مَيْ وَعَظِ 7
7
أَبِنْ دَيَكٜىٰ دَݣَوْ غَ یَنْ ءَادَمُ
1سُنَ مَيْݣَوْ يَڢِ مَنْ ڧَنْشِ مَيْ ڟَادَ،
رَانَرْ مُتُوَ كُمَ تَڢِے رَانَرْ حَيْڢُوَ؞
2ڠُومَّ عَتَڢِے غِدَنْ دَ عَكٜىٰ مَكُواْكِ
دَ عَتَڢِے غِدَنْ دَ عَكٜىٰ بِكِ،
غَمَا مُتُوَ ڧَرْشٜىٰنْ كُواْوَنٜىٰ مُتُمْ نٜىٰ،
يَا كَمَاتَ دُكْ مَيْ رَيْ يَرِڧٜىٰ وَنَّنْ أَ ذُوثِيَارْسَ؞
3ڠُومَّ عَيِ بَڧِنْ ثِكِ دَ عَيِ دَارِيَا،
غَمَا ٻَاتَ ڢُسْكَ تَكَنْ كَٰوُاْ ڠَرَ أَ ذُوثِيَا؞
4ذُوثِيَارْ مَيْ حِكِمَ تَكَنْيِ تُنَانِنْ مُتُوَ
عَمَّا ذُوثِيَارْ وَاوَا تَكَنْيِ تُنَانِنْ جِنْ دَاطِے كَوَيْ؞
5ڠُومَّ مُتُمْ يَجِ ڟَاوَتَرْوَرْ مَيْ حِكِمَ،
دَ يَجِ وَاڧَرْ يَبُوانْ وَوَيٜىٰ؞
6غَمَا ڧَارَرْ دَارِيَارْ وَاوَا تَنَ
كَمَ دَ ڧَارَرْ ڧَيَ مَيْ ثِنْ وُتَا
عَڧَرْڧَشِنْ تُكُنْيَ نٜىٰ؞
ڧَارَ ثٜىٰ كَوَيْ،
وَنَّنْ مَا بَنْظَنٜىٰ؞
7حَڧِيڧَ عَيْكِنْ ثُوتَا يَكَنْسَا مَيْ حِكِمَ يَذَمَ وَاوَا،
كَرْٻَرْ ثِنْ حَنْثِ كُمَ تَكَنْ ڧَظَنْتَرْدَ حَلِ؞
8ڠُومَّ ڧَرْشٜىٰنْ أَبُ دَ ڢَارَوَرْسَ،
ڠُومَّ مَيْ حَڧُرِ دَ مَيْ غِرْمَنْ كَيْ؞
9كَدَ كَذَمَ مَيْ سَوْرِنْ ڢُشِے،
غَمَا وَاوَا نٜىٰ مَيْ ثِكٜىٰ دَ ڢُشِے؞
10كَدَ كَثٜىٰ،
«مٜىٰيَسَا ݣُونَكِنْ دَا سُنْڢِے نَيَنْظُ؟»
غَمَا تَمْبَيَرْ نَنْ بَ دَغَ حِكِمَثٜىٰ تَڢِتُواْبَ؞
11حِكِمَ تَنَدَ ݣَوْ كَمَرْ غَادُواْ،
تَنَدَ أَمْڢَانِ غَ دُكَنْ مَاسُ رَيْ؞
12غَمَا حِكِمَ تَكَنْ ڟَرٜىٰ مُتُمْ
كَمَرْ يَدَّ كُطِ يَكَنْيِ؞
حِكِمَ تَكَنْ كِيَايٜىٰ رَنْ مَيْ عِتَ،
وَنَّنْ عِتَثٜىٰ أَمْڢَانِنْ سَنِ؞
13لُورَ دَ عَيْكِنْ اللَّهْ،
وَ ذَيْ إِسَ يَمِيڧٜىٰ أَبِنْدَ يَتَنْڨُورٜىٰ؟
14عَݣُونَكِنْ جِنْ دَاطِے، كَيِ مُرْنَ،
عَݣُونَكِنْ وَهَلَ كُمَ، كَلُورَ،
اللَّهْ نٜىٰ يَيِسُ دُكَ بِيُنْ،
تَهَكَ طَنْ أَدَمْ ذَيْ غَانٜىٰ
بَذَيْ سَنْ أَبِنْدَ ذَيْ ڢَرُ نَنْ غَبَبَ؞
شَعَنِنْ رَايُوَا
15عَݣُونَكِنَ نَبَنْظَ، نَغَ دُكَنْ وَطَنَّنْ أَبُبُوَ؞
مَيْ أَدَلْثِے يَكَنْ مُتُ بَايَ دَطٜىٰوَ،
دُكْ دَ ذَمَنْ أَدَلْثِنْسَ،
مَيْ مُغُنْتَا كُمَ يَكَنْ دَطٜىٰ
دُكْ دَ مُوغَيٜىٰنْ هَلَيٜىٰنْسَ؞
16كَدَ كَطَوْكِ كَنْكَ كَيْ مَيْ أَدَلْثِے نٜىٰ سُواْسَيْ،
كُمَ كَدَ كَثِكَ نُونَ كَيْ مَيْ حِكِمَ نٜىٰ؞
دُوانْمٜىٰ ذَاكَ كَشٜىٰ كَنْكَ؟
17كَدَ كَبَادَ كَنْكَ غَ يِنْ مُغُنْتَا
كُمَ كَدَ كَثِكَ يِنْ وَوَنْثِ؞
دُوانْمٜىٰ ذَاكَ مُتُ تُنْ ݣُونَكِنْكَ بَسُثِكَبَ؟
18ڠُومَّ كَبِے شَوَرَرْ نَنْ بِيُ
مَيْمَكُواْ كَبِے طَيَ كَبَرْ طَيَ؞
غَمَا شِے وَنْدَ يَكٜىٰ ڟُواْرُوانْ اللَّهْ
ذَيْ عِيَ بِنْ دُكَنْ وَطَنَّنْ؞
19حِكِمَ تَكَنْ بَا مَيْ حِكِمَ ڧَرْڢِے
ڢِيٜىٰدَ ڧَرْڢِنْ مُتُمْ غُواْمَ مَاسُ إِيكُواْ عَبِرْنِ؞
20حَڧِيڧَ، بَابُ مُتُمْ مَيْ أَدَلْثِے عَدُونِيَرْ نَنْ
مَيْ عَيْكَتَ أَبِنْدَ يَكٜىٰ دَيْدَيْ عَكُواْوَنٜىٰ لُواْكَثِ،
بَاتَرٜىٰدَ يِنْ ذُنُوبِبَ؞
21كَدَ كَبَادَ حَنْكَلِنْكَ
غَ دُكَنْ أَبِنْدَ مُتَنٜىٰ سُكٜىٰ ڢَطَا،
مَيْيِوُوَ نٜىٰ كَاجِ مَعَيْكَثِنْكَ
يَنَ ذَاغِنْكَ؞
22غَمَا كَيْ دَ كَنْكَ كَسَنِ أَ ذُوثِيَارْكَ
سَوْ دَيَوَ كَكَنْ ذَاغِ وَطَنْسُ؞
23نَيِ أَمْڢَانِ دَ حِكِمَتَ دُواْمِنْ إِنْ ڠُودَ دُكَنْ وَطَنَّنْ، نَثٜىٰ،
«نَيِ نِيَّ إِنْ ذَمَ مَيْ حِكِمَ،»
عَمَّا أَبِنْ يَڢِ ڧَرْڢِينَ؞
24شَعَنِنْ رَايُوَا يَنَدَ ظُرْڢِ ڨُورَيْ،
أَبُ نٜىٰ مَيْ وُيَرْ غَانٜىٰوَ؞
وَ ذَيْ غَانٜىٰ أَسِيرِنْسَ؟
25نَجُويَا نَسَا كَيْنَ ثِكِنْ نٜىٰمَنْ سَنِ،
إِنْيِ بِنْثِكٜىٰ، إِنّٜىٰمِ حِكِمَ
دَ أَمْسُواْشِنْ تَمْبَيُواْيِنَ،
إِنْكُمَ سَنْ وَوَنْثِنْ مُغُنْتَا،
دَ كُمَ يَدَّ وَوَنْثِ هَوْكَ يَكٜىٰ؞
26نَاكُوَ تَرَرْ دَ أَبِنْدَ يَڢِ مُتُوَ طَاثِ،
مُوغُوَرْ مَثٜىٰنَّنْ، وَتُواْ وَوَنْثِ،
مَيْ نُونَ مَكَ ڧَوْنَ دَ ذُوثِيَارْ تَرْكُواْ مَيْ رَاغَ؞
ضُنْغُمٜىٰوَرْ حَنُّوَنْتَ كَمَرْ تَسَرْڧَ ثٜىٰ؞
مُتُمِنْ دَيَكٜىٰ ڢَرَنْتَ وَ اللَّهْ رَيْ
ذَيْ كُٻُتَ دَغَ حَنُّوَنْتَ؞
عَمَّا مُتُمْ مَيْ ذُنُوبِ
بَذَيْ كُٻُتَ دَغَ حَنُّوَنْتَبَ؞#7.26 مُوغُوَرْ مَثٜىٰنَّنْ، وَتُواْ وَوَنْثِ: دُوبِے كَـ مَغْـ 5 دَ 7؞
27دُوبَ، أَبِنْدَ نَتَرَرْ، إِنْجِ مَيْ وَعَظِ،
«نَيِ تَڧَارَ طَيَ عَكَنْ طَيَ نَڠُودَ أَبُبُوَ
دُواْمِنْ إِنْ سَنْ أَمْسُواْشِنْ تَمْبَيُواْيِنَ،
28أَمْسُواْشِنْ دَ رَيْنَ يَكٜىٰ نٜىٰمَ عَكَيْ عَكَيْ،
عَمَّا بَنْ سَامُبَ؞
كَمَرْ يَدَّ كَرِنْ مَغَنَ تَثٜىٰ،
‹نَسَامِ مُتُمْ مَيْ حِكِمَ طَيَ نٜىٰ كَثَلْ
عَثِكِنْ مَظَا دُبُو،
عَمَّا عَثِكِنْ مَتَا
بَنْ سَامِ كُواْ طَيَبَ؞›
29دُوبَ! وَنَّنْ نٜىٰ كَطَيْ نَتَرَرْ،
اللَّهْ يَيِ یَنْ أَدَمْ دَ ذُوثِيَا أَ مِيڧٜىٰ،
عَمَّا سُكَ مَيْدَ كَنْسُ
مَاسُ رَايُوَرْ ݣُونَ ݣُونَ؞»
Currently Selected:
مَيْ وَعَظِ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
