Psom 126
126
Liber nou, Segner Bondie
Enn kantik pou pelerinaz.
1Kan LESEGNER ti ramenn nou dan Zerizalem,
nou ti krwar nou pe reve.
2Nou labous ti ranpli ar gran riye,
nou lalang ti kriye ar lazwa. Ala nou riye la!
Nou tann bann lezot nasion dir,
“LESEGNER finn fer vremem boukou pou zot.”
3Wi, LESEGNER ti vremem fer boukou pou nou.
Akoz samem nou ti ere koumsa.
4SEGNER, re-donn nou laglwar ki nou ti ena,
parey kouma lapli ranpli larivier sek dan Negev.
5Bann ki sem lagrin dan plantasion ar zot larm,
pou fer lakoup dan lazwa.
6Bann ki al dan plantasion avek larm,
gro sak semans lor ledo,
pou retourne lazwa dan leker,
pou sante, bon rekolt dan zot panie.
Currently Selected:
Psom 126: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
