Psom 137
137
Dan bor larivier Babilonn
1Dan bor bann larivier Babilonn nou ti asize;
nou larm ti koule ler nou ti rapel Sion.
2Lor pie pepliye dan bor dilo
nou ti anpandan nou linstriman lamizik.
3Nou lennmi konkeran demann nou sante.
Nou persekiter demann enn kantik zwaye.
Zot dir, “Sant enn sante ki sorti Sion.”
4Kouma kapav sant enn sante pou LESEGNER
kan nou dan pei etranze?
5Si zame mo bliye twa Zerizalem,
prefer mo lame bliye kouma zwe lamizik.
6Si ena pou bliye twa,
si mo nepli konsider twa lasours mo boner,
prefer mo lalang amare e mo aret sante.
7Rapel, SEGNER, ki bann Edomit ti fer
zour ki Babilonien ti kaptir Zerizalem.
Pa bliye ki zot ti pe dir,
“Kraz partou! Met tou plat!”
8Zour destriksion Babilonn pou vini.
Bienere sa dimounn ki pou fer ar zot
seki zot ti fer ar nou:
9trap ti-baba pou kraz zot lor ros.
Currently Selected:
Psom 137: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
