1 Petulo 5

Ukudiima ikipinga kya Nguluvi

1Lino ndiilonga naanye vavaha va lukombeso,#5:1 Lukombeso Lole Ulukombeso ku Figanulo. uneene ye ndili muvaha muyeenyo, nde moolesi va mumuko dza Kilisiti, kangi ndili mihanganile va ndolo idzilaavilatuka, lino ndikuvanyilika ndiitigila, 2mudiimilidzage wunofu ikipinga kye avapeeliye uNguluvi. Mukidiimilidzage kingaya kugagiilidzwa, nda haamu, luhumage mu numbula ngita kye iikeela uNguluvi. Mutanage ukulima amalimo geenyo wiimila wa kwisavila imaale wugendela wa kyoyo, nda haamu, mwitawulilage ngʼaani ni numbula ya lukeelo. 3Mutanage ukuvedza vasali ku vaanu ve mukuvalongodza, nda haamu, muvedzage kyoledzi ukwawo mu migendele gyenyo iminofu. 4UYesu ye Mudiimi uMukomi. Umusika pe alaavilatuka, mulaanukila ingeela ya ndolo iyisilaanangika nambi.

5Na yuunye vabuhu, mwilefyage ku vavaha. Neke unyeenye nyivonda, avagogolo na vadebe, muvedzage nu lwiyiso yuunye mwa yuunye, pakuva uWusimbe uWiimike wiitigila,

“Avakwinunumula, uNguluvi akuvabeedza,

neke kangi avakwiyisa, akuvapeela ulusungu.”#Selengo 3:34

6-7Neke lino, mwiyisage paanyi pa liwoko lya Nguluvi uMunya Ngufu, pa kumulekela uwufumbe weenyo wonda, pakuva akuvalimila ukuta aviinule mu musika gwakwe.

8Muvedzage vanya kwiwopa, nu kuvedza miiho umusika gonda. Pakuva umutavangwa veenyo uSetano, ngita nyalupala iyiibuuma, iyiipilima-pilima ukufwima umuunu, ukuta yimumile. 9Lino mutengage uSetano uyo ve múdomiime mu lufuuwo kwa Nguluvi, kuno mwidzeela ukutigila, avafuuwa vayeenyo mu nyi yonda viipumuka imumuko dziidzo ngita kye mwipumuka unyeenye. 10Muludzeelage ukutigila, pe mwivedza múpumwike musika mudebe, uNguluvi ahadza akuvapumunusa, akuvakangadza, akuvapeela ingufu nu luutu ulukangafu. Umwene ye Nguluvi umunya lusungu londa, ye ávakemeeliye mwanukile indolo dzaakwe mwa Kilisiti mbeepali. 11Ingufu dza kutema dzivedzage ukwakwe uNguluvi mbeepali na mbeepali. Eena.

Amadzwi ga wusililo

12USilivano,#5:12 USilivano Uyu ye iilongwa apa, yuuyula ye iitambulwa Sila ku Malimo ga Vatume 15:22. umufuuwa muyangu, kangi muunu muhuuvilwa mu lwiwonelo lwangu, ye mwene ye aanangile ukusimba amadzwi makeefu aga. Ndiisaka ukuvakangadza inumbula nu kusimiilidza imola iyi, ndakyene lwe lusungu lwa Nguluvi. Mwimage sipi mu lusungu ulo. 13Avayeenyo va lukombeso lwa apa pa Babeli,#5:13 Babeli UPetulo iilonga iBabeli kusoonela uwudzenge wa Loma. Uwutwa wa Babeli waadzeeliike wiimila wa wuhosi waawo, neke ilitaawa lya Babeli liisoonela uwutwa wuhosi. ávahaagule nu Nguluvi, vakuvahungila. Kangi nayu muswamu-vangu mu lufuuwo ye iitambulwa Maluko, ávahungiye.

14Mwihungilage mu lwinoonelo lwa wende.

Ulutengamaso luvedzage naanye nyivonda ye muli mwa Kilisiti.

Currently Selected:

1 Petulo 5: BEZ

Highlight

Copy

Compare