ISAYA 18
18
Mungú xoorór Kushi ga muux
1Tsaxwaaín yaamuudá' xuuraaír hhampe'eeri kawa axamiisi,
kudá' ya'aá Kushiro gayuqá' i diriiá',
2kudá ya/abuuser'ín ya/abiitá' ar baraá yaaér Nili,
kudá' aa'aá kakaawá' ar baraá ma'aay ar miringér taa tleéhh ar oombas.
Tlawsé', kuungaásingaá ya/abuusér islahh,
tlawsé', amór múk tledaadét nee oo slaqooín natsaatsa'á',
amór mukdá' dae tlaáq umuú diiro,
amór xooroodá' /uuruú koom nee baalaaliim,
tidá' yaamuuwós taa qasiís nee yau.
3Kuungaásaá yaamuloouusér baraá yaamu sleémeero, iia qaasaak,
kuungaásingá' baraá yaamú wa hootá',
qoomár bendeéra bar ka gawaá tlom'í wa tleés ta qaytsitá',
qoomár tarumbeéta barka ufaáhh iia ka qasá'.
4Asma AAKOÓ MUNGÚ aníng ina báy,
«Aníng an didár hotaaeé' xasliít, a xumiís,
adór tsee/amángw aa xaslmiit qoomár siiree/iro,
adór huunkoó tluúw qoomár siree/ír fiiqituwo.
5Asma dír fiiqit ira xayká, qoomár /ayo bira hú',
qoomár sabiíbu bira hamaár,
Mungú harma/o gan tsaat ar makásidá' xaai kir tlaqaaqati,
nee haleemiidá' naa ifiitiye' giri alkwaasl.
6Inooín sleémeero kin geexáy
tawa muruú /aymár gwaresuú gawaá tlom'i
nee muruú /aymár makaá baraá yaamu.
Inooín gwares gin /aay qoomár qu'uuwo,
kiri /aay nee makaá baraá yaamu qoomár tsaaqutmoowo.»
7«Qoomaadae AAKOÓ MUNGÚ Aleesleemusmo kungun qeemií huuw
nee múk tledaadét nee oo slaqo natsatsa'ayen,
xoorór dae tlaaq ar tsewen nee ar sawen,
xooroodá' /uuruú koom nee baalaaliim,
tidá' yaamuuwós taa qasiís nee yau,
sluufaay kungun huuw amór tloomár Siyoni
didá' AAKOÓ MUNGÚ Aleesleemusmo kuwa sluufmaamisi.»
Currently Selected:
ISAYA 18: IRQW
Highlight
Share
Copy
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.
