nete si Izuwa: na sikundiemi muoke na ulungano na maluhungu. 21Tomuidima kunywa ndemwa ya Mzuri na ndemwa ya maluhungu: tomuidima kushanganya na meza ya Mzuri, na meza ya maluhungu. 22Kana tumreghije Izuwa? uswi tuna zinya kukela ye?
23Vindu vyose si mbarian; kake si vindu vyose viwe. Vindu vyose si mbarian; kake si vindu vyose vyajengia. 24Mundu asikiende kyakwe mwenye, nde kila kya mughenji. 25Kyose kyataghwa ghati ya handu‐ha‐kusinza, leni, musiwujanye kiteto hena lwa lusaro; 26Amu masanga makwe Mzuri, na kuizua kwakwe. 27Mwe wawo wesiitikija ekimuitanga hena ngasu, na mwakunda kutonga; kyose kyawikwa msongorana wenyu, leni, musiwujanye kiteto hena lwa lusaro. 28Kake mundu akeye ekikuwurra, Iki king’olwa itasi, usile, hena lwakwe ula ekuwonja, na hena lwa lusaro: 29lusaro, naghamba, si lwako mwenye, nde lwa mughenji; amu nini wusiwuzoro wangu wuchiliwa na lusaro lungi? 30Nikiuhia ngata hena mvono, nini natetiwa viwiwi hena lwa kila niking’olie haika? 31Hena lwa iyo kwakicha mwala, kana mwanywa, kana kindu akeye mwaketa, keteni vyose hena kirumi kya Izuwa. 32Musikete vya kushishirrwa nete hena Wayahudi nete hena Wayonani nete hena kanisa la Izuwa. 33Sandu na mi nawaiseja wandu wose ghati ya vindu vyose, nisiende mbucha yangu mwenye, nde yawo weingi, nesa wakijwe.
Currently Selected:
1 Hena Wakorintho 10: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
