Psom 146
146
Louanz pou Bondie nou Sover
1Alelouya!
Nou loue LESEGNER!
2Mo pou sant louanz LESEGNER tanki mo ena lavi;
mo pou loue mo Bondie ziska lafin mo lavi.
3Pa fer konfians bann dirizan imin;
imin pa ena pouvwar pou sov nou.
4Kan zot mor, zot vinn lapousier;
sa zour-la tou zot plan mor ansam ar zot.
5Bienere dimounn ki trouv sekour dan Bondie ki Zakob ti priye;
ki met tou lespwar dan LESEGNER so Bondie,
6ki finn kree lesiel ek later,
lamer e tou seki zot kontenir,
ki gard so promes avek fidelite,
7ki fer lazistis an faver bann oprime
e li nouri tou bann kreatir ki gagn fin.
LESEGNER liber bann prizonie,
8LESEGNER fer aveg trouv kler.
LESEGNER ed seki finn tonbe pou re-diboute;
LESEGNER kontan dimounn ki swiv bon sime.
9LESEGNER protez bann imigran ki viv dan nou pei;
li relev bann vev ek orfelin
me li fer plan bann azan lemal fini an-rwinn.
10LESEGNER pou regne pou touzour,
O Sion, to Bondie pou regne eternelman.
Alelouya, nou loue nou SEGNER!
Currently Selected:
Psom 146: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
