Psom 127
127
Anou loue bonte Lesegner Bondie
Enn kantik pou pelerinaz. Enn Psom Salomon.
1Si LESEGNER pa konstrir enn lakaz,
travay artizan tourn dan vid;
si LESEGNER pa okip sekirite so lavil,
bann santinel pou fer senntri dan vid.
2Perdi letan rint nou lekor pou zwenn de bout,
leve boner, al dormi tar,
parski LESEGNER finn fini okip bienet
dimounn ki li kontan letan zot pe dormi.
3Enn zanfan li enn kado LESEGNER;
bann zanfan zot enn benediksion.
4Sak garson ki enn zom ena dan so zenes
li kouma enn zarm dan lame enn solda.
5Bienere zom ki so artilri ranpli ar zarm,
plis li ena, plis li bon pou so defans.
Li pa pou konn defet
kan li zwenn so lennmi dan zizman.
Currently Selected:
Psom 127: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
