Munra ta Rom 16
16
1Wa nau we vareg mun kamiu i Phebe i tutuanina; ineia iro gagapalag talo loglue we toga a Kenkrea; 2si kamiu a lav vasgotia alo i Lord tama we sar apenra roŋo ŋaŋ; wa si kamiu a piriŋia alo sava tea ni ta maros ran amen kamiu. Ape ineia gina me piriŋ ran ma iragai we qoqo, wa me piriŋ inau mulaŋ.
3Tur wievavae Priskila tana Aqila we mawmawui sara tuwale amen nau alo i Christ Jesus; 4wa irara me map siwo nanenerara ape esuk; wa gate nau magasek we varean rara, nava o val loglue amaira sul ŋaŋ we sea. 5Wa tur wievavae o loglue talo imanrara. Tur wievavae Epainetus nok o meratape, ineia gina o sawaliu ta Asia mun i Christ. 6Tur wievavae Mariam iro gene me mawmawui vaga qoqo ti sur kamiu. 7Tur wievavae Andronikus tana Junia, ira sogok, wa me toga rot tuwale ti amen nau; iragera nane we tira vaglala amaira sala, wa me moai nau ti alo i Christ. 8Tur wievavae Amplias nok o meratape alo i Lord. 9Tur wievavae Urbanus we gagapalag saratuwale amen nau alo i Christ, wa i Stakis nok o meratape. 10Tur wievavae i Apeles me ilo vaglala ape ineia alo i Christ si we wia. Tur wievavae iragai tamen i Aristobulus. 11Tur wievavae Herodion i sogok. Tur wievavae iragai we tamen Narkisus we toga alo i Lord. 12Tur wievavae Truphena tana Truphosa we mawmawui alo i Lord. Tur wievavae Persis iro meratape, me mawmawui vaga qoqo ti alo i Lord. 13Tur wievavae Rufus i gene ilo raka alo i Lord, wa i ravevena ilone wa ravevek. 14Tur wievavae Asunkritus, Phlegon, Hermes, Patrobas, Hermas, wa o retatasiu amaira. 15Tur wievavae Philologus tana Julia, Nereus tana tutuana, wa i Olumpas, wa ira roŋo nol amaira. 16Tur var wievavae kamiu mun o nimnim we roŋo. O loglue ŋaŋ anon i Christ we wievavae kamiu.
17Pa nau we tias kamiu, ratatasik, tur matagisgis goro iragai we qeteg raka o vile wora ŋaŋ, wa we ge tutuag, we sea nan o liŋe vatvatogo me vatogo kamiu veta ti apena; wa tur sipa reag nan neira. 18Apen ragai we tamaine gate rowrowovag mun i Lord inina i Christ, nava mun natoqara kel; wa mun nor o vavae ŋaŋ we malumlum wa we wia neira we gale ran nalolora o tapeto. 19Ape nomiu o roro meremaŋas me roro niŋa veta o tanun sul. Wa o manigiu o ine nau we malakalaka mok apen kamiu; nava nau we maros kamiu a menaro ape matai gene, pa we qure ape mala gene. 20Wa God, anona nane o tamata, te pura siwo i Satan alalaŋe raŋomiu rigrig. O sogov mon i Lord inina i Jesus Christ ni toga amen kamiu. Amen.
21Pa i Timotheus i gagapalag saratuwale amen nau we wievavae kamiu, wa i Lukius, wa i Jason, wa i Sosipater, ira sogok. 22Wa nau we wievavae kamiu, inau i Tertius me rave o raverave iloke, alo i Lord. 23Wa i Gaius we wievavae kamiu, inau qa i tawuna, wa o loglue nol mulaŋ. I Erastus i gene we ilogoro o som talo vanua iloke we wievavae kamiu, wa i Qartus o tasiu. 24O sogov mon i Lord inina i Jesus Christ ni toga amen kamiu nol. Amen. 25Naŋ mun i gene we mana si a vatira netenete kamiu, we sasarita ape nok o lea we wia, wa we sasarita ape liŋe maŋmaŋasag apen i Jesus Christ, tama ti ge ŋaŋalue ma o moe gene we vagis ilone me toga roroŋo ran ma apena ti tuai ti tuai, 26nava ilokenake me map lue ma ilo maea, wa mun o raverave ŋaŋ mora prophet, we sasarita ape vavae vatraŋ mon God tur esu galava, me ge si o val sul ŋaŋ we sea a lolomaran mora apena, si a maŋas goro o nomtup; 27mun neia gina God tuwale we lolomaran, o leŋas alo i Jesus Christ, ti tuai ti tuai. Amen.
Currently Selected:
Munra ta Rom 16: MOTA
Highlight
Share
Compare
Copy
Want to have your highlights saved across all your devices? Sign up or sign in
New Testament was published by the British and Foreign Bible Society in 1931.
