Psom 129
129
Lapriyer kont bann lennmi
Enn kantik pou pelerinaz.
1Depi mo zenes mo bann lennmi persekit mwa - ale, repete O Izrael -
2“Depi mo zenes mo bann lennmi persekit mwa
me zot pa finn gagn laviktwar lor mwa.”
3Zot ti fouy sion profon lor mo ledo
koumadir pe labour later.
4Me LESEGNER, limem vre drwatir,
li finn kas lasenn bann ki pratik lemal.
5Mo priye ki tou dimounn ki ayir Sion
zot zwenn defet dan laont ek konfizion.
6Ki zot vinn kouma lerb ki pous lor twatir
me ki mor avan ki rasinn devlope.
7Move lerb pa ranpli lame enn kouper lerb;
li pa ranpli lebra enn ramaser lerb.
8Akoz samem bann pasan ki pase,
zame zot pou arete pou dir bann mwasoner,
“LESEGNER beni twa;
Nou beni twa dan nom LESEGNER!”
Currently Selected:
Psom 129: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
