Psom 124
124
Lesegner Bondie protez so pep
Enn kantik pou pelerinaz. Enn Psom David.
1Si LESEGNER pa ti mars ar nou
- ale, repete O Izrael -
2Si LESEGNER pa ti mars ar nou
ler nou lennmi ti pe atak nou
3zot ti pou aval nou vivan
dan zot koler ki ti pe sofe kont nou;
4debordman ti pou sarye nou ale,
toran ti pou kouver nou partou;
5e nou ti pou nwaye par kouran delo inondasion.
6Anou remersie LESEGNER
ki finn anpes lennmi desir nou ar zot ledan.
7Kouma ti zwazo nou finn reisi sap dan latrap saser;
latrap-la finn deklinke e aster nou lib.
8Nou sekour sorti depi LESEGNER limem,
kreater lesiel ek later.
Currently Selected:
Psom 124: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
