2 سَمَٰعِيلَ 19
19
يُواْوَبْ يَڟَاوَتَاوَ دَاوُدَ
1عَكَ ڢَطَا وَ يُواْوَبْ ثٜىٰوَ سَرْكِے يَنَ كُوكَا يَنَ بَڧِنْ ثِكِ سَبُواْدَ أَبْسَلُوامْ؞ 2نَصَرَرْ دَ سُواْجُواْجِنْ سُكَيِ أَ رَانَرْ نَنْ يَكُواْمَ بَڧِنْ ثِكِ دُواْمِنْ سُنْجِ ثٜىٰوَ سَرْكِے يَنَ بَڧِنْ ثِكِ سَبُواْدَ مُتُوَرْ طَنْسَ؞ 3سُواْجُواْجِنْ سُكَ شِغَ بِرْنِنْ أَ عَسِرْثٜىٰ كَمَرْ يَدَّ سُواْجُواْجِنْ دَ سُكَ غُدُ دَغَ وُرِنْ يَاڧِ سُكَنْ شِغَ بِرْنِ شِضُ سَبُواْدَ كُنْيَا؞ 4سَرْكِے يَرُڢٜىٰ ڢُسْكَرْسَ يَنَ كُوكَا دَ ڧَرْڢِے يَنَ ثٜىٰوَ «أَيَّ، طَانَ أَبْسَلُوامْ! أَيَّ، أَبْسَلُوامْ طَانَ، طَانَ!»
5يُواْوَبْ يَشِغَ غِدَنْ دَ سَرْكِے يَكٜىٰ يَثٜىٰمَسَ «يَوْ كَا كُنْيَتَرْدَ سُواْجُواْجِنْكَ؞ سُونٜىٰ سُكَثٜىٰثِ رَنْكَ دَ رَايُكَنْ یَیَنْكَ مَظَا دَ مَاتَادَ نَمَاتَنْكَ دَ كُمَ نَمَاتَنْدَ كَأَجِيٜىٰ؞ 6كَڢِ سُوانْ وَطَنْدَ سُكٜىٰڧِنْكَ، سَعَنً كَنَڧِنْ وَطَنْدَ سُكٜىٰسُوانْكَ؞ يَوْ كَا نُونَ أَ ڢِيلِ ثٜىٰوَ شُوغَبَنِّنْ سُواْجُواْجِ دَ سَوْرَنْ سُواْجُواْجِ بَكُواْمٜىٰبَنٜىٰ أَوُرِنْكَ؞ إِنَ غَنِ ذَاكَڢِے يِنْ مُرْنَ يَوْ دَا عَثٜىٰ أَبْسَلُوامْ يَنَدَ رَيْ عَمَّا دُكَنْمُ مُنْ مُتُ؞ 7يَنْذُنَّنْ، سَيْ كَتَاشِ كَڢِتَ كَڧَرْڢَڢَ مُتَنٜىٰنْكَ؞ نَا ضَنْڟٜىٰ دَ يَهْوٜىٰهْ عِدَنْ بَكَ ڢِتَبَ، بَابُ مُتُمْ غُدَا دَ ذَيْ ضَغٜىٰ تَرٜىٰدَكَيْ أَدَرٜىٰنَّنْ؞ وَنَّنْ ذَيْ يِمَكَ ذَاڢِ ڢِيٜىٰدَ دُكَنْ وَهَلُواْلِنْدَ كَڢُسْكَنْتَ تُنْ كَنَ سَوْرَيِ حَرْ ذُوَا يَوْ؞»
8سَبُواْدَ حَكَ، سَيْ سَرْكِے يَتَاشِ يَتَڢِے وُرِنْ تَارُوَ عَڧُواْڢَرْ غَرِ يَذَوْنَ؞ دَلَابَرِ يَبَظُو ثٜىٰوَ سَرْكِے يَنَ ظَوْنٜىٰ أَوُرِنْ ذَمَنْسَ عَڧُواْڢَرْ غَرِ، سَيْ دُكَنْ مُتَنٜىٰ سُكَ تَارُ وُرِنْسَ؞
دَاوُدَ يَكُواْمَ عُرُوشَلِيمَ
أَنَ ثِكِنْ حَكَ سَيْ مُتَنٜىٰنْ إِسْرَٰٓءِيلَ وَطَنْدَ سُكَبِے أَبْسَلُوامْ سُكَ غُدُ ذُوَا غِدَاجٜىٰنْسُ؞ 9كُواْعِنَ عَثِكِنْ ذُرِيَرْ إِسْرَٰٓءِيلَ مُتَنٜىٰ سُكَ شِغَ غَرْدَمَ دَ جُونَنْسُ سُنَ ثٜىٰوَ «سَرْكِے دَاوُدَ نٜىٰ يَثٜىٰثٜىٰمُ دَغَ حَنُّنْ أَبُواْكَنْ غَابَنْمُ؞ شِينٜىٰ كُمَ يَكُٻُتَرْ دَمُو دَغَ حَنُّنْ ڢِلِسْتِيَاوَا؞ عَمَّا يَنْذُ يَغُدُ دَغَ ڧَسَرْ سَبُواْدَ أَبْسَلُوامْ؞ 10أَبْسَلُوامْ دَ مُكَ كٜىٰٻٜىٰ سَرْكِنْمُ يَمُتُ عَيَاڧِ؞ تُواْ، دُوانْمٜىٰ بَا مَيْيِنْ ذَنْثٜىٰنْ دَاوُاْ دَ سَرْكِے دَاوُدَ؟»
11دَ سَرْكِے دَاوُدَ يَجِ لَابَرِنْ أَبِنْدَ مُتَنٜىٰنْ إِسْرَٰٓءِيلَ سُكٜىٰثٜىٰوَ سَيْ يَعَيْكَ دَ سَڧُواْ وُرِنْ ظَدُواكْ دَ أَبِيَتَرْ ڢِرِسْتُواْثِے؞ يَثٜىٰمُسُ «كُتَمْبَيِ دَتَّاوَنْ يَهُودَ كُثٜىٰ مُسُ، ‹دُوانْمٜىٰ كُونٜىٰ نَڧَرْشٜىٰ ثِكِنْ مَاسُ نٜىٰمَنْ دَاوُاْ دَ سَرْكِے غِدَنْسَ؟ 12كُو یَنْعُوَنَ نٜىٰ نَامَ دَ جِنِ؞ سَبُواْدَ حَكَ دُوانْمٜىٰ كُونٜىٰ نَڧَرْشٜىٰ ثِكِنْ مَاسُ نٜىٰمَنْ دَاوُاْ دَ سَرْكِے؟› 13كُكُمَ ثٜىٰ وَ أَمَسَ، ‹أَشٜىٰ، كَيْ بَنَمَنَ دَ جِنِنَ بَنٜىٰ؟ بَرِ اللَّهْ يَطَوْكِ رَيْنَ إِنْ حَرْ بَنْسَا كَذَمَ شُوغَبَنْ سُواْجُواْجِنَ أَمَيْمَكُوانْ يُواْوَبْ بَ؞› »
14سَيْ أَمَسَ يَيِ تَجَٰوُاْ ظُكَاتَنْ دُكَنْ مُتَنٜىٰنْ يَهُودَ سُكَ ذَمَ طَيَ؞ سُكَ عَيْكَ دَ سَڧُواْ وَسَرْكِے ثٜىٰوَ يَدَاوُاْ غِدَا دَشِ دَدُكَنْ مَاسُ يِمَسَ حِدِمَ؞
دَاوُدَ يَكُواْمَ عُرُوشَلِيمَ
15سَيْ سَرْكِے يَكَامَ حَنْيَ ذَيْ كُواْمَ عُرُوشَلِيمَ؞ يَكَيْ بَاكِنْ كُواْغِنْ يُواْدَنْ كٜىٰنَنْ، سَيْ مُتَنٜىٰنْ يَهُودَ سُكَذُواْ غِلْغَلْ دُواْمِنْ سُتَرْيٜىٰشِ سُكُمَ ڧٜىٰتَرٜىٰ كُواْغِنْ يُواْدَنْ دَشِ؞ 16شِمٜىٰيِ طَنْ غٜىٰرَ مُتُمِنْ بِلِيَامِنُ دَغَ غَرِنْ بَهُرِمْ، يَيِ سَوْرِ يَغَنْغَرَ تَرٜىٰدَ مُتَنٜىٰنْ يَهُودَ ذُوَا تَرْيٜىٰنْ سَرْكِے دَاوُدَ؞#2 سَمْ 16.5-13 17شِمٜىٰيِ يَذُواْ تَرٜىٰدَ مُتَنٜىٰنْ بِلِيَامِنُ غُدَا دُبُو؞ ظِبَ مَيْ حِدِمَرْ غِدَنْ طَالُوتَ شِے مَا يَذُواْ تَرٜىٰدَ یَیَنْسَ مَظَا غُدَا غُواْمَشَا بِيَرْ دَ بَايِنْسَ غُدَا عَشِرِنْ؞ دُكْ سُكَ تَڢِے دَ سَوْرِ سُكَ غَنْغَرَ ذُوَا بَاكِنْ كُواْغِنْ يُواْدَنْ دُواْمِنْ سُسَدُ دَ سَرْكِے؞ 18سُكَ ڧٜىٰتَرٜىٰ كُواْغِنْ دُواْمِنْ سُهَيٜىٰ دَ سَرْكِے دَ مُتَنٜىٰنْسَ، سُكُمَيِ أَبِنْدَ يَكٜىٰسُواْ؞
دَاوُدَ يَنُونَ وَ شِمٜىٰيِ أَلْحٜىٰرِ
سَعَدَّ سَرْكِے يَكٜىٰ شِرِنْ ڧٜىٰتَرٜىٰوَ، سَيْ شِمٜىٰيِ يَذُواْ يَڢَاطِ أَغَبَنْسَ؞ 19يَثٜىٰ «رَنْكَيَدَطٜىٰ، إِنَ ضُواْڧُوانْكَ كَدَ كَرِڧٜىٰ لَيْڢِينَ أَ ذُوثِيَا؞ كَدَ كَتُنَ دَ لَيْڢِنْدَ نَيِ مَكَ رَانَرْ نَنْ دَ كَكٜىٰ غُدُ دَغَ عُرُوشَلِيمَ؞ كَدَ كَتُنَ دَشِ كُواْ كَطَنْ؞ 20نَسَنِ نِے بَاوَنْكَ نَيِ مَكَ لَيْڢِے؞ شِيَسَا نَذَمَ نَڢَرْكُواْ دَغَ دُكَنْ غِدَنْ يُوسُڢَ دَ مُتَنٜىٰنْ إِسْرَٰٓءِيلَ دَ يَڢِتُواْ دُواْمِنْ يَتَرْيٜىٰكَ يَوْ، رَنْكَيَدَطٜىٰ سَرْكِے؞»
21سَيْ أَبِشَيْ طَنْ ظٜىٰرُوِيَ يَأَمْسَ يَثٜىٰ «يَا كَمَاتَ عَكَشٜىٰ شِمٜىٰيِ دُواْمِنْ يَذَغٜىٰكَ، كَيْ سَرْكِنْ دَ يَهْوٜىٰهْ يَكٜىٰٻٜىٰ؞»
22عَمَّا دَاوُدَ يَأَمْسَ يَثٜىٰ «وَنٜىٰنٜىٰ يَتَمْبَيِ رَعَيِنْكُ، كُو یَیَنْ ظٜىٰرُوِيَ؟ كُنَسُواْ كُجَٰوُاْ مِنِ وَهَلَ نٜىٰ؟ يَنْذُ نَا سَنِ نِنٜىٰ سَرْكِنْ إِسْرَٰٓءِيلَ، كُمَ بَابُ مُتُمِنْ إِسْرَٰٓءِيلَ وَنْدَ ذَاعَ كَشٜىٰ يَوْ؞»
23سَيْ سَرْكِے يَثٜىٰ وَ شِمٜىٰيِ «نَا ضَنْڟٜىٰ مَكَ بَذَاعَ كَشٜىٰكَبَ؞»
دَاوُدَ يَنُونَاوَ مٜىٰڢِبُواْشٜىٰتْ أَلْحٜىٰرِ
24مٜىٰڢِبُواْشٜىٰتْ جِيكَنْ طَالُوتَ يَغَنْغَرَ دُواْمِنْ يَسَدُ دَ سَرْكِے دَاوُدَ؞ مٜىٰڢِبُواْشٜىٰتْ بَيْ وَنْكٜىٰ ڧَڢَاڢُنْسَبَ، بَيْ ڠَرَ غٜىٰمُنْسَبَ، بَيْ وَنْكٜىٰ رِيغُنَنْسَبَ تُنْ رَانَرْ دَ سَرْكِے دَاوُدَ يَبَرْ عُرُوشَلِيمَ حَرْ سَيْ رَانَرْدَ يَكُواْمَ لَاڢِيَ؞#2 سَمْ 9.1-13؛ 16.1-4 25دَ مٜىٰڢِبُواْشٜىٰتْ يَ إِسُواْ دَغَ عُرُوشَلِيمَ دُواْمِنْ يَسَدُ دَ سَرْكِے، سَيْ سَرْكِے يَتَمْبَيٜىٰشِ يَثٜىٰ «مٜىٰڢِبُواْشٜىٰتْ، دُوانْمٜىٰ بَكَ بِينِبَ؟»
26مٜىٰڢِبُواْشٜىٰتْ يَأَمْسَ يَثٜىٰ «رَنْكَيَدَطٜىٰ، كَا سَنْ نِے غُرْغُنٜىٰ؞ أَسَعَدَّ نَثٜىٰ وَ ظِبَ مَيْيِ مِنِ حِدِمَ يَشِرْيَ مِنِ جَاكِ إِنْهَوْ إِنْبِے سَرْكِے، سَيْ يَرُوطٜىٰنِ يَتَڢِے؞ 27عَمَّا يَذُواْ يَيِ مَغَنَرْ ٻَاتَ سُونَ عَكَيْنَ؞ رَنْكَيَدَطٜىٰ، سَرْكِے، كَيْ كَمَرْ مَلاَىِٕكَنْ اللَّهْ نٜىٰ، سَبُواْدَ حَكَ سَيْ كَيِ مِنِ أَبِنْدَ كَغَ يَدَاثٜىٰ؞ 28غَمَا دُكَنْ عِيَلِنْ بَابَنَ مُتَنٜىٰنٜىٰ وَطَنْدَ سُكَ ثَنْثَنْتَ كَكَشٜىٰسُ، عَمَّا أَمَيْمَكُوانْ حَكَ كَسَانِ عَثِكِنْ وَطَنْدَ سُكٜىٰ ثِنْ عَبِنْثِ تَرٜىٰدَكَيْ؞ رَنْكَيَدَطٜىٰ، بَنْ ثَنْثَنْثِ إِنْ نٜىٰمِ وَنِ أَلْحٜىٰرِ دَغَ غَرٜىٰكَبَ كُمَ؞»
29سَرْكِے يَأَمْسَ مَسَ يَثٜىٰ «بَسَيْكَثٜىٰ وَنِ أَبُبَ كُمَ؞ نَارِغَا نَا يَنْكٜىٰ شَوَرَا ثٜىٰوَ كَيْ دَ ظِبَ ذَاكُ رَبَ غُواْنَرْ طَالُوتَ؞»
30مٜىٰڢِبُواْشٜىٰتْ يَثٜىٰ «رَنْكَيَدَطٜىٰ، أَ مَا بَرْ وَ ظِبَ دُكَ؞ تُنْدَ كَدَاوُاْ لَاڢِيَ، وَنَّنْ مَا يَ إِشٜىٰنِ!»
دَاوُدَ يَنُونَاوَ بَرْظِلَّيْ أَلْحٜىٰرِ
31بَرْظِلَّيْ مُتُمِنْ غِلٜىٰيَدْ شِے مَا يَغَنْغَرَ دَغَ رُواْغٜىٰلِمْ دُواْمِنْ يَرَكَ سَرْكِے يَڧٜىٰتَرٜىٰ كُواْغِنْ يُواْدَنْ؞#2 سَمْ 17.27-29 32بَرْظِلَّيْ كُوَ ڟُواْهُواْ نٜىٰ سُواْسَيْ مَيْ شٜىٰكَرَا تَمَٰنِنْ عَدُونِيَا؞ يَبِيَ وَسَرْكِے بُڧَاتَرْسَ لُواْكَثِنْ دَ سَرْكِے دَاوُدَ يَكٜىٰ أَ مَهَنَيِمْ، غَمَا بَرْظِلَّيْ مَيْ أَرْزِڧِ نٜىٰ سُواْسَيْ؞ 33دَاوُدَ يَثٜىٰ وَ بَرْظِلَّيْ «كَذُواْ مُڧٜىٰتَرٜىٰ كُواْغِنْ تَرٜىٰ ذُوَا عُرُوشَلِيمَ، ذَنْ بِيَ مَكَ بُڧَاتَرْكَ عَثَنْ؞»
34عَمَّا بَرْظِلَّيْ يَأَمْسَ يَثٜىٰ «شٜىٰكَرُ نَوَ سُنْ ضَغٜىٰ مِنِ نَرَايُوَ دَ حَرْ ذَنْبِے سَرْكِے ذُوَا عُرُوشَلِيمَ؟ 35يَنْذُ إِنَ ثِكِنْ شٜىٰكَرَا تَمَٰنِنْ دَ حَيْڢُوَ؞ إِنَ عِيَ بَمْبَنْتَ أَبِنْدَ يَكٜىٰ مَيْ دَاطِے دَ مَرَرْ دَاطِے نٜىٰ؟ إِنَ عِيَ طَنْطَنَ أَبِنْدَ نَكٜىٰثِ كُواْ شَا نٜىٰ؟ إِنَ عِيَ جِنْ مُرْيُواْيِنْ مَوَاڧَنْ مَظَا دَ مَاتَا كُمَ نٜىٰ؟ دُوانْمٜىٰ ذَنْ ذَمَ مَكَ كَايَ؟ رَنْكَيَدَطٜىٰ! 36بَنْ ثَنْثَنْثِ كَرْٻَرْ إِرِنْ بَبَّنْ لَادَنَّنْ أَ حَنُّنْكَبَ؞ ذَنْيِ مَكَ رَكِيَ كَطَنْ إِنْ ڧٜىٰتَرٜىٰ كُواْغِنْ يُواْدَنْ؞ 37كَيَرْدَ مِنِ إِنْكُواْمَ دُواْمِنْ إِنْمُتُ عَثِكِنْ بِرْنِنَ كُسَدَ كَبَرِنْ بَابَنَ دَ مَامَاتَ؞ عَمَّا رَنْكَيَدَطٜىٰ، غَا بَاوَنْكَ طَانَ كِمْهَمْ؞ بَرِ يَتَڢِے تَرٜىٰدَكَيْ؞ كَيِمَسَ دُكْ أَبِنْدَ يَيِ دَيْدَيْ أَعِدُوانْكَ؞»
38سَرْكِے يَثٜىٰ «ذَنْ طَوْكِ كِمْهَمْ تَرٜىٰدَنِ، ذَنْيِ مَسَ دُكْ أَبِنْدَ كَكٜىٰسُواْ؞ دُكْ أَبِنْدَ كَكٜىٰ نٜىٰمَ أَغَرٜىٰنِ كُمَ، ذَنْيِ مَكَ؞» 39سَعَنً دَاوُدَ دَ مُتَنٜىٰنْسَ سُكَ ڧٜىٰتَرٜىٰ؞ سَيْ يَسُمْبَثِ بَرْظِلَّيْ يَ أَلْبَرْكَثٜىٰشِ، سُكَ رَبُ؞ بَرْظِلَّيْ كُوَ يَكُواْمَ غِدَا؞
40دَ سَرْكِے يَڧٜىٰتَرٜىٰ ذُوَا غِلْغَلْ، كِمْهَمْ يَتَڢِے تَرٜىٰدَشِ؞ دُكَنْ سُواْجُواْجِنْ يَهُودَ دَ رَبِنْ سُواْجُواْجِنْ إِسْرَٰٓءِيلَ سُكَ ڧٜىٰتَرٜىٰ كُواْغِنْ تَرٜىٰدَ دَاوُدَ؞
مُتَنٜىٰنْ يَهُودَ دَ نَ إِسْرَٰٓءِيلَ سُنْيِ غَرْدَمَ عَكَنْ سَرْكِے
41سَيْ دُكَنْ مُتَنٜىٰنْ إِسْرَٰٓءِيلَ سُكَجٜىٰ وُرِنْ سَرْكِے سُكَثٜىٰ مَسَ «رَنْكَيَدَطٜىٰ، مٜىٰيَسَا یَنْعُوَنْمُ مُتَنٜىٰنْ يَهُودَ سُكَ سَاثٜىٰكَ سُكَ ڧٜىٰتَرٜىٰ دَكَيْ دَ عِيَلِنْكَ دَ كُمَ مُتَنٜىٰنْكَ ذُوَا وَنَّنْ ڧٜىٰتَرٜىٰ كُواْغِنْ يُواْدَنْ؟»
42مُتَنٜىٰنْ يَهُودَ سُكَثٜىٰ «مُنْيِ حَكَ غَمَا سَرْكِے طَنْعُوَنْمُ نٜىٰ نَثِكِنْمُ؞ دُوانْمٜىٰ كُكٜىٰ ڢُشِے غَمٜىٰدَ وَنَّنْ؟ أَيْ، بَا عَبِنْثِ كُواْ وَنِ أَبُ يَبَامُبَ!»
43مُتَنٜىٰنْ إِسْرَٰٓءِيلَ سُكَ أَمْسَوَ نَ يَهُودَ سُكَثٜىٰ «مُو ذُرِيَ غُواْمَ نٜىٰ أَمُلْكٍ؞ مُنَدَ إِيكُوانْ طَوْكَرْ دَاوُدَ يَذَمَ سَرْكِے ڢِيٜىٰ دَكُو! دُوانْمٜىٰ كُكَ رٜىٰنَمُ، كُواْدَيَكٜىٰ مُونٜىٰ مُكَ ڢَارَ ذَنْثٜىٰنْ دَاوُاْ دَ سَرْكِے؟»
عَمَّا مَغَنَرْ دَ مُتَنٜىٰنْ يَهُودَ سُكَيِ تَاڢِے تَمُتَنٜىٰنْ إِسْرَٰٓءِيلَ ذَاڢِ؞
Currently Selected:
2 سَمَٰعِيلَ 19: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
