2 سَمَٰعِيلَ 20
20
شٜىٰبَ يَجَٰوُاْ تَاوَيٜىٰ
1أَوُرِنْ كُوَ أَݣَويْ وَنِ طَنْ إِسْكَ مَيْ سُونَ شٜىٰبَ طَنْ بِكِرِ دَغَ ذُرِيَرْ بِلِيَامِنُ؞ يَبُوسَ ڧَهُواْ يَتَادَ مُرْيَ يَثٜىٰ،
«إِنَا ضُوَنْمُ دَ دَاوُدَ!
أَيْ، بَامُ دَ غَادُواْ أَوُرِنْ طَنْ يٜىٰسّٜىٰ!
يَا إِسْرَٰٓءِيلَ، كُواْوَ يَكُواْمَ تٜىٰنْتِنْسَ!»#1 سَرْ 12.16؛ 2 تَارْ 10.16
2سَيْ دُكَنْ مُتَنٜىٰنْ إِسْرَٰٓءِيلَ سُكَ بَرْ دَاوُدَ، سُكَ جُويَا سُكَبِے شٜىٰبَ طَنْ بِكِرِ؞ عَمَّا مُتَنٜىٰنْ يَهُودَ سُكَ مَنّٜىٰوَ سَرْكِنْسُ سُكَ تَڢِے تَرٜىٰ دَشِ تُنْدَغَ كُواْغِنْ يُواْدَنْ حَرْ ذُوَا عُرُوشَلِيمَ؞
3دَ دَاوُدَ يَكُواْمَ غِدَنْسَ أَ عُرُوشَلِيمَ، سَيْ يَݣُوسُواْ مَتَنْ دَ يَأَجِيٜىٰ غُدَا غُواْمَ وَطَنْدَ يَبَرْسُ سُلُورَ دَ غِدَنْسَ؞ يَسَاسُ أَوَنِ غِدَا، يَكُمَسَا عَيِ غَادِنْسُ؞ يَثِيغَبَدَ بِيَنْ بُڧَاتُنْسُ، عَمَّا دَيْ بَيْ سَاكٜىٰ ݣُونَ دَسُوبَ؞ عَكَ ڨَلٜىٰسُ أَوُرِنْ حَرْ رَانَرْ مُتُوَرْسُ، سُكَيِ تَذَمَ كَمَرْ مَاتَانْدَ مَذَنْسُ سُكَ مُتُ؞#2 سَمْ 16.22
4سَعَنً سَرْكِے يَثٜىٰ وَ أَمَسَ يَكِرَا مُتَنٜىٰنْ يَهُودَ سُتَارُ أَوُرِنْ سَرْكِے عَثِكِنْ ݣُونَ عُكُ، أَمَسَ كُمَ يَكَسَنْثٜىٰ تَرٜىٰدَسُو؞ 5أَمَسَ يَتَڢِے دُواْمِنْ يَتَتَّارُواْ مُتَنٜىٰنْ يَهُودَ، عَمَّا يَدَطٜىٰ ڢِيٜىٰدَ يَدَّ سَرْكِے يَعُمَرْثٜىٰشِ؞
6دَاوُدَ يَثٜىٰ وَ أَبِشَيْ «يَنْذُ شٜىٰبَ طَنْ بِكِرِ ذَيْ جَٰوُاْ مَنَ وَهَلَ ڢِيٜىٰدَ أَبْسَلُوامْ؞ كَطَوْكِ سُواْجُواْجِنَ كَبِيشِ، كَدَ يَغُدُ ذُوَا بِرْنِ مَيْ كَتَنْغَ حَرْ يَكُٻُثٜىٰ مَنَ؞» 7سَبُواْدَ حَكَ يُواْوَبْ دَ مُتَنٜىٰنْسَ دَ سُواْجُواْجِنْ دَسُكٜىٰ غَادِنْ سَرْكِے دَ دُكَنْ سُواْجُواْجِ مَاسُ عِيَ يَاڧِ سُكَ بَرْ عُرُوشَلِيمَ تَرٜىٰدَ أَبِشَيْ؞ سُكَبِے شٜىٰبَ طَنْ بِكِرِ؞ 8دَسُكَكَيْ وَنِ ڧَتُوانْ دُوڟٜىٰنْ دَيَكٜىٰ أَ غِبٜىٰيُوانْ، سَيْ أَمَسَ يَذُواْ يَسَدُدَسُو؞ يُواْوَبْ كُوَ يَنَ سَنْيٜىٰ دَ رِغَرْ سُواْجَ؞ عَكَنْ رِغَرْسَ كُمَ أَݣَويْ تَكُواْبِے عَثِكِنْ غِدَنْسَ طَوْرٜىٰ دَ طَمَرَ؞ دَ يَمَاڟَ غَبَ، سَيْ تَكُواْبِنْ يَڢِتَ يَڢَاطِ؞ يُواْوَبْ يَطَوْكَ دَ حَنُّنْ هَغُنْسَ؞ 9يُواْوَبْ يَثٜىٰ وَ أَمَسَ «طَنْعُوَ، كَنَ لَاڢِيَ؟» سَيْ يَسَا حَنُّنْسَ نَدَمَ يَكَامَ غٜىٰمُنْ أَمَسَ كَمَرْ ذَيْ سُمْبَثٜىٰ شِ؞ 10أَمَسَ كُوَ بَيْ لُورَ دَ تَكُواْبِنْ دَيَكٜىٰ أَ حَنُّنْ هَغُنْ يُواْوَبْ بَ؞ تَهَكَ يُواْوَبْ يَسُواْكِ أَمَسَ دَ تَكُواْبِے عَثِكِ حَرْ كَايَنْ ثِكِنْسَ سُكَ ظُبَ ڧَسَا؞ أَمَسَ يَمُتُ بَاتَرٜىٰدَ يُواْوَبْ يَسُواْكٜىٰشِ سَوْ بِيُبَ؞
سَيْ يُواْوَبْ دَ طَنْعُوَنْسَ أَبِشَيْ سُكَ ثِيغَبَدَ بِنْ شٜىٰبَ طَنْ بِكِرِ؞ 11طَيَ دَغَ ثِكِنْ سُواْجُواْجِنْ يُواْوَبْ يَڟَيَ كُسَدَ جِكِنْ أَمَسَ يَثٜىٰ «كُواْوَ دَيَكٜىٰ غُواْيُوانْ بَايَنْ يُواْوَبْ دَ دَاوُدَ، يَبِے يُواْوَبْ!» 12أَمَسَ كُوَ يَݣُونْتَ عَثِكِنْ جِنِنْسَ أَڟَكِيَرْ حَنْيَ، كُمَ عِدَنْ كُواْوَ يَكَيْ وُرِنْ غَاوَرْ سَيْ يَڟَيَ يَيِ كَلُّواْ؞ دَ سُواْجَنْ يَغَ يَدَّ كُواْوَ يَكَنْ ڟَيَ أَوُرِنْ غَاوَرْ، سَيْ يَجَا غَاوَرْ دَغَ حَنْيَ، يَݣُونْتَرْدَ عِتَ عَثِيَوَ تَغٜىٰڢٜىٰنْ حَنْيَرْ، سَعَنً يَرُڢٜىٰتَ دَ رِغَا؞ 13بَايَنْدَ عَكَ كَوَرْدَ جِكِنْ أَمَسَ دَغَ حَنْيَ، سَيْ دُكَنْ سُواْجُواْجِنْ سُكَبِے يُواْوَبْ ذُوَا نٜىٰمَنْ شٜىٰبَ طَنْ بِكِرِ؞
14أَنَ ثِكِنْ حَكَ أَشٜىٰ شٜىٰبَ يَا رِغَا يَا بِدُكَنْ ذُرِيَرْ إِسْرَٰٓءِيلَ يَنَ نٜىٰمَنْ غُواْيُوانْ بَايَنْ دُكَنْ مُتَنٜىٰنْ دَنْغِنْسَ؞ سُكَ كُوَ تَارُ سُكَبِيشِ ذُوَا بِرْنِنْ أَبٜىٰلْ نَ بٜىٰتْ مَعَكَ؞ 15سَيْ يُواْوَبْ دَ مُتَنٜىٰنْسَ سُكَذُواْ أَبٜىٰلْ نَ بٜىٰتْ مَعَكَ سُكَ كٜىٰوَيٜىٰ بِرْنِنْ دَ شٜىٰبَ يَكٜىٰ ثِكِ؞ سُكَ تَارَ ڧَسَا كٜىٰوَيٜىٰ دَ جِكِنْ كَتَنْغَرْ بِرْنِنْ دَيْدَيْ دَ ڟَيِنْتَ؞ سَعَنً وَطَنْسُ كُمَ سُنَ ڧُواْڧَرِنْ رُشٜىٰ كَتَنْغَرْ؞
16سَيْ وَتَ مَثٜىٰ مَيْ حِكِمَ دَغَ بِرْنِنْ تَيِكِرَا تَثٜىٰ «كُجِ مَنَ! كُجِ مَنَ! أَ ڢَطَا وَ يُواْوَبْ يَذُواْ نَنْ، إِنَ سُواْ إِنْيِ مَغَنَ دَشِ؞» 17سَيْ يُواْوَبْ يَمَاڟَ كُسَ، سَيْ تَتَمْبَيٜىٰشِ تَثٜىٰ «كَيْ نٜىٰ يُواْوَبْ؟»
يَأَمْسَ «عِ، نِنٜىٰ؞»
سَيْ تَثٜىٰمَسَ «مَيْغِرْمَ، كَسَوْرَرَتَ؞»
يُواْوَبْ يَأَمْسَ يَثٜىٰ «إِنَ جِنْكِ؞»
18تَاثٜىٰ «أَ شٜىٰكَرُنْ بَايَ مُتَنٜىٰ سُكَنْثٜىٰ، ‹عَتَڢِے بِرْنِنْ أَبٜىٰلْ دُواْمِنْ سَامُنْ شَوَرَا؞› دَهَكَ ذَنْثٜىٰنْ يَكَنْ ڧَارٜىٰ؞ 19نِے إِنَ ثِكِنْ مَاسُ نٜىٰمَنْ سَلَمَنٜىٰ دَ مَاسُ أَمِنْثِ عَڧَسَرْ إِسْرَٰٓءِيلَ؞ عَمَّا كَيْ كَنَ نٜىٰمَ كَرُشٜىٰ بِرْنِنْ دَتَكٜىٰ كَمَرْ مَامَا غَ إِسْرَٰٓءِيلَ؞ دُوانْمٜىٰ كَكٜىٰسُواْ كَهَلَّكَ غَادُوانْ دَيَكٜىٰ نَ يَهْوٜىٰهْ؟»
20يُواْوَبْ يَأَمْسَ يَثٜىٰ «اللَّهْ يَسَوَّڧٜىٰ! كُواْ كَطَنْ! نِے بَمَيْ نٜىٰمَنْ رُشٜىٰوَ كُواْ هَلَّكَرْوَبَ! 21بَعَبِنْدَ نَكٜىٰ نٜىٰمَبَ كٜىٰنَنْ؞ عَمَّا أَݣَويْ وَنِ مُتُمْ مَيْ سُونَ شٜىٰبَ طَنْ بِكِرِ دَغَ تُدَّنْ يَنْكِنْ إِڢْرَيِمْ وَنْدَ يَڢَارَيِ وَ سَرْكِے دَاوُدَ تَاوَيٜىٰ؞ كُمِيڧَ مِنِ وَنَّنْ مُتُمْ؞ نِے كُوَ ذَنْ جَنْيٜىٰ دَغَ بِرْنِنْ؞»
سَيْ مَثٜىٰنْ تَأَمْسَ مَسَ تَثٜىٰ «تُواْ، ذَاعَ جٜىٰڢَرْ مَكَ دَ كَنْ شٜىٰبَ تَكَتَنْغَرْ بِرْنِنْ؞»
22سَعَنً مَثٜىٰنْ تَبِے دُكَنْ مُتَنٜىٰنْ بِرْنِنْ تَيِ مُسُ مَغَنَ دَ حِكِمَرْتَ؞ سَيْ سُكَ يَنْكٜىٰ كَنْ شٜىٰبَ طَنْ بِكِرِ سُكَجٜىٰڢَوَ يُواْوَبْ تَكَتَنْغَرْ؞ دُواْمِنْ حَكَ يُواْوَبْ يَبُوسَ ڧَهُواْ دُواْمِنْ سُواْجُواْجِ سُجَنْيٜىٰ دَغَ بِرْنِنْ؞ كُواْوَنٜىٰ مُتُمْ يَكُواْمَ غِدَنْسَ، يُواْوَبْ كُوَ يَكُواْمَ وُرِنْ سَرْكِے أَ عُرُوشَلِيمَ؞
23يُواْوَبْ نٜىٰ شُوغَبَنْ سُواْجُواْجِنْ إِسْرَٰٓءِيلَ دُكَ؞ بٜىٰنَيَ طَنْ يٜىٰهُواْيِدَ شِينٜىٰ شُوغَبَنْ سُواْجُواْجِ مَاسُ غَادِنْ سَرْكِے دَاوُدَ؞ 24أَدُواْرَمْ نٜىٰ شُوغَبَنْ عَيْكِنْ دُواْلٜىٰ، يٜىٰهُواْشَڢَتْ طَنْ أَهِلُدْ نٜىٰ مَرُبُوثِنْ تَارِيحِ؞ 25شٜىٰوَ نٜىٰ مَرُبُوثِنْ، ظَدُواكْ دَ أَبِيَتَرْ سُونٜىٰ ڢِرِسْتُواْثِے؞ 26إِرَ مُتُمِنْ يَايِرْ كُمَ طَيَ نٜىٰ دَغَ ثِكِنْ ڢِرِسْتُواْثِے أَ زَامَانِنْ دَاوُدَ؞
Currently Selected:
2 سَمَٰعِيلَ 20: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
