يُوشَعُ 10
10
1إِسْرَٰٓءِيلَ كَمَرْ إِتَاثٜىٰنْ إِنَبِے نٜىٰ
مَيْ بَادَ یَیَ مَاسُيَوَ؞
يَايِنْ دَ یَیَنْسُ سُنَ ڧَارُوَ،
حَكَمَا بَغَدَنْ غُمَكَنْسُ سُنَ ڧَارُوَ؞
يَايِنْ دَ أَرْزِڧِنْ ڧَسَرْسَ يَنَ ڧَارُوَ،
حَكَمَا أَدُوانْ دُووَڟُنْ سُجَّدَ سُنَ ڧَارُوَ؞
2ذُوثِيَارْسُ تَا رَبُ بِيُ؞
يَنْذُ تِلَسْ سُكَرْٻِ أَلْحَكِنْ لَيْڢِنْسُ؞
يَهْوٜىٰهْ ذَيْ ڢَرْڢَسَ بَغَدَنْسُ،
يَكُمَ رُرُّشٜىٰ دُووَڟُنْ سُجَّدَرْسُ؞
3يَنْذُ مُتَنٜىٰنْ إِسْرَٰٓءِيلَ ذَاسُثٜىٰ،
«بَامُ دَ سَرْكِے،
غَمَا بَمُجِڟُواْرُوانْ يَهْوٜىٰهْ بَ؞
عَمَّا كُواْ دَمَا مُنَدَ سَرْكِے،
إِنَا بَمْبَنْثِ؟ مٜىٰ سَرْكِے ذَيْ يِمَنَ؟»
4سُنَ ڢَطِنْ مَغَنْغَنُنْ بَنْظَ،
سُنَيِنْ أَلْكَوَرَنْ دَ بَذَاسُ كِيَايٜىٰبَ؞
دُواْمِنْ حَكَ شَرِيعَرْ ڧَضْيَا تَنَ تَاسُواْوَ
كَمَرْ تَاسُواْوَرْ مُوغُوَرْ ثِيَوَ أَ ڢِيلِنْ نُواْمَ؞
5مَذَوْنَنْ سَمَرِيَ سُنَ ثِكٜىٰ دَ ڟُواْرُواْ
دُواْمِنْ غُنْكِنْ صِڢَّرْ طَنْ بِجِمِ نَ بٜىٰتَوٜىٰنْ؞
عِ، مُتَنٜىٰنْ وُرِنْ ذَاسُيِ كُوكَا دُوانْ غُنْكِنْ؞
ڢِرِسْتُواْثِنْ غُنْكِنْ مَا ذَاسُيِ بَڧِنْ ثِكِنْسَ،
غَمَا دَرَجَرْ غُنْكِنْ تَرَبُ دَشِ؞
6ذَاعَكَيْ غُنْكِنْ طَنْ بِجِمِنْ أَعَسُّرِيَ،
دَشِ ذَاعَ بِيَ هَرَاجِ غَ بَبَّنْ سَرْكِنْسُ؞
ذُرِيَرْ إِڢْرَيِمْ ذَاسُ شَا كُنْيَا،
إِسْرَٰٓءِيلَ عَ أَرٜىٰوَ كُمَ ذَاسُجِ كُنْيَا
سَبُواْدَ إِرِنْ شَوَرَرْ دَسُكَبِے؞
7ذَاعَكَوَرْدَ سَرْكِنْ سَمَرِيَ،
ذَاعَ طَوْكٜىٰشِ
كَمَرْ يَدَّ ضُوَ يَنَ طَوْكَرْ سَنْدَنْ إِتَاثٜىٰ؞
8وُرَرٜىٰنْ سُجَّدَ عَكَنْ تُدَّيْ نَ أَوٜىٰنْ،
عِنْدَ إِسْرَٰٓءِيلَ سُكٜىٰ ذُنُوبِ،
دُكْ ذَاعَ رُرُّشٜىٰسُ؞
ڧَيُواْيِ ذَاسُيِ غِرْمَ عَكَنْ بَغَدَنْسُ؞
مُتَنٜىٰ ذَاسُثٜىٰ وَمَنْيَنْ تُدَّيْ،
«كُرُڢٜىٰمُ!»
غَ ڧأَنَانً تُدَّيْ كُمَ،
«كُڢَاطُواْ عَكَنْمُ!»#لُكْ 23.30؛ رُعُيَ 6.16
يَهْوٜىٰهْ يَيَنْكٜىٰ حُكُنْثِ عَكَنْ إِسْرَٰٓءِيلَ
9إِنْجِ يَهْوٜىٰهْ،
«يَا إِسْرَٰٓءِيلَ، تُنْ ڢَارَوَرْ ذُنُوبِنْكِ أَ غِبٜىٰيَ،
بَاكِ دَيْنَبَ؞
تُواْ، أَ غِبٜىٰيَ نٜىٰ يَاڧِ ذَيْثِ مَاسُ ذُنُبَنْكِ؞#أَلْڧَ 19.1-30
10بِسَغَ غَنِنْ دَامَتَ، ذَنْ حُكُنْتَكُ؞
مُتَنٜىٰ ذَاسُ تَارُ عَكَنْكُ
أَ لُواْكَثِنْدَ نَطَوْرٜىٰكُ
سَبُواْدَ يَوَنْ ذُنُبَنْكُ؞
11«ذُرِيَرْ إِڢْرَيِمْ
هُواْرَرِّيَرْ سَانِيَرْ نُواْمَثٜىٰ،
وَدَّ تَكٜىٰجِنْ دَاطِنْ يِنْ سُسُّكَ؞
يَنْذُ كَمْ نَسَا وَݣَكْݣَوَنْ وُيَنْ إِسْرَٰٓءِيلَ
غُنْغُمٜىٰنْ نُواْمَ مَيْ نَوْيِ؞
نَسَا ذُرِيَرْ يَهُودَ تَجَا كٜىٰكٜىٰنْ نُواْمَ،
ذُرِيَرْ يَعْڧُوبَ كُمَ ذَاتَ نُواْمَ دَ كَنْتَ؞
12كُنُواْمٜىٰ ڢِيلِنْ نُواْمَنْكُ دَ بَعَنُواْمٜىٰبَ؞
كُشُوكَ وَكَنْكُ أَدَلْثِے،
كُغِرْبٜىٰ أَلْبَرْكُنْ ڧَوْنَ؞
غَمَا لُواْكَثِنْ نٜىٰمَنْ يَهْوٜىٰهْ يَايِ،
دُواْمِنْ يَذُواْ يَظُبَ مُكُ أَدَلْثِے كَمَرْ ضُوَ؞#إِرْمِ 4.3
13أَ مَيْمَكُوانْ حَكَ كُنْ شُوكَ مُغُنْتَا
كُنْ غِرْبٜىٰ رَشِنْ أَدَلْثِے،
كُنْثِ سَكَمَكُوانْ ڧَضْيَا،
غَمَا كُنْ دُواْغَضَ غَ ڧَرْڢِنْكُ
دَ كَنْ دُبُنْ دُبَّنْ سُواْجُواْجِنْكُ؞
14سَبُواْدَ حَكَ إِيهُ نَيَاڧِ
ذَيْ تَاشِ غَابَادَ مُتَنٜىٰنْكُ؞
دُكَنْ بِرَنٜىٰنْ كَتَنْغَرْكُ،
ذَاعَ هَلَكَاسُ،
كَمَرْ يَدَّ شَلْمَنٜىٰظٜىٰرْ يَهَلَّكَ بٜىٰتَرْبٜىٰلْ
أَ رَانَرْ يَاڧِ،
يَكُمَ ڢَرْڢَشٜىٰ كَوُنَنْ مَتَ
دَ نَڧأَنَانً جَرِرَيْ عَڧَسَا؞
15حَكَ ذَاعَيِ مُكُ، يَا مُتَنٜىٰنْ بٜىٰتٜىٰلْ،
دُواْمِنْ يَوَنْ مُغُنْتَارْكُ؞
دَ سَسَّڢٜىٰ ذَاعَ هَلَّكَ سَرْكِنْ إِسْرَٰٓءِيلَ
غَبَاطَيَ!»
Currently Selected:
يُوشَعُ 10: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
