مَيْ وَعَظِ 6

رَايُوَرْ مَرَرْ أَمْڢَانِ

1نَكُمَ لُورَ أَݣَويْ وَنِ مُوغُنْ أَبُ أَ رَايُوَرْ دُونِيَرْ نَنْ، أَبِنْ كُوَ يَڢِ مُونِ عَكَنْ یَنْ أَدَمْ؞ 2اللَّهْ يَكَنْ بَا وَنِ مُتُمْ دُوكِيَ دَ أَبِنْ مَلَّكَ دَ غِرْمَ، عِ، حَرْ دَ كُواْوَنٜىٰ أَبِنْدَ يَكٜىٰسُواْ أَ رَايُوَا؞ دُكْدَهَكَ اللَّهْ بَيْ يَرْدَ يَجِ دَاطِنْ وَطَنَّنْ أَبُبُوَبَ؞ أَ مَيْمَكُوانْ حَكَ وَنِ بَڧُواْ نٜىٰ ذَيْجِے دَاطِنْسُ؞ وَنَّنْ مَا بَنْظَنٜىٰ، مُوغُنْ أَبُ نٜىٰ؞ 3مَيْ يِوُوَ مُتُمْ ذَيْ حَيْڢِ یَیَ طَرِے، يَكُمَيِ ڟَوُانْ رَيْ؞ عَمَّا كُواْمٜىٰ يَوَنْ شٜىٰكَرُنْسَ، إِنْ بَيْجِ دَاطِنْ أَبُبُوَنْدَ يَسَامُبَ، بَيْ كُمَ سَامِ ݣَكْݣَوَرْ بِنّٜىٰوَبَ، سَيْ نَثٜىٰ، ڠُومَّ جَرِرِنْ دَ عَكَ حَيْڢٜىٰشِ مَتَثّٜىٰ؞

4عَبَنْظَنٜىٰ جَرِرِنْ يَذُواْ،

أَدُهُ يَتَڢِے،

دُهُ نٜىٰ كُمَ يَرُڢٜىٰ سُونَنْسَ؞

5بَيْغَ رَانَبَ،

بَيْ سَنْ رَايُوَابَ،

عَمَّا دُكْدَهَكَ،

ڠُومَّ شِے دَ وَنْثَنْ مُتُمْ؞

6عِ، كُواْ دَ مُتُمِنْ يَيِ شٜىٰكَرَا دُبُو بِيُ، عَمَّا بَيْ جِ دَاطِنْ كُواْمٜىٰبَ، رَايُوَرْسَ بَاتَدَ أَمْڢَانِ، غَمَا دُكَنْسُ بَ أَوُرِے طَيَ نٜىٰ ذَاسُ تَڢِبَ؟

7دُكَنْ عَيْكِنْ طَنْ أَدَمْ دُواْمِنْ ثِكِ نٜىٰ،

دُكْدَهَكَ بَيْتَٻَ ڧُواْشِبَ؞

8دَ مٜىٰ مَيْ حِكِمَ يَڢِ وَاوَا؟

وَنٜىٰ أَمْڢَانِ نٜىٰ تَلَكَ يَكٜىٰدَشِ

تَهَنْيَرْ سَنِنْسَ يَدَّ ذَيْ ذَمَ دَ مَاسُ رَيْ؟

9ڠُومَّ أَبِنْدَ عِدُواْ يَغَنِ،

دَ أَ سَا رَيْ عَكَنْ أَبُبُوَ بَرْكَتَيْ؞

وَنَّنْ مَا بَنْظَنٜىٰ،

كُمَ ڧُواْڧَرِنْ كَامُنْ إِسْكَ نٜىٰ؞

10دُكْ أَبِنْدَ يَكَسَنْثٜىٰ،

أَنْرِغَا أَنْبَاشِ سُونَ؞

يَدَّ مُتُمْ يَكٜىٰ،

أَنْرِغَا أَنْسَنِ؞

بَا مَيْ عِيَ مُسُو

دَ وَنْدَ يَڢِ ڧَرْڢِنْسَ؞

11يَدَّ مَغَنَ تَنَ تَڧَارُوَ،

حَكَمَا رَشِنْ أَمْڢَانِنْتَ يَكٜىٰ تَڧَارُوَ؞

يَيَ وَنَّنْ ذَيْ كَٰوُاْ أَمْڢَانِ غَ مُتُمْ؟

12حَڧِيڧَ، وَيَسَنْ أَبِنْدَ يَكٜىٰدَ ݣَوْ غَ طَنْ أَدَمْ أَدُكَنْ ݣُونَكِنْ رَنْسَ مَرَسَ أَمْڢَانِ، وَطَنْدَ سُكٜىٰ وُثٜىٰوَ كَمَرْ إِنُوَ؟ وَ كُمَ ذَيْ ڢَطَا مَسَ أَبِنْدَ ذَيْ ڢَرُ بَايَنْ رَايُوَرْسَ عَدُونِيَرْ نَنْ؟

Currently Selected:

مَيْ وَعَظِ 6: hauAS

Highlight

Copy

Compare