مَيْ وَعَظِ 5
5
أَجِڟُواْرُوانْ اللَّهْ
1لُورَ دَ تَڢِيَرْكَ لُواْكَثِنْ دَ كَكٜىٰ شِغَ غِدَنْ اللَّهْ؞ ڠُومَّ كَتَڢِے دَ نِيَّرْ كَسَ كُنّٜىٰ دَاعَثٜىٰ كَتَڢِے مِيڧَ هَدَايَ إِرِ تَوَاوَايٜىٰ، غَمَا وَوَيٜىٰ بَسُ سَنْ أَبُ مَيْݣَوْ دَ مَرَرْ ݣَوْبَ؞
2كَدَ كَذَمَ مَيْ سَوْرِنْ بَاكِ،
كُواْ كَبَرْ ذُوثِيَارْكَ تَيِ سَوْرِ
تَڢِتَرْدَ مَغَنَ أَغَبَنْ اللَّهْ؞
غَمَا اللَّهْ يَنَ أَ سَمَ،
كَيْ كُوَ كَنَنَنْ عَدُونِيَا؞
سَبُواْدَ حَكَ، كَدَ كَيِ كَلْمُواْمِ
ڢِيٜىٰدَ أَبِنْدَ يَكَمَاتَ؞
3يَوَنْ دَامُوَ يَكَنْ كَٰوُاْ
يَوَنْ مَڢَرْكَيْ؞
حَكَ مَا يَوَنْ مَغَنَ
يَكَنْ كَٰوُاْ مَغَنَرْ وَوَنْثِ؞
4سَعَدَّ كَيِ ضَنْڟُوَا غَ اللَّهْ، كَدَ كَٻَاتَ لُواْكَثِنْ ثِكَاوَا، غَمَا بَايَ جِنْ دَاطِنْ ضَنْڟُوَارْ وَوَيٜىٰ؞ سَيْ كَثِكَ ضَنْڟُوَارْدَ كَيِ؞ 5ڠُومَّ كَدَ كَيِ ضَنْڟُوَا دَاعَثٜىٰ كَايِ ضَنْڟُوَا عَمَّا بَكَ ثِكَبَ؞ 6كَدَ كَيَرْدَ بَاكِنْكَ يَكَيْكَ ثِكِنْ ذُنُوبِ، دُواْمِنْ كَدَكَثٜىٰ وَڢِرِسْتِ «نَايِ ضَنْڟُوَا ثِكِنْ كُسْكُرٜىٰنٜىٰ؞» دُوانْمٜىٰ ذَاكَسَا اللَّهْ يَيِ ڢُشِے دَكَيْ، حَرْ يَهَلَّكَ عَيْكِنْ حَنُّوَنْكَ؟ 7غَ وَوَيٜىٰ، ضَنْڟُوَا كَمَرْ مَڢَرْكِ نٜىٰ دَ أَبِنْدَ بَعَغَانٜىٰبَ دَ يَوَنْ مَغَنْغَنُ؞ عَمَّا كَيْ مَيْ حِكِمَ، إِنْكَايِ ضَنْڟُوَا، كَجِڟُواْرُوانْ اللَّهْ؞
أَرْزِڧِ مَا بَنْظَ نٜىٰ
8عِدَنْ كَاغَ أَنَيِ وَتَلَكَاوَا دَنِّيَ دَ يَدَّ عَكٜىٰ سَٻَ أَدَلْثِے دَ غَسْكِيَ، كَدَ كَيِ مَامَاكِ غَمٜىٰدَ أَبِنْدَ يَكٜىٰ ڢَرُوَ؞ غَمَا كُواْوَنٜىٰ شُوغَبَا يَنَدَ شُوغَبَنْدَ يَكٜىٰ عَبِسَنْسَ، حَكَمَا أَݣَويْ مَنْيَنْ شُوغَبَنِّنْ دَسُكٜىٰ عَبِسَنْسُ دُكَ؞ 9أَبِنْ دَ ڧَسَا تَكٜىٰ بُڧَاتَ، شِينٜىٰ سَرْكِنْ دَيَكٜىٰ كُلَوَ دَ عَيْكِنْ غُواْنَ؞
10مَيْ سُوانْ كُطِ، بَايَ ڧُواْشِ دَشِ،
مَيْ سُوانْ أَرْزِڧِ مَا، بَايَ ڧُواْشِ دَ أَبِنْدَ يَكٜىٰ سَامُ؞
وَنَّنْ مَا بَنْظَنٜىٰ؞
11سَعَدَّ أَرْزِڧِ يَڧَارُ،
مَاسُثِ كُمَ سُكَنْ ڧَارُ؞
وَنٜىٰ أَمْڢَانِ مَيْ أَرْزِڧِ ذَيْسَامُ؟
سَيْ دَيْ يَسَنِ يَنَدَ أَرْزِڧِ كَوَيْ؞
12مَعَيْكَثِ يَكَنْ جِ دَاطِنْ بَرْثِنْسَ،
كُواْ يَنَدَ عَبِنْثِ كَطَنْ كُواْ دَيَوَ؞
عَمَّا ڧُواْشِنْ مَيْ أَرْزِڧِ يَكَنْ هَنَشِ بَرْثِ
سَبُواْدَ دَامُوَرْ يَوَنْ أَرْزِڧِنْسَ؞
13نَغَ وَنِ مُوغُنْ أَبُ أَ رَايُوَرْ دُونِيَرْ نَنْ،
دُوكِيَرْ دَ مَيْ عِتَ يَيِ أَجِيَ
يَجَا مَسَ بَڧِنْ ثِكِ؞
14كُواْ كُمَ دُوكِيَ تَلَلَثٜىٰ
سَبُواْدَ مُوغُوَرْ هَسَرَ،
حَرْ مَا بَابُ أَبِنْدَ ذَيْ ضَغٜىٰ
وَنْدَ ذَاعَ بَرْ وَ یَیَ غَادُواْ؞
15ڟِرَرَ طَنْ أَدَمْ يَڢِتُواْ دَغَ ثِكِنْ مَامَرْسَ،
ڟِرَرَ كُمَ ذَيْ كُواْمُواْ؞
بَذَيْ طَوْكِ كُواْمٜىٰ أَ حَنُّنْسَ
دَغَ عَيْكِنْ دَ يَيِبَ؞#أَيُو 1.21؛ زَبُو 49.17؛ 1 تِمْ 6.7
16وَنَّنْ مَا مُوغُنْ أَبُ نٜىٰ؞
يَدَّ طَنْ أَدَمْ يَذُواْ،
حَكَكُمَ يَكَنْ كُواْمَ؞
وَنٜىٰ أَمْڢَانِ نٜىٰ يَكٜىٰ سَامُوَ
دَغَ وَهَلَرْ ڧُواْڧَرِنْ كَامُنْ إِسْكَ؟
17غَاشِ، دُكَنْ ݣُونَكِنْسَ ثِكِنْ دُهُ نٜىٰ،
دَ بَڧِنْ ثِكِ دَ دَامُوَ دَ ثِيوُاْ دَ ڢُشِے؞
18غَا أَبِنْدَ نَغَانٜىٰ؞ يَنَ دَݣَوْ مُتُمْ يَثِ يَشَا، يَكُمَ جِ دَاطِنْ دُكَنْ عَيْكِنْسَ أَ رَايُوَرْ دُونِيَرْ نَنْ نَیَنْ ݣُونَكِنْ دَ اللَّهْ يَبَا شِ، غَمَا وَنَّنْ رَبُوانْ دَ اللَّهْ يَشِرْيَ وَمُتُمْ نٜىٰ؞ 19حَكَ يَكٜىٰ غَ دُكَنْ وَنْدَ اللَّهْ يَبَا شِ دُوكِيَ دَ أَرْزِڧِ، يَكُمَ بَاشِ ظَرَڢِ يَجِ دَاطِنْسُ؞ جِنْ دَاطِنْ عَيْكِنْسَ دَ كَرْٻَرْ رَبُوانْ أَبِنْدَ اللَّهْ يَشِرْيَ مَسَ، وَنَّنْ مَا ݣَوْتَا ثٜىٰ دَغَ اللَّهْ؞ 20غَمَا إِرِنْ مُتُمِنَّنْ بَايَ ثِكَ دَامُوَ، سَبُواْدَ اللَّهْ يَنَ بِيَ مَسَ بُڧَاتَرْ ذُوثِيَارْسَ؞
Currently Selected:
مَيْ وَعَظِ 5: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
