ISAYA 15
15
Mungú xoorór Moabu ga hhaamiis
1Kaangwí a iigu'utuú daanduú Moabu.
Asma gixsár Ari tidár baraá yaamaá Moabu kana xweeraá gaás,
nee gixsár Kiri tidár baraá yaamaá Moabu kana xweeraá gaás.
2Múk gixsár Giboni ta gáwtí tsa/aa/án,
amór wa/aamér tawa sluufmaamisi as tawa tsuunqumisuú ay.
Múk Moabu ta tsuunqumiis
as múk Nebu nee Medeba.
Sleémeero sager'ín ngaa deeqwiyé',
daamoó kaa deequút sleémeero.
3Múk baraá loohiro waraáhh guniyadu gaa tsiít.
Gawaá daandeemaá maraywo, nee baraá afeenaaro,
umuú heewo in tsuunqumiis nee iri hirqamiit hhirhheeriwo.
4Múk Heshboni nee oo Eleale i /aa/amín,
afór /aa/eeín kari axaás gixsár Yahasír wa alé,
tam slaqwaruusér Moabu in tseeamiín /aa/eewo,
gur'er'ín i kitlkítl daeero.
5Aníng a /aa/amiím as yaamaá Moabu,
mukós aa tiaaín ay Soari,
aa tiaaín ay Eglat-shelishiya,
mukós i tsa/aa/án amór Luhiti, ta hara /aa/amín,
amór loohír Horonaimúr kawa,
mukós i /aa/aamín as qwanaay.
6Ma'aá yaaér Nimrimu naa /oné',
gitso aa kát, tam naafí aa kát sleeme,
tam harma/tá ti'imiit i káhh sleeme.
7Gawaá adoorihe, muu yaaér Mierebiro i waraahh,
daqaari'iimadá' sleémeero naa slayé' ngaa ar tlayé',
nee umuú gár amohhe'eesaro naa aslay'i.
8Asma yaamaá Moabu naa gwaaiyé' /aa/eewo,
tsuunqusmoóín aa hardáh ay Eglaimu,
iri hardáh sleeme ay Be'er-elimu.
9Asma tseere baraá ma'aá Diboni gaa dalá/,
tam adoorihe Mungú slahh'amuú múk Diboni gu dook.
Panaydá' aa meet baraá yaamaá Moaburo,
kudá' naa kotsoqomiitiye', diraangw gin ohín.
Currently Selected:
ISAYA 15: IRQW
Highlight
Share
Copy
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.
