يُوشَعُ 8
8
إِسْرَٰٓءِيلَ سُنْ كَوْثٜىٰ وَ اللَّهْ
1إِنْجِ يَهْوٜىٰهْ،
«كُكَڢَ ڧَهُوانْ كِرَنْ يَاڧِ عَبَاكِنْكُ!
كَمَرْ غَغَّڢَ،
أَبُواْكِنْ غَابَا يَنَ سَوْكَ أَ جَمَعَرْ يَهْوٜىٰهْ،
سَبُواْدَ مُتَنٜىٰنَ سُنْ كَرْيَ يَرْجٜىٰجٜىٰنِيَتَ،
سُنْيِ وَكُواْيَرْوَاتَا تَاوَيٜىٰ؞
2كُلُّمْ إِسْرَٰٓءِيلَ سُنَ كُوكَا غَرٜىٰنِ ثٜىٰوَ
‹يَا اللَّهْ نْمُ، مُنْ سَنْكَ!›
3إِسْرَٰٓءِيلَ سُنْڧِے أَبِنْدَ يَكٜىٰ مَيْݣَوْ؞
دُواْمِنْ حَكَ أَبُواْكَنْ غَابَا ذَاسُبِيسُ دَ مَڟِ؞
4«سُنْ نَطَ سَرَاكُنَ،
عَمَّا بَاتَرٜىٰدَ إِظْنِنَبَ؞
سُنْ سَا شُوغَبَنِّ،
عَمَّا بَنْ يَرْدَ دَسُوبَ؞
سُنْ طَوْكِ أَظُرْڢَرْسُ دَ ظِينَارِيَرْسُ
سُكَيِ وَكَنْسُ غُمَكَ؞
تَهَكَنَنْ سُنْ جَٰوُاْ وَكَنْسُ هَلَّكَ؞
5كٜىٰ سَمَرِيَ، نَڧِ غُنْكِنَّنْ،
مَيْ صِڢَّرْ طَنْ سَانِيَ دَ كِكٜىٰ دَشِ؞
ڢُشِنَ يَتَاشِ عَكَنْكِ؞
سَيْ يَوْشٜىٰ ذَاكِ دَيْنَ يِنْ أَيُّكَنْ ڧَظَنْتَا؟
6أَيْ، غُنْكِنَّنْ دَغَ إِسْرَٰٓءِيلَ نٜىٰ،
مَيْ سَسَّڧَ نٜىٰ يَيِشِ؞
غُنْكِ نٜىٰ بَ اللَّهْ بَنٜىٰ؞
غُنْكِنَّنْ مَيْ صِڢَّرْ طَنْ سَانِيَرْ سَمَرِيَ
ذَاعَ كُوَ ڢَرْڢَشٜىٰشِ؞
7«مُتَنٜىٰنْ سَمَرِيَ سُنْ شُوكَ إِسْكَ،
سَبُواْدَ حَكَ ذَاسُ غِرْبٜىٰ غُوغُوَ؞
تُوشٜىٰنْ أَلْكَمَنْ دَيَكٜىٰ ڟَيٜىٰ بَابُ كَيْ،
بَذَيْ يِڟَابَبَ؞
كُواْ دَ يَيِ ڟَابَ مَا،
بَڧِينٜىٰ ذَاسُثِ؞
8أَنْ حَطِيٜىٰ إِسْرَٰٓءِيلَ كَكَڢْ!
يَنْذُ سُنَ ثِكِنْ سَوْرَنْ أَلْعُمَّيْ،
كَمَرْ كَسْكُوانْ دَ بَاشِدَ أَمْڢَانِ؞
9غَمَا سُنْ هَوْرَ ذُوَا أَسُّرِيَ،
كَمَرْ جَاكِنْ دَاجِنْدَ يَكٜىٰ يَٰوُاْ شِ كَطَيْ؞
مُلْكٍ إِسْرَٰٓءِيلَ عَ أَرٜىٰوَ سُنْ بِيَ كُطِ
نَنٜىٰمَنْ ڟَرٜىٰوَ دَغَ وَطَنْسُ؞
10كُواْدَيَكٜىٰ سُنْ بِيَ كُطِ غَ أَلْعُمَّيْ،
ذَنْ سَاكٜىٰ تَتَّرَاسُ؞
ذَاسُ كُوَ شَا بَڧِنْ ثِكِ
ڧَرْڧَشِنْ دَنِّيَ تَبَبَّنْ سَرْكِے؞
11يَايِنْ دَ مُتَنٜىٰنْ إِسْرَٰٓءِيلَ عَ أَرٜىٰوَ
سُنَ ڧَارَ غِنَا بَغَدَيْ
دُواْمِنْ هَدَايُنْ كَوَرْدَ ذُنُوبِ،
حَكَمَا وَطَنَّنْ بَغَدَيْ
سُنْ ذَمَ وُرَارٜىٰنْ ڧَارَ عَيْكَتَ ذُنُوبِ؞
12كُواْ دَ سَوْ نَوَ نَرُبُوتَ مُسُ دُواْكُواْكِنَ،
عَمَّا كُلُّمْ سُنْ طَوْكٜىٰسُ سَابُوانْ أَبُنٜىٰ؞
13سُكَنْجِ دَاطِنْ مِيڧَ مِنِ هَدَايُ
دُواْمِنْ سُثِ نَامَنْ،
عَمَّا نِے يَهْوٜىٰهْ بَانَجِنْ دَاطِنْسُ؞
تُواْ، يَنْذُ ذَنْ تُنَ دَ ذُنُبَنْسُ،
ذَنْ كُمَ حُكُنْتَسُ دُواْمِنْ ذُنُبَنْسُ،
ذَنْسَا سُكُواْمَ مَصَرْ!
14إِسْرَٰٓءِيلَ سُنْ مَنْتَادَ وَنْدَ يَحَلِثّٜىٰسُ؞
سُنْ غِنَا مَنْيَنْ غِدَاجٜىٰنْ سَرْكِے؞
يَهُودَ مَا تَغِنَ
بِرَنٜىٰنْ كَتَنْغَ مَاسُيَوَ؞
عَمَّا ذَنْ عَيْكَ دَ وُتَا عَكَنْ بِرَنٜىٰنْ،
وُتَرْ ذَاتَ ثِنْيٜىٰ غِدَاجٜىٰنْ سَرَاكُنَنْسُ؞»
Currently Selected:
يُوشَعُ 8: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
