Psom 128
128
Vre rekonpans
Enn kantik pou pelerinaz.
1Bienere tou dimounn ki ena respe pou LESEGNER,
bann ki swiv sime li finn trase.
2To travay pou ranpli to gard-manze;
li donn twa boner ek prosperite.
3To madam dan lakaz pou grandi to fami,
li pou kouma enn pie rezin;
e to bann zanfan pou parey bann brans zoliv otour to latab.
4Samem benediksion ki pe atann
enn dimounn ki obeir LESEGNER.
5LESEGNER beni twa depi Montagn Sion!
Osi lontan to viv to pou temwin prosperite Zerizalem.
6Mo priye ki to viv ase lontan
pou get to ti-zanfan grandi.
Ki Izrael beni ar lape!
Currently Selected:
Psom 128: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
