Psom 136
136
Mersi Segner Bondie
1Nou remersie LESEGNER parski li bon;
so lamour infini li eternel.
2Nou remersie Bondie ki pli gran ki tou bondie;
so lamour infini li eternel.
3Nou remersie Lesegner, pli pwisan ki tou segner;
so lamour infini li eternel.
4Zis li tousel ki kapav fer bann gran mirak;
so lamour infini li eternel.
5Ar so sazes li ti konstrir lesiel;
so lamour infini li eternel.
6Li ti kree later lor losean profon;
so lamour infini li eternel.
7Li ti kree soley ek lalinn;
so lamour infini li eternel.
8Soley pou gouverne lizour;
so lamour infini li eternel.
9Lalinn ek zetwal pou gouverne aswar;
so lamour infini li eternel.
10Dan Lezip li ti touy tou bann garson premie ne;
so lamour infini li eternel.
11Li ti gid pep Izrael pou zot sorti depi Lezip;
so lamour infini li eternel.
12So lame pwisan, so lebra solid;
so lamour infini li eternel.
13Li fer dilo Lamer Rouz separ an de;
so lamour infini li eternel.
14Li ti gid so pep pou travers lamer;
so lamour infini li eternel.
15Li ti nway lerwa Lezip ek so larme;
so lamour infini li eternel.
16Li ti gid so pep atraver dezer;
so lamour infini li eternel.
17Li ti detrir bann lerwa pwisan;
so lamour infini li eternel.
18Li ti ranvers bann gran-gran lerwa;
so lamour infini li eternel.
19Sihon, lerwa Amorit;
so lamour infini li eternel.
20Og, lerwa Basann;
so lamour infini li eternel.
21Li ti pran zot later e li donn sa so pep;
so lamour infini li eternel.
22Li ti donn tousala Izrael, so serviter;
so lamour infini li eternel.
23Kan nou ti imilie, li pa ti abandonn nou;
so lamour infini li eternel.
24Li ti tir nou dan prizon nou lennmi;
so lamour infini li eternel.
25Li donn manze tou bann kreatir vivan;
so lamour infini li eternel.
26Nou remersie Bondie ki Souvrin dan lesiel,
so lamour infini li eternel.
Currently Selected:
Psom 136: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
