Psom 140
140
Protez mwa Segner Bondie
Pou sef koral. Enn Psom David.
1SEGNER, protez mwa kont bann azan lemal;
anpes bann dimounn violan fer mwa ditor.
2Zot nek konplote pou fer lemal
e zot touzour pe lev lager.
3Zot lalang ena venin kouma serpan;
zot parol sarye pwazon koumadir kobra.
4Protez mwa, SEGNER, kont pouvwar lemal;
anpes dimounn violan detrir mwa,
bann ki rod met mwa lak.
5Bann dimounn fezer finn instal latrap pou mwa;
ar lakord zot finn tal enn file pou may mwa;
zot finn met piez partou lor mo sime.
6Mo dir LESEGNER, “Tomem mo Bondie!”
Ekout mo lapriyer, SEGNER, mo pe sipliye!
7Twa SEGNER, mo Segner, lafors ki sov mwa,
to finn protez mo latet pandan konba.
8SEGNER, pa sede devan dezir bann azan lemal;
pa les zot reisi zot proze,
sinon zot pou drese dan larogans.
9Pa les mo bann lennmi gagn laviktwar;
fer zot move lespri detrir zot prop lavi.
10Fer labrez tom lor zot;
fer zot tom dan trou nwar kot pena sime sorti.
11Anpes bann foser ek manter etabli zotmem dan pei;
fer ki maler pourswiv zot san arete.
12Mo kone ki LESEGNER pran par bann pov;
li defann drwa bann ki bizin so led.
13Bann ki viv dan ladrwatir pou sant to laglwar;
zot pou touletan viv dan to prezans.
Currently Selected:
Psom 140: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
