ISAYA 16

Alee/isoó Moabu i kaahh

1Deeloó bee/aangw ya/awaak,

amór waawituú yaamu

amór Sela tiwa ya/abe' tidár baraá xaanxaay,

ay amór tloomár múk Siyoni.

2Adór tsir/ór taa tleés

ar taa diyaá/ dír maray'ín wa alé,

an adór múk Moabu i dirii'i,

dír waarahhamaá yaaér Arnoniro.

3Múk Moabu i múk Yuda babay,

«Atén ti gurbue', kangwrén tlaaqare',

xuumarhúng daandemorene doogare' adór giwtír naa tlatla/ángw iimu/uun.

Mukrén oo tinda guús lu/aak,

nee kudá' naa ayahúngí /akumiit mu geewaqaatara'.

4Múk Moabu oo tinda guús

i baraá ayaahúng wa hooti,

kuungá' dír guway'ín tleehhité'

as mukdá' gi hhaamimiís.»

Ay dír mukdá' gi baramaanuús i qwaari,

nee ay dír kudá' múk hhaamimiís i hhan,

ay dír mukdá' múk yaamaá hara'adarahá' i hhan baraá yaamuwo.

5Baraá doó Daudiwo

heé sla'aari warqawaaká iri waawuti'ín,

muu guri geerahaar ar inkihhimu.

Inós kwasleemadu gin tleehh ar loohír ganaa',

ku ló'wa inslaáhh gana'amu nguwa tleehhi.

6Múk Yuda ta kaahi, «Atén kángw daara/ángw múk Moabu

ugwa axaasaán

adór ir hiintaluusiya' nee ir daara/ana',

nee adór kir sagegawdén.

Ala daara/angw'ín a tawo.»

7Gawaá adoorihe Moabu mawaak i tsuunqumis,

Umuúqo heewo baraá Moaburo mawaak i tsuunqumiisi,

ta tsuunqumiisi as slahhtadá' ur naa slayé',

nee as mikaáteedá' taa tleéhh ar sabiíbu, ar baraá Kirihareseti.

8Asma qamaá Heshboni naa /ootsiyé',

tam sabiíbuú Sibma sleeme,

kudá' bariisér xoordu gaa ooniitamaamis,

halemiiwós niri hardihiyé' ay Yaseri,

niri harweriné' ay baraá xaanxaay.

Harma/oorós iri hardát tlawto gayuuqá'.

9Gawaá adoorihe, aníng a /aa/amiím dinkwa nee Yaseri

as sabiíbuú Sibma,

aga hhuuntsuumiít /aa/eewo as kuungá'

kuungásingá gixsadaá Heshboni nee Eleale,

ururu'umisuduú qoomár fiiqit aa faák.

10Asma qwala/ nee bar/uwo naa faakiyé',

baraá yaamuudá' wahhaara'a.

Baraá qamaá sabiíbuwo daa'aangw i sangw kaahh,

tam afór ti'imiit i káhh sleeme,

sabiíbuú ta tsoo/iti i sangw kaahh,

bar/uú heé sabiíbuú kal/aám ugwa hingeés.

11Gawaá adoorihe, muunaáeé' i /aa/amín as Moabu

adór tarumbeéta,

nee hhiintlueé' i /aa/amín as gixsár Kiriheseri.

12Qoomár múk Moabu birna munguii'ín sluufmisuú ayé', qoomár birti kilooín daawitamiisiyá' dir'ín tidár gáwtá wa alé, nee birni amór doó munguii'ín kayá' inooín ki geemayká.

13Kaangwí an axweesantá AAKOÓ MUNGÚ aa oó' aáng daanduú múk Moabuwo. 14Ala daxta AAKOÓ MUNGÚ i kaahi, «Kureeraá tám faaraak adór heé ta bu'un ir deelór fadiiti, xoongír múk Moabu ka qoongo'oos, tam mukós ku ló'wa yaariire, ala múk meét ku niiná, nee ku liitlakwén.»

Currently Selected:

ISAYA 16: IRQW

Highlight

Copy