Psom 125
125
Sekirite lepep Bondie
Enn kantik pou pelerinaz.
1Bann ki met zot konfians dan LESEGNER
zot kouma Montagn Sion
ki personn pa kapav sakouye, li res la pou touzour.
2Parey kouma montagn ankadre Zerizalem
LESEGNER ankadre so pep
aster, pli divan ek touletan.
3Bann dirizan ki swiv lemal pa pou ena pouvwar touletan
dan pei ki apartenir ar bann ki viv ladrwatir,
sinon dimounn ki drwat pou tranp so lame
dan lemal, dan krim.
4SEGNER, montre to bonte ar dimounn ki bon;
beni bann ki ena lazistis dan zot leker.
5Kan to sas bann azan lemal,
pini osi bann ki finn abandonn bon sime.
Ki Izrael beni ar lape!
Currently Selected:
Psom 125: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
