Psom 142
142
Lapriyer pou demann sekour
Enn poem David. Enn lapriyer ki li ti fer letan li ti dan enn kavern.
1Avek tou mo lafors mo dimann LESEGNER ed mwa;
avek tou mo lafors mo sipliy LESEGNER.
2Mo rakont li tou mo problem;
mo dir li tou mo traka.
3Kan mo nepli ena kouraz,
to kone ki mo bizin fer.
Lor mo larout, mo lennmi
finn instal piez partou.
4Ler mo get otour mwa,
mo pa trouv personn pou protez mwa,
personn pou donn mwa enn koudme pou kasiet.
Personn pa pran kont mo lavi.
5SEGNER, mo sipliy twa vinn ed mwa.
Mo dir twa, “Tomem mo protekter;
tomem mo trezor lor later bann vivan.”
6Ekout mo lapriyer dezespwar,
akoz mo finn afebli.
Protez mwa kont mo lennmi;
zot tro for pou mwa.
7Tir mwa dan mo prizon
pou mo loue to grander.
Bann ki obeir Bondie pou rasanble otour mwa
parski to finn azir avek bonte anver mwa.
Currently Selected:
Psom 142: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
