1 Vakolindo 5
5
Uwugoni wusiikwidikwa mu lukombeso
1Lino imola yípuliiswe ndakyene ukutigila, umwenyo kuli wugoni. Umuunu iigenda nu mudala va daadiye. Uwugoni uwo, wusinaa wuhumilaga nambe mu avasili Vayahudi. 2Na yuunye mukwinunumula! Múlekile ukuhugumilila#5:2 Ukuhugumilila AVayahudi vaahugumililaga ukuwoneesa ikidzumo nu luviifyo pamwinga nu luhigo, wiimila wa kiinu kiviifu íkihumiye. nu kumuhedza umwenyo umuunu ye iilima idzo! 3Uneene nde ndivedze ndili pataali naanye mu lwa muvili, ndili pamwinga naanye mu lwa mubepo. Umuunu uyo ndikapimuhiga 4mu litaawa lya Mutwa Yesu. Pe mwilundana, ndili pamwinga naanye mu lwa mubepo, kangi ingufu dza Mutwa veesu uYesu poodzili. 5Mumuhedzage umuunu uyo ukuhuma mu miikalile gya lukombeso. Pe iipilukila mu wutemi wa Setano nu kupumuswa, imumuko idzo dzihadza dzikumupitusa ukuhuma mu ndzanangifu dzaakwe, ukuta apokwe pa kigono ikya kupiluka kwa Mutwa Yesu.#5:5 Ikikelo pa kikelo, Mumulekele uSetano umuunu uyo, ukuta umuvili gwakwe gwanangike, nu mubepo gwakwe gupokwe pa kigono ikya kupiluka kwa Mutwa Yesu.
6Ukwilumba kwenyo si kunofu. Ongo, simwidzeela ukutigila, uluhaafu lukeefu hela lwitupiilidza ilihaagi lyonda?#5:6 Uluhaafu lukeefu hela lwitupiilidza ilihaagi lyonda Aga ge madzwi ga luselengo. UPawulo aahwananiidze uluhaafu nu wutagalidzi wa wuhosi, kwe kutigila umuunu umuhosi yumwinga, iihula avangi vavedze vahosi. 7Lino mwivaladzage wugendela wa kumuhedza umuunu umuhosi uyo umwenyo, ngita kuhedza uluhaafu lwa kataali,#Kuhega 12:15 ukuta muvedzage ngita lihaagi lipiya ilingaya luhaafu. Ndakyene unyeenye ndeeni kye mugenda, pakuva uNguluvi amutawuwe uKilisiti ukuvedza wusembe ngita Kaanangʼolo ka Paasaka,#5:7 Kaanangʼolo ka Paasaka Lole AKaanangʼolo ka Nguluvi ku Figanulo. ukuta katupoke. 8Lwe lwene, tutanage ukukeelanila ikyaka kya Paasaka mu luhaafu lwa kataali, kwe kutigila, uluhaafu uluviifu nu wuhosi, nda haamu, tukeelanilage mu mukaate ugungaya luhaafu,#Kuhega 12:17-20 ye numbula indzelu kangi ndakyene.
9Mu haate ye ndavasimbiye, ndavalongiye ukutigila, mutanage ukuhangana na vagoni. 10Sindaatigiye mutanage ukuhangana na vaanu mwe naanyi umu avali vagoni, enewuli avanya kyoyo, avagonadaasi, nambe avakwifuunya ku fihwananguluvi. Pa kulima ulo, ngali múvagiye ukuhega mwe naanyi umu. 11Neke lino, ndikuvasimbila ukutigila, mutanage ukuhangana nu muunu ye avedzaga ye iitigila mufuuwa, neke kangi mugoni, munya kyoyo, enewuli akwifuunya ku fihwananguluvi, munya maligo, enewuli mugaadzi, enewuli mugonadaasi. Umuunu ndawuli uyo, mutanage nambe kuliilasa.
12-13Lino si malimo gangu ukuvahiga avasili vafuuwa, nda haamu, uNguluvi mwene ye alavahiga. Neke kangi unyeenye muvahigage avali mu lukombeso, ngita kye lwasimbiilwe ukutigila, “Umuunu umuhosi mumuhedzage umwenyo.”#Lwiwuko 17:7
Currently Selected:
1 Vakolindo 5: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
