ISAYA 20
20
Layár aarusmo iwa /ankweetsín
1Kurkudá' waawutmo Sargoni oo Ashuru geeraharusmoó úr oo slaqwaruuseerós nguwa ya/aáw, tari slaáqw nee gixsár Ashdodi, gari hayóh, 2qoomaadae AAKOÓ MUNGÚ Isaya, garmoó Amos gwaa báy, «Tlabaasingaá guniyadu duuxeek gawaá slaqwtoge nee ya/ataawo sleeme.» Isaya axweesantí gari iialooeés, gari tleéhh iri hi'iimiít ar /aankwets nee ya'aá tawo. 3Aluuwo kurkudá' gixsár Ashdodi kawa hayóh, AAKOÓ MUNGÚ iri oó', «Ar adoodá' sagadiyusmooeé' Isaya ira hi'iimiít ar /aankwets nee ya'aá tawo, as iwa laya tleehhiti nee slaqsaay oo tleehharuút dír múk Misri nee oo Kushiro, 4gawaá adoorihe waawutmoó Ashuru múk Misri nee oo Kushiro gu ar tláy baraá lawaali'iima, múk urén nee na/iiwo. Ginar tláy awa /aankwets nee ya'aá tawo nee gwe'ede tsee/a, múk Misri kuri mureekees. 5Daqaní mukdá' sleémeero oo múk Kushi gwaa harahhiif, nee kudá' Misri gara daara/uut, tan daandeemo feehhamiit, tari amoqwaar. 6Baalaadae yaamuuloouusér afaá tlawi iri o', ‹Qaytsité', mukdá' atén ta harahhifaafitaan gár gwaa sleer, kudá' tay gwaagowaan tiwa tu/iya' dír waawutmoó Ashuruwo. Hám daxta atén adór tar /uwaan?› »
Currently Selected:
ISAYA 20: IRQW
Highlight
Share
Copy
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.
