2 سَمَٰعِيلَ 18
18
أَنْ ثِ أَبْسَلُوامْ دَ يَاڧِ
1دَاوُدَ يَتَارَ سُواْجُواْجِنْ دَسُكٜىٰ تَرٜىٰ دَشِ، يَرَرَّبَسُ ڧُنْغِيُواْيِ دُبُو دُبُو، وَطَنْسُ طَرِے طَرِے؞ سَعَنً يَسَا شُوغَبَا عَكَنْ كُواْوَثّٜىٰ ڧُنْغِيَ؞ 2دَاوُدَ يَرَبَسُ كَشِ عُكُ؞ يُواْوَبْ يَشُوغَبَنْثِ كَشِ نَطَيَ، أَبِشَيْ طَنْعُوَنْ يُواْوَبْ طَنْ ظٜىٰرُوِيَ يَشُوغَبَنْثِ كَشِ نَبِيُ؞ سَيْ كُمَ إِتَّيْ مُتُمِنْ غَتْ يَشُوغَبَنْثِ كَشِ نَعُكُ؞ سَعَنً دَاوُدَ يَثٜىٰ مُسُ «نِے دَكَيْنَ ذَنْبِيكُ ذُوَا يَاڧِنْ؞»
3سُكَ أَمْسَ مَسَ سُكَثٜىٰ «أَعَ، بَذَاكَ بِيمُبَ! غَمَا كُواْ دَمُنْ غُدُ عَيَاڧِنْ، مُتَنٜىٰنْ أَبْسَلُوامْ بَذَاسُ دَامُبَ؞ كُواْ دَمَا رَبِنْمُ سُنْ مُتُ، بَذَاسُ دَامُبَ؞ غَمَا كَيْنٜىٰ سُكٜىٰ نٜىٰمَ، غَمَا كَا ڢِے مُسُ مُتُمْ دُبُو غُواْمَ نَمُتَنٜىٰنْمُ؞ ذَيْڢِے ݣَوْ كَذَوْنَ عَبِرْنِ كَعَيْكَ مَنَ دَ تَيْمَكُواْ؞»
4سَرْكِے يَأَمْسَ يَثٜىٰ «تُواْ، ذَنْيِ أَبِنْدَ كُكَغَ يَدَاثٜىٰ؞» سَيْ يَڟَيَ عَبَاكِنْ ڧُواْڢَرْ بِرْنِنْ يَايِنْ دَ سُواْجُواْجِنْ سُكٜىٰ وُثٜىٰوَ ڧُنْغِيَ طَرِے طَرِے دَ ڧُنْغِيَ دُبُو دُبُو؞ 5يَبَا يُواْوَبْ دَ أَبِشَيْ دَ إِتَّيْ عُمَرْنِ يَثٜىٰ «سَبُواْدَنِ كُبِے أَ حَنْكَلِ دَ سَوْرَيِنَّنْ أَبْسَلُوامْ؞» دُكَنْ سُواْجُواْجِنْ كُوَ سُكَجِ سَعَدَّ سَرْكِے يَكٜىٰبَا كُواْوَنٜىٰ شُوغَبَا وَنَّنْ عُمَرْنِ؞
6سُواْجُواْجِنْ دَاوُدَ سُكَ ڢِتَ ذُوَا دَاجِ سُكَيِ يَاڧِ دَ سُواْجُواْجِنْ إِسْرَٰٓءِيلَ عَكُرْمِنْ يَنْكِنْ إِڢْرَيِمْ؞ 7سُواْجُواْجِنْ دَاوُدَ سُكَثِ سُواْجُواْجِنْ إِسْرَٰٓءِيلَ دَ يَاڧِ، كُمَ عَكَيِ هَسَرَرْ رَايُكَ سُواْسَيْ؞ عَكَ كَشٜىٰ مُتَنٜىٰ دُبُو عَشِرِنْ أَ رَانَرْ نَنْ؞ 8يَاڧِنْ يَبَظُو ذُوَا كُواْعِنَ عَيَنْكِنْ ڧَسَرْ؞ مُتَنٜىٰنْ دَ كُرْمِنْ يَثِ سُنْڢِے وَطَنْدَ عَكَ كَشٜىٰ دَ تَكُواْبِے؞
9أَنَانً سَيْ أَبْسَلُوامْ يَثِ كَرُواْ دَ سُواْجُواْجِنْ دَاوُدَ؞ أَبْسَلُوامْ كُوَ يَنَ غُدُ عَكَنْ جَاكِنْ دُواْكِنْسَ، سَيْ رَسَّنْ بَبَّنْ إِتَاثٜىٰ يَثَڢْكٜىٰ كَنْسَ ثَكْ؞ عَمَّا جَاكِنْ دُواْكِنْ يَوُثٜىٰ يَبَرْ أَبْسَلُوامْ يَنَ لِلُواْ ڟَكَانِنْ سَمَ دَ ڧَسَا؞ 10طَيَ دَغَ ثِكِنْ سُواْجُواْجِنْ دَاوُدَ يَغَ أَبْسَلُوامْ، سَيْيَثٜىٰ وَ يُواْوَبْ «نَغَ أَبْسَلُوامْ يَنَ لِلُواْ أَوَنِ بَبَّنْ إِتَاثٜىٰ؞»
11سَيْ يُواْوَبْ يَثٜىٰ وَمُتُمِنْدَ يَڢَطَا مَسَ «حَرْ كَغَنْشِ؟ دُوانْمٜىٰ بَكَبُغَ شِ ڧَسَا أَوُرِنْبَ؟ أَيْ دَ نَبَاكَ أَظُرْڢَا غُواْمَ تَرٜىٰدَ طَمَرَ تَبَنْ غِرْمَ؞»
12عَمَّا سُواْجَنْ يَأَمْسَ يَثٜىٰ «بَذَنْ تَٻَ طَنْ سَرْكِے بَ، كُواْ دَمَا كَبَانِ أَظُرْڢَا دُبُو أَ هَنُّونَ؞ غَمَا دُكَنْمُ مُنْجِ سَعَدَّ سَرْكِے يَكٜىٰ بَاكُ عُمَرْنِ، كَيْ دَ أَبِشَيْ دَ كُمَ إِتَّيْ ثٜىٰوَ ‹سَبُواْدَنِ كُكِيَايٜىٰ مِنِ سَوْرَيِنَّنْ أَبْسَلُوامْ؞› 13دَا عَثٜىٰ نَثِ أَمَانَ نَكَشٜىٰ أَبْسَلُوامْ، بَايَدَّ سَرْكِے ذَيْكَاسَ سَنِ؞ كَيْ كَنْكَ كُمَ بَذَاكَ ڟَيَ مِنِبَ؞»
14يُواْوَبْ يَثٜىٰ مَسَ «بَذَنْ ڟَيَ إِنَ ٻَاتَ لُواْكَثِ دَكَيْ أَنَنْبَ؞» سَيْ يَطَوْكِ مَاشِ عُكُ يَتَڢِے وُرِنْ أَبْسَلُوامْ؞ يَتَرَرْ دَ أَبْسَلُوامْ يَنَ لِلُواْ عَكَنْ إِتَاثٜىٰ مَرَرْ بُوشٜىٰوَ بَيْ رِغَا يَمُتُبَ؞ سَيْ يَسُواْكٜىٰشِ عَڧِرْجِ دَ مَاسُنَّنْ عُكُ؞ 15سَيْ سَمَارِ غُواْمَ مَاسُ رِڧٜىٰ كَايَنْ يَاڧِنْ يُواْوَبْ سُكَ كٜىٰوَيٜىٰ أَبْسَلُوامْ سُكَ بُبُّغٜىٰشِ حَرْ يَمُتُ؞
16سَيْ يُواْوَبْ يَبُوسَ ڧَهُواْ دُواْمِنْ يَڟَيْ دَ يَاڧِنْ؞ سَيْ سُواْجُواْجِنْسَ سُكَ دَيْنَ بِنْ سُواْجُواْجِنْ إِسْرَٰٓءِيلَ؞ 17سُكَ طَوْكِ غَاوَرْ أَبْسَلُوامْ سُكَجٜىٰڢَ أَوَنِ رَامِ مَيْ ظُرْڢِ عَثِكِنْ كُرْمِنْ؞ سَعَنً سُكَ ݣُوسُواْ دُوَڟُو دَيَوَ سُكَ جِبْغَ عَكَيْ؞ سَيْ سُواْجُواْجِنْ إِسْرَٰٓءِيلَ سُكَ غُدُ كُواْوَ يَكُواْمَ غِدَنْسَ؞
18تُنْ أَبْسَلُوامْ يَنَدَ رَيْ يَكَڢَ وَكَنْسَ دُوڟٜىٰنْ تُنَ دَشِ أَ ݣُورِنْ سَرْكِے، غَمَا يَيِ تُنَانِ ثٜىٰوَ بَ شِ دَ طَنْ دَ ذَيْ غَاجٜىٰشِ؞ سَيْ يَبَا غِنِنْ سُونَنْسَ؞ سَبُواْدَ حَكَ عَكٜىٰثٜىٰ دَشِ دُوڟٜىٰنْ تُنَاوَا دَ أَبْسَلُوامْ هَرْوَيَوْ؞
دَاوُدَ يَيِ كُوكَنْ مُتُوَرْ أَبْسَلُوامْ
19أَهِمَعَظْ طَنْ ظَدُواكْ يَثٜىٰوَ يُواْوَبْ «بَرِ إِنْيِ غُدُ إِنْ ڢَطَا وَسَرْكِے وَنَّنْ لَابَرِ ثٜىٰوَ يَهْوٜىٰهْ يَاكُٻُتَرْ دَشِ دَغَ حَنُّنْ أَبُواْكَنْ غَابَنْسَ؞»
20سَيْ يُواْوَبْ يَثٜىٰ «أَعَ، بَذَاكَ كَيْ لَابَرِ يَوْبَ؞ وَتَرَانَ ذَاكَ كَيْ، عَمَّا يَوْ بَذَاكَ كَيْ لَابَرِبَ، دُواْمِنْ يَوْ طَنْ سَرْكِے يَمُتُ؞» 21سَعَنً يُواْوَبْ يَثٜىٰ وَ وَنِ مُتُمِنْ ڧَسَرْ إِتِيُواْڢِيَ،#18.21 إِتِيُواْڢِيَ: دَ إِبْرَانِيَنْثِ أَنْرُبُوتَ «كُشْ» نٜىٰ أَنَنْ؞ وَنَّنْ سُونَ يَڧُنْشِ سَاشٜىٰنْ كُدَنْثِنْ مَصَرْ دَ سَاشٜىٰنْ سُدَنْ دَ سَاشٜىٰنْ إِتِيُواْڢِيَ، وَتُواْ حَبَشَ؞ «تَڢِے، كَغَيَوَ سَرْكِے أَبِنْدَ كَغَنِ؞» سَيْ مُتُمِنْ يَرُسُنَ وَ يُواْوَبْ، سَعَنً يَتَاشِ دَ غُدُ يَتَڢِے؞
22عَمَّا أَهِمَعَظْ طَنْ ظَدُواكْ يَسَاكٜىٰ ثٜىٰ وَ يُواْوَبْ «كُواْ دَمٜىٰ ذَيْ ڢَرُ، عَبَرْنِ إِنْبِے بَايَنْ مُتُمِنْ ڧَسَرْ إِتِيُواْڢِيَ طِنَّنْ؞»
يُواْوَبْ يَثٜىٰ مَسَ «طَانَ، دُوانْمٜىٰ ذَاكَبِے شِ تُنْدَيَكٜىٰ بَاكَدَ وَنِ لَابَرِنْ دَ ذَيْبَاكَ لَادَ؟»
23أَهِمَعَظْ يَثٜىٰ «كُواْ دَ مٜىٰ ذَيْ ڢَرُ، نِے دَيْ ذَنْ تَڢِے؞» سَيْ يُواْوَبْ يَثٜىٰمَسَ «تُواْ، كَتَڢِے؞» سَيْ أَهِمَعَظْ يَبِے تَهَنْيَرْ دَ تَرَڟٜىٰ تَڢِيلِ، حَرْ يَوُثٜىٰ مُتُمِنْ ڧَسَرْ إِتِيُواْڢِيَ طِنَّنْ؞
24دَاوُدَ كُوَ يَنَ ظَوْنٜىٰ أَطَاكِنْ تَارُواْ ڟَكَانِنْ ڧُواْڢَرْ ثِكِ دَ تَوَجٜىٰ تَبِرْنِنْ؞ دَ طَنْ سِنْتِرِ يَهَوْ بِسَنْ رُڢِنْ ڧُواْڢَرْ بِرْنِنْ يَطَغَ عِدُواْ، سَيْ يَهَنْغِ وَنِ يَنَ غُدُ شِ كَطَيْ يَنَ ذُوَا؞ 25طَنْ سِنْتِرِ كُوَ يَطَغَ مُرْيَ يَسَنَرْدَ سَرْكِے عَڧَسَا؞ سَيْ سَرْكِے يَثٜىٰ «عِدَنْ شِ كَطَيْ نٜىٰ، يَنَ كَٰوُاْ لَابَرِ نٜىٰ!» مُتُمِنْ كُوَ يَيِ تَڧَارَ مَڟُواْوَ كُسَ؞
26سَيْ طَنْ سِنْتِرِ يَسَاكٜىٰ غَ وَنِ مُتُمْ يَنَ غُدُ شِ كَطَيْ، سَيْ يَكِرَا مَيْغَادِنْ ڧُواْڢَرْ بِرْنِنْ دَيَكٜىٰ عَڧَسَا، يَثٜىٰ مَسَ «دُوبَ! غَا وَنِ مُتُمْ كُمَ يَنَ ذُوَا دَ غُدُ!»
سَرْكِے يَأَمْسَ يَثٜىٰ «وَنَّنْ مَا يَنَ كَٰوُاْ لَابَرِ مَيْ دَاطِے نٜىٰ؞»
27طَنْ سِنْتِرِ يَثٜىٰ «أَغَنِينَ نَڢَرْكُوانْ يَنَ غُدُ كَمَرْ أَهِمَعَظْ طَنْ ظَدُواكْ؞»
سَرْكِے يَثٜىٰ «مُتُمِنْ كِرْكِ نٜىٰ، يَنَ كَٰوُاْ لَابَرِ مَيْ دَاطِے نٜىٰ؞»
28أَهِمَعَظْ يَطَغَ مُرْيَ يَثٜىٰ وَ سَرْكِے «كُواْمٜىٰ يَنَ لَاڢِيَ!» سَيْ يَرُسُنَ دَ ڢُسْكَرْسَ حَرْ ڧَسَا يَثٜىٰ «أَلْبَرْكَ تَا تَبَّتَا غَ يَهْوٜىٰهْ اللَّهْ نْكَ، وَنْدَ يَكُٻُتَرْ دَكَيْ دَغَ حَنُّنْ مَاسُ غَابَادَ سَرْكِے، رَنْكَيَدَطٜىٰ؞»
29سَرْكِے يَتَمْبَيٜىٰشِ يَثٜىٰ «سَوْرَيِنَّنْ أَبْسَلُوامْ يأَنَانً لَاڢِيَ؟»
أَهِمَعَظْ يَأَمْسَ يَثٜىٰ «رَنْكَيَدَطٜىٰ، أَ سَعَدَّ يُواْوَبْ يَعَيْكٜىٰنِ، نَغَ بَبَّنْ تَاشِنْ حَنْكَلِ عَمَّا بَنْ سَنْ كُواْ مٜىٰنٜىٰنٜىٰبَ؞»
30سَرْكِے يَثٜىٰ مَسَ «جَا غٜىٰڢٜىٰ كَڟَيَ؞» أَهِمَعَظْ كُوَ يَجَا غٜىٰڢٜىٰ يَڟَيَ؞
31سَيْغَا مُتُمِنْ إِتِيُواْڢِيَ نَنْ يَ إِسُواْ يَثٜىٰ «رَنْكَيَدَطٜىٰ، سَرْكِے! غَا لَابَرِ مَيْ دَاطِے! يَوْ يَهْوٜىٰهْ يَاكُٻُتَرْ دَكَيْ دَغَ حَنُّنْ دُكَنْ مَاسُ غَابَادَكَيْ؞»
32سَرْكِے يَسَاكٜىٰيِنْ تَمْبَيَ يَثٜىٰ «سَوْرَيِنَّنْ أَبْسَلُوامْ يأَنَانً لَاڢِيَ؟»
سَيْ مُتُمِنْ إِتِيُواْڢِيَ نَنْ يَأَمْسَ يَثٜىٰ «رَنْكَيَدَطٜىٰ! بَرِ أَبُواْكَنْ غَابَنْ سَرْكِينَ دَ كُمَ دُكَنْ مَاسُ تَاسُواْ مَكَ دَ مُغُنْتَا سُذَمَ كَمَرْ سَوْرَيِنَّنْ؞»
33سَيْ ذُوثِيَارْ سَرْكِے تَڟِنْكٜىٰ، يَهَوْ ثِكِنْ وَنِ طَاكِنْ دَيَكٜىٰ عَبِسَ طَاكِنْ تَارُواْ ثِكِنْ ڧُواْڢَرْ بِرْنِ يَنَ تَ كُوكَا؞ يَيِ كُوكَا يَنَ ثٜىٰوَ «أَيَّ، طَانَ أَبْسَلُوامْ! طَانَ! أَيَّ، طَانَ أَبْسَلُوامْ! دَمَا نِنٜىٰ نَمُتُ، بَكَيْبَ! أَيَّ، أَبْسَلُوامْ طَانَ، طَانَ!»
Currently Selected:
2 سَمَٰعِيلَ 18: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
