Ifa 19

Pol ghayn inayn Nwiye á Efesus

1amaʼazənə Apolo mə́ Koren, Pol chigə ungɨŋ usin mbənə umə ungɨŋ aba abey wu iŋuw Efesus. Yə pey yi zən ba moʼ nu u beni Kristo. 2Anigə yə biri abú úŋwən kwi, “Azugə zayn zayn zaʼa igun inen Amaʼazənə mbən beni Kristo?”

Úŋwən ywiri kwi, “indəʼ cha mba di si noʼo izəw ngwa kwi Azugə zayn zayn yə awu.”

3Pol biri abú úŋwən kwi, “Mbən num une umbayn?” Mbə́ ywiri kwi, “Amə u mbənə Jon ŋunə yə mə́ naʼa une ghayn da uŋwən.”

4 # Mat 3.11; Mak 1.4, 7, 8; Luk 3.4, 16; Jon 1.26, 27 Pol ghayn kwi, “Jon mə́ naʼa une ghayn kwi ba waʼa unó iboŋ ma num une. Yə nibi ghayn abú ba kwi, mbən beni wa ŋunə umi zaʼa inyi jim anigə yə mə ghayn Yeso.” 5Amaʼazənə mbə́ zəw anó zəŋ, mbə́ num une akə ukum Asɨyisəg Yeso Kristo. 6Amaʼazənə Pol niŋe ubugə igun uma, Azugə zayn zayn zaʼa igun uma anigə, u ti ki nayn akə inayn isoʼ nibi ni ghayn ukən Nwiye. 7Anom ujum mbənə mbə́ mə́ awu mə ka ighum cho bigə.

8Pol ŋu nyi ungɨŋ na bumi ba Jû, yə́ mə́ inayn wu aməg ta akə fiŋ kaka. Yə́ mə́ taŋa nə ba mbənə mbə́ mə́ awu. Yə́ mə́ kaba kwi, úŋwən kyay kwi anó ufon Nwiye amə anó asiʼ. 9Asɨmə u moʼ kəbərə utoŋ ma. Cha mbə́ di beni uma anó zənə Pol mə ghayn. Mbə́ mə́ ghayn unó iboŋ da Nji unó Asɨyisəg, anigə Pol du akaʼa uma. Yə́ num ba mbənə u beni Kristo anigə ni tumə igan nə úŋwən unəy ujum ungɨŋ na zənə Tiranus mə́ tey unó ungɨŋ. 10Anó zəŋ num asin akə ituʼ bigə. Anigə ba ujum mbənə mbə́ mə́ chomo Esiya, ba Jû ni ba mbənə akaʼa ma ba Jû, zəw inayn Asɨyisəg.

Buŋ anóm Skeva

11Nwiye mə chigə anjim Pol ni aghəy uyere unó kaka nu cha ba di si noʼ izən. 12Ba mə num ə kaba uba ndwi mbənə umə fira ifigi wu, kə ndwi zənə umə́ tiŋe iguwə, nu isi bira Pol, iŋuw abú ba isɨgə inyo ma boro, uzugə iboŋ ni duw ungɨŋ inyo ma.

13Ba Jû moʼ mbənə mbə́ mə́ yeŋ yə́ chiyə uzugə iboŋ inyo ba, nibi kaba kwi, u tiya ukum Asɨyisəg Yeso, igun ba mbənə uzugə iboŋ mə ungɨŋ inyo ma. Mbə́ mə́ ghayn abú uzugə iboŋ wu kwi, “A yə́ ghayn inen akə ukum Yeso ŋunə Pol ghayn inayn Nwiye da uŋwən kwi mbən duw.” 14Buŋ anóm sambigə nu amə buŋ abú atəw igun ba mbənə umə faʼa ambəŋ Nwiye nu ukum ma mə Skeva mbə́ mə́ ighəy anó zəŋ. 15Asɨmə azugə iboŋ wu ghayn abú úŋwən kwi, “Mə kyay Yeso nibi kyay Pol asɨmə mbən mə ngwa?”

16Anom ŋunə azugə iboŋ wu mə inyo ma fwayn igun uma, som ifuw úŋwən uma ujum. Yə aghəy u nod du awu na itin ka nə una inyo uma.

17Ba Jû ujum nə ba mbənə akaʼa ma ba Jû nu umə chomo Efesus zəw anó zəŋ. Amaʼazənə mbə́ zəw ney, mbə́ angəd kwaʼa ingəʼ. Anigə mbə́ naʼ iwumini kyayn abú Asɨyisəg Yeso. 18Ba nanaʼ moʼ mbənə mbə́ beni Kristo, ŋu beni iguw unó ma ifigi ba Kristo, nibi ghayn unó iboŋ mbənə úŋwən si aghəy. 19Ba moʼ akaʼa úŋwən nu mbə́ mə́ kwaba ikwa, were uŋwaʼanayn ikwa uma ituŋ ifigi ba ujum. Mbə taŋ unun ukab akə uŋwaʼanayn wu ujum yə́ ŋuw ka ukab afaʼa utuʼ abú ba ukɨ nə ighumi ifəw. 20Akə nji zəŋ, inayn Asɨyisəg mə bə saŋa ŋuw imbey ni bira fiŋ ba nanaʼ. Ba mbənə mbə́ zəw mbə́ beni.

Ba mbənə mbə́ mə́ Efesus bəw indum

21Amaʼazənə ba Efesus sí zi fiŋ uma inyo Nwiye, Pol num ungɨŋ fiŋ ma kwi, iyi chigə á Masedoniya nibi chigə á Achaya iŋuw Yerusanem. Yə́ ghayn kwi, “A bə si ŋu awu, a yi nibi ŋu a Rom.” 22Anigə yə́ tom Timoti nə Erastu, nu amə anóm bigə mbənə mbə́ mə́ wyere uŋwən á Masedoniya anigə ichomo aba abey Esiya akə amaʼa moʼ.

23Akə amaʼa wu, indum kaka du Efesus da Nji Asɨyisəg tey. 24Anom moʼ nu ukum ma mə́ Demetriyus nu yə́ mə́ twiyə u aghəy akə atənə sɨriva, mə́ twiyə utənə ambəŋ Nwiye ayey nu mbə́ mə́ tiya akə Atemis. Iyuŋ wu mə naʼa ukab nanaʼ abú ba faʼa ma. 25Yə fere ba faʼa ma, nibi fere ba faʼa chini mbənə mbə́ mə́ faʼa ukudu afaʼa wu, ighayn abú úŋwən kwi, “Umbəŋ unya mbən kyay kwi inja imbon yə noʼo akə afaʼa zəŋ. 26Mbən zən nə izəw umugə Pol ŋunə fiʼi utəw ba ibeŋ fiŋ ba nanaʼ umugə u ghayn kwi unwiye mbənə ba tana akə ubugə akə ma unwiye moʼ. Yə ghayn anó zəŋ á Efesus nibi ghayn ungɨŋ usin ujum mbənə umə aba abey Esiya. 27Ibɨy amə kwi, inja afaʼa zəŋ yi mə nə ukum iboŋ. Ibɨy chini amə kwi, cha na Nwiye kyayn Atemis mi məŋə ma aghəy moʼ. Anigə ukum kyayn ma u yi nim uŋwən ŋunə ba jum mbənə umə Esiya mə wumine uŋwən.”

28Amaʼazənə ba wu zəw anó zəŋ, mbə́ siy itəm kwaʼa ingəʼ ikyay akə ikay ghayn kwi, “Amede Atemis abú ba Efesus!” 29Abuyi sugi ungɨŋ asin wu ujum. Anigə ba moʼ ibiya Gayus nə Aristakus ba Masedoniya nu mbə́ mə́ yeŋ nə Pol. Mbə́ ibiya úŋwən nigə num ŋu asama ufere. 30Pol zən nigə kaba kwi, di yə ŋu ifigi akama ba wu, asɨmə cha ba mbənə mbə́ beni Kristo di sayn ma uŋwən kwi u ŋuw awu. 31Ba kyayn moʼ ungɨŋ aba abey wu, nu amə uzi ma cha ukən iboʼo ubugə abú uŋwən kwi ka u ŋuw ma ungɨŋ isama wu.

32Abuyi du ungɨŋ ufere wu. Ba moʼ mə kyay ghayn anó feyn, u moʼ ni kyay ghayn anó chini. Cha ba nanaʼ di kyay uma aton zənə mbə́ ŋu fere. 33Ba Jû tiya anóm moʼ nu ukum ma mə Alezanda cha imbey kwi u toʼo aton zənə ba ŋu fere. Yə aghəy anwini akə abugə kwi ba chuʼ izi u toʼoro anó wu abú úŋwən. 34Amaʼazənə mbə́ kyay kwi uŋwən mə wa Jû, úŋwən uma ujum foro kyay akə ikay akə u awa ubigə ghayn kwi, “Amede Atemis abú ba Efesus!” 35Amə wa ŋunə yə mə ŋwaʼanayn aŋwaʼanayn ungɨŋ asin wu, yə aghəy akama ba wu chuʼ izi. Wə ghayn kwi, “Ba Efesus, wa moʼ waʼa akəŋ nu cha u kyay ma kwi amə ba Efesus umə isey amede Atemis nibi kyay kwi amə úŋwən umə isey azəŋ ma zənə yə́ fwayn azobo. 36Cha wa moʼ awu amə aghəy u ton anó zəŋ, anigə mbən num inyo asey. Ka mbən mə buw ngwen usin. 37Mbən num ba mbəŋ zaʼa akəŋ nu cha u ji ma ambəŋ Nwiye kə cha u di ghayn ma anó iboŋ moʼ da Nwiye ayey. 38A bə mə kwi Demətriyus nə ba faʼa ma, bə mə nə usaʼa nə wa moʼ, ina usaʼa yə awu. Ba mbənə umə saʼa usaʼa mbə́ awu, u ŋuw puri usaʼa uma awu. 39Asɨmə anó chini bə mə bugə awu nu mbən mə kaba mba yi nwini zigə Amaʼazənə mba mi yimə ufere. 40Damugə noʼo yi yimə ngwa kwi, mba zaʼa nə abúw da anó zənə a num usin akə̂choŋ, anigə ayi mə cha aton inaʼ itey aton zənə mba mə kyay igun.” 41Amaʼazənə wə́ ghayn nigə, wə́ ghayn abú ba mbənə mbə́ fere kwi, “Mbən si ŋu ngwen.”

Currently Selected:

Ifa 19: NGI

Highlight

Copy

Compare