يُوشَعُ 9
9
حُكُنْثِنْ إِسْرَٰٓءِيلَ
1«يَا إِسْرَٰٓءِيلَ، كَدَ ڢَا كُيِ ڢَضٍ ثِكِ!
كَدَ كُيِ مُرْنَ كَمَرْ سَوْرَنْ ڧَبِيلُ!
غَمَا كُنْيِ وَ اللَّهْ نْكُ رَشِنْ أَمِنْثِ
تَوُرِنْ بِنْ وَطَنْسُ أَلُّواْلِ
كَمَرْ كَارُوَرْ دَتَكٜىٰبِنْ مَظَا؞
عَكُواْوَنّٜىٰ وُرِنْ بُغُنْ حَڟِ
كُكَ سَيَرْ دَ كَنْكُ غَ غُنْكِنَّنْ بَعَلْ
كَمَرْ كَارُوَ
غَمَا كُنَ جِنْ دَاطِنْ لَادَنْ
دَ كُكٜىٰ ڟَمَّنِ يَبَاكُ؞
2تُواْ، وُرِنْ بُغُنْ حَڟِنْكُ
دَ وُرِنْ مَاڟَ إِنَبِنْكُ،
بَذَاسُ سَاكٜىٰ ثِيَرْ دَكُو بَ؞
حَكَ مَا ضُوً إِنَبِنْكُ مَيْ ذَاڧِ
بَذَيْبِيَ مُكُ بُڧَاتَبَ؞
3مُتَنٜىٰنْ إِسْرَٰٓءِيلَ عَ أَرٜىٰوَ
بَذَاسُ ذَوْنَ عَڧَسَرْ يَهْوٜىٰهْ بَ،
ذَاعَ كُواْمَرْدَ وَطَنْسُ أَ مَصَرْ،
وَطَنْسُ مَا ذَاسُ تَڢِے أَسُّرِيَ،
دُكَنْسُ ذَاسُثِ عَبِنْثِنْ ڧَظَنْتَا عَثَنْ؞
4بَذَاسُ عِيَ مِيڧَا وَ يَهْوٜىٰهْ
هَدَايَ تَضُوً إِنَبِبَ؞
هَدَايُنْسُ كُوَ
بَذَاسُ غَمْشٜىٰشِيبَ؞
عَبِنْثِنْ هَدَايُنْسُ ذَيْ ڧَظَنْتَرْ دَسُو،
كَمَرْ عَبِنْثِ نَمَاسُ كُوكَنْ مُتُوَ
وَطَنْدَ سُكَ ڧَظَنْتُ؞
غَمَا عَبِنْثِنْسُ ذَيْ ذَمَ
نَمَاغَنِنْ يُنْوَرْسُ نٜىٰ كَوَيْ،
بَذَاعَ كَيْ شِ هَدَايَ أَغِدَنْ يَهْوٜىٰهْ بَ؞
5مٜىٰ ذَاكُيِ كٜىٰنَنْ،
أَ رَانَرْ دَ عَكَ شِرْيَ دُواْمِنْ يِنْ بِكِ؟
وَتُواْ، أَ رَانَرْ بِكٍ يَهْوٜىٰهْ؟
6كُواْ دَمَا أَ رَانَرْ كُنْ كُٻُثٜىٰ دَغَ هَلَّكَ،
مَصَرَاوَا ذَاسُ تَتَّرَاكُ،
عِ، ذَاسُ بِنّٜىٰكُ أَ مٜىٰمْڢِسْ عَڧَسَرْسُ؞
ڧَيُواْيِ ذَاسُ مَلَّكِ أَبُبُوَنْكُ
مَاسُ دَرَجَ نَأَظُرْڢَا؞
ڧَيُواْيِ ذَاسُ رُڢٜىٰ تٜىٰنْتُنَنْكُ؞
7«ݣُونَكِنْ حُكُنْثِ سُنْ إِسُواْ،
ݣُونَكِنْ رَامُوَا سُنْذُواْ،
ݣُونَكِنْ دَ ذَاكُ سَامِ سَكَمَكُوانْ عَيْكِنْكُ؞
كٜىٰ إِسْرَٰٓءِيلَ، كِنْ سَنِ!
كُكَنْثٜىٰ أَنَّبِے وَوَنٜىٰ،
كُكَنْثٜىٰ دَ وَنْدَ يَهْوٜىٰهْ يَمُواْڟَ
يَيِ مَغَنَ، مَهَوْكَثِ نٜىٰ،
سَبُواْدَ تُلِنْ ذُنُبَنْكُ،
دَ يَوَنْ ڧِينَ دَ كُكٜىٰيِ؞#لُكْ 21.22
8أَنَّبِے شِينٜىٰ مَيْ ڟَرُواْ
دُواْمِنْ مُتَنٜىٰنْ إِسْرَٰٓءِيلَ أَغَبَنْ اللَّهْ نْسَ؞
عَمَّا دُكْدَهَكَ أَنَ تَسَا مُسُ تَرْكُواْ
أَدُكَنْ هَنْيُواْيِنْسُ كَمَرْ ڟُنْڟُ،
أَغِدَنْ يَهْوٜىٰهْ مَا أَنَ غَابَادَ أَنَّبِے؞
9كُنْيِ ظُرْڢِ ثِكِنْ رَشِنْ غَسْكِيَ،
دَيْدَيْ كَمَرْ يَدَّ كُكَيِ أَ غِبٜىٰيَ أَدَا؞#أَلْڧَ 19.1-30
أَيْ، يَهْوٜىٰهْ ذَيْ تُنَ دَ مُغُنْتَارْكُ،
يَحُكُنْتَ ذُنُبَنْكُ؞»
10إِنْجِ يَهْوٜىٰهْ،
«دَنَتَرَرْ دَ إِسْرَٰٓءِيلَ تَغَمْشٜىٰنِ
كَمَرْ يَدَّ عَكَ تَرَرْ دَ إِنَبِے أَدَاجِ؞
نَغَ كَاكَنِّنْسُ كَمَرْ نُونً ڢَارِ
نَیَیَنْ ٻَوْرٜىٰ أَ لُواْكَثِنْ ڢَرْكُوانْ نُونَنْسُ؞
عَمَّا دَ سُكَ كَيْ بَعَلْ ڢٜىٰيُوارْ،
سُكَ كٜىٰٻٜىٰ كَنْسُ غَ أَبِنْ كُنْيَرْ نَنْ بَعَلْ؞
سُكَ ذَمَ أَبِنْ ڧَظَنْتَا
كَمَرْ غُنْكِنْ دَسُكٜىٰ ڧَوْنَ؞#لِـ ڧِدْ 25.1-5
11دَرَجَرْ مُلْكٍ إِسْرَٰٓءِيلَ عَ أَرٜىٰوَ ذَاتَ تَاشِ
تَغُدُ كَمَرْ ڟُنْڟُ،
بَا حَيْڢُوَ، بَا جُونَ بِيُ، بَا طَوْكَرْ ثِكِ!
12كُواْ سُنْيِ رٜىٰنُوانْ یَیَنْسُ،
دُكْدَهَكَ ذَنْيِ تَكَشٜىٰسُ
حَرْ ذُوَا مُتُمْ نَڧَرْشٜىٰ؞
عِ، كَيْتُوانْسُ
سَعَدَّ نَرَبُ دَسُو!
13حَڧِيڧَ، نَغَ ذُرِيَرْ إِڢْرَيِمْ
كَمَرْ إِتَاثٜىٰنْ دَبِينُواْ عَڧَسَا مَيْ أَمْڢَانِ؞
عَمَّا غَاشِ يَوْ،
إِسْرَٰٓءِيلَ تَڢِتَرْدَ یَیَنْتَ أَنَ يَنْكَاوَ؞»
14سَيْ يُوشَعُ يَثٜىٰ،
«يَا يَهْوٜىٰهْ مٜىٰ ذَنْثٜىٰ كَبَاسُ؟
كَبَاسُ أَبِنْدَ يَدَاثٜىٰ دَسُو!
كَبَاسُ ثِكِ مَيْ ظُبَرْدَ جُونَ بِيُ،
دَ نُواْنُوانْدَ يَبُوشٜىٰ؞»
أَنْ حُكُنْتَ إِسْرَٰٓءِيلَ
15إِنْجِ يَهْوٜىٰهْ،
«كُواْوَثٜىٰ مُغُنْتَارْسُ تَڢَارَ نٜىٰ أَ غِلْغَلْ،
عَثَنْ كُمَ نَڧِيسُ؞
سَبُواْدَ أَيُّكَنْسُ مَاسُ مُغُنْتَا،
ذَنْ كُواْرٜىٰسُ دَغَ غِدَانَ؞
بَذَنْ سَاكٜىٰ نُونَ مُسُ ڧَوْنَ بَ كُمَ؞
دُكَنْ شُوغَبَنِّنْسُ یَنْ تَاوَيٜىٰنٜىٰ؞
16أَنْ بُغِ مُلْكٍ إِسْرَٰٓءِيلَ عَ أَرٜىٰوَ،
تُوشٜىٰنْسُ يَبُوشٜىٰ،
بَذَاسُيِ یَیَبَ؞
عِ، كُواْ دَمَا ذَاسُ حَيْڢِ یَیَ
ذَنْ كَشٜىٰ جَرِرَنْسُ دَسُكٜىٰ ڧَوْنَ؞»
أَنَّبِے يَيِ مَغَنَ غَمٜىٰدَ إِسْرَٰٓءِيلَ
17 اللَّهْ نَا ذَيْڧِيسُ،
سَبُواْدَ بَسُيِ مَسَ بِيَيَّبَ؞
ذَاسُ كُمَ ذَمَ مَاسُ يَٰوُاْ
ثِكِنْ سَوْرَنْ أَلْعُمَّيْ؞
Currently Selected:
يُوشَعُ 9: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
