2 سَمَٰعِيلَ 17
17
1أَهِتُواْڢٜىٰلْ كُمَ يَثٜىٰ وَ أَبْسَلُوامْ «بَرِ إِنْ ذَاٻِ مُتَنٜىٰ دُبُو غُواْمَشَا بِيُ، مُتَاشِ مُبِے دَاوُدَ يَوْ دَدَرٜىٰ؞ 2ذَنْ ڢَاطَ مَسَ دَ يَاڧِ أَ لُواْكَثِنْدَ يَغَجِ كُمَ يَكُسَ ڢِدَّ ذُوثِيَا؞ ذَنْ بَاشِ ڟُواْرُواْ سُواْسَيْ حَرْ دُكَنْ مُتَنٜىٰنْسَ سُوَڟٜىٰ سُبَرْ شِ؞ سَرْكِے دَاوُدَ كَطَيْ ذَنْ كَشٜىٰ، 3إِنْ كَٰوُاْ مَكَ سَوْرَنْ مُتَنٜىٰنْ دُكَ؞ سَعَدَّ دُكَنْسُ سُكَ دَاوُاْ، سَيْدَيْ مُتُمْ طَيَنَّنْ دَ ذَنْ كَشٜىٰ، دُكَنْ سَوْرَنْ مُتَنٜىٰ كُوَ ذَاسُ كَسَنْثٜىٰ دَ سَلَمَ؞» 4وَنَّنْ شَوَرَا تَغَمْشِ أَبْسَلُوامْ دَ دُكَنْ دَتَّاوَنْ إِسْرَٰٓءِيلَ؞
شَوَرَرْ هُشَيْ
5عَمَّا أَبْسَلُوامْ يَثٜىٰ «عَكِرَوُاْ هُشَيْ مُتُمِنْ أَرْكِ، مُكُمَجِ نَاسَ رَعَيِ؞» 6دَ هُشَيْ يَذُواْ وُرِنْ أَبْسَلُوامْ، سَيْ أَبْسَلُوامْ يَثٜىٰ مَسَ «غَا شَوَرَرْ دَ أَهِتُواْڢٜىٰلْ يَبَايَرْ؞ مُبِے شَوَرَرْسَ؟ كُواْ كُوَ كَنَدَ وَتَ دَبَمْ؟»
7هُشَيْ يَثٜىٰ وَ أَبْسَلُوامْ «أَوَنَّنْ كَرُواْ كَمْ شَوَرَرْ دَ أَهِتُواْڢٜىٰلْ يَبَايَرْ بَتَيِبَ؞» 8هُشَيْ يَڧَارَ دَ ثٜىٰوَ «كَسَنْ ثٜىٰوَ بَابَنْكَ دَ مُتَنٜىٰنْسَ سُنْ عِيَ يَاڧِ سُواْسَيْ؞ سُنَدَ ذَاڢِ كَمَرْ بٜىٰيَرْ دَ أَنْݣُوشٜىٰ مَتَ یَیَ؞ بَنْدَ حَكَمَا، بَابَنْكَ ڠُونِنْ يَاڧِ نٜىٰ، بَذَيْ ݣُونَ دَ مُتَنٜىٰنْسَ دَدَرٜىٰبَ؞ 9وَتَڧِيلَ يَنْذُ يَٻُيَ أَوَنِ كُواْغُواْ كُواْ كُوَ وَنِ وُرِے؞ عِدَنْ كُوَ عَيَاڧِ نَڢَارِ، كَطَنْ دَغَ ثِكِنْ سُواْجُواْجِنْكَ سُكَ مُتُ، دُكْ وَنْدَ يَجِ لَابَرِ ذَيْثٜىٰ، ‹أَنْ كَشٜىٰ سُواْجُواْجِنْ أَبْسَلُوامْ دَيَوَ!› 10وَنَّنْ ذَيْسَا كُواْ سُواْجَ مَرَرْ ڟُواْرُواْ مَيْ ذُوثِيَا كَمَرْ ذَاكِ يَڢِرْغِتَ؞ غَمَا كُواْوَ عَ إِسْرَٰٓءِيلَ يَسَنْ ثٜىٰوَ بَابَنْكَ ڠُونِنْ يَاڧِ نٜىٰ كُمَ مُتَنٜىٰنْسَ مَاسُ ڧَرْڢِنْ ذُوثِيَا نٜىٰ؞ 11سَبُواْدَ حَكَ إِنَبَادَ شَوَرَا ثٜىٰوَ عَتَارَ دُكَنْ مُتَنٜىٰنْ إِسْرَٰٓءِيلَ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ، يَوَنْسُ ذَاسُ كَسَنْثٜىٰ كَمَرْ يَشِنْ بَاكِنْ تٜىٰكُ؞ سَعَنً كَيْ دَ كَنْكَ ذَاكَ بِيدَسُو ذُوَا وُرِنْ يَاڧِ؞ 12ذَامُ ڢَاطَوَ دَاوُدَ دُكْ عِنْدَ يَكٜىٰ، مُرُڢٜىٰشِ دَ يَاڧِ كَمَرْ يَدَّ رَٻَ تَكَنْ رُڢٜىٰ ڧَسَا؞ كُواْ شِے كُواْ طَيَ عَثِكِنْ وَطَنْدَ سُكٜىٰ تَرٜىٰدَشِ، بَابُوَنْدَ ذَيْ ڟِيرَا؞ 13عِدَنْ مَا يَغُدُ يَشِغَ ثِكِنْ بِرْنِ نٜىٰ، دُكَنْ مُتَنٜىٰنْ إِسْرَٰٓءِيلَ ذَاسُ كَٰوُاْ إِغِيُواْيِ، ذَاسُجَا كُواْوَنٜىٰ دُوڟٜىٰنْ كَتَنْغَرْ بِرْنِنْ ذُوَا ثِكِنْ ݣُورِ، حَرْ بَابُ ڧَرَمِنْ دُوڟٜىٰنْ دَ ذَاعَ بَرِ عَكَنْ وَنِ؞»
14أَبْسَلُوامْ دَ دُكَنْ مُتَنٜىٰنْ إِسْرَٰٓءِيلَ سُكَ يَرْدَ ثٜىٰوَ شَوَرَرْ هُشَيْ مُتُمِنْ أَرْكِ تَاڢِ تَ أَهِتُواْڢٜىٰلْ؞ غَمَا يَهْوٜىٰهْ نٜىٰ يَڧَدَّرَ ذَاعَ ڧِ شَوَرَا مَيْݣَوْ تَ أَهِتُواْڢٜىٰلْ دُواْمِنْ يَجَٰوُاْوَ أَبْسَلُوامْ مَسِيڢَ؞
هُشَيْ يَغَرْغَطِ دَاوُدَ يَغُدُ
15هُشَيْ يَتَڢِے يَڢَطَا وَڢِرِسْتُواْثِنَّنْ ظَدُواكْ دَ أَبِيَتَرْ يَثٜىٰ «غَا إِرِنْ شَوَرَرْ دَ أَهِتُواْڢٜىٰلْ يَبَا أَبْسَلُوامْ دَ دَتَّاوَنْ إِسْرَٰٓءِيلَ؞ عَمَّا غَا إِرِنْ شَوَرَرْ دَنِے نَا بَايَرْ؞ 16كُيِ مَظَا كُعَيْكَ أَڢَطَا وَ دَاوُدَ ثٜىٰوَ كَدَ يَݣُونَ عَبَاكِنْ كُواْغِنْ يُواْدَنْ، عَمَّا كُواْ تَيَيَا يَيِ مَظَا يَڧٜىٰتَرٜىٰ يَشِغَ دَاجِ؞ عِدَنْ بَهَكَبَ ذَاعَ هَلَّكَ سَرْكِے دَ مُتَنٜىٰنْسَ دُكَ؞»
17يُواْنَتَنْ دَ أَهِمَعَظْ كُوَ سُنَ جِرَا أَ مَٻُٻُّغَرْ ضُوً دَ عَكٜىٰ ثٜىٰ دَ عِتَ عٜىٰنْرُواْغٜىٰلْ؞ عَكَنْ عَيْكِ وَتَ أَوُرِنْسُ دُواْمِنْ تَڢَطَا مُسُ أَبُبُوَنْ دَسُكٜىٰ ڢَرُوَ، سُو كُمَ سَيْ سُتَڢِے سُڢَطَا وَ سَرْكِے دَاوُدَ؞ عَكَنْيِ حَكَ دُواْمِنْ كَدَ أَغَنْسُ سُنَ شِغَ بِرْنِنْ؞
18عَمَّا وَنِ يَرُواْ يَغَ يُواْنَتَنْ دَ أَهِمَعَظْ، سَيْ يَڢَطَا وَ أَبْسَلُوامْ؞ سَبُواْدَ حَكَ أَهِمَعَظْ دَ يُواْنَتَنْ سُكَتَاشِ دَ سَوْرِ سُكَ شِغَ غِدَنْ وَنِ مُتُمْ أَغَرِنْ بَهُرِمْ؞ مُتُمِنْ كُوَ يَنَدَ رِجِيَ أَ ڢِيلِنْ غِدَنْسَ، سَيْسُكَ شِغَ ثِكِ سُكَ ٻُيَ؞ 19سَيْ مَاتَرْ مُتُمِنْ تَرُڢٜىٰ بَاكِنْ رِجِيَرْ؞ تَا كَٰوُاْ حَڟِ تَيِشَنْيَ عَكَيْ؞ تَا بَظَشِ كُواْعِنَ يَدَّ بَاوَنْدَ ذَيْ غَانٜىٰ أَݣَويْ وَنِ أَبُ؞ 20مُتَنٜىٰنْ أَبْسَلُوامْ سُكَذُواْ وُرِنْ مَثٜىٰنْ أَغِدَنْتَ سُكَ تَمْبَيٜىٰتَ سُكَثٜىٰ «إِنَا أَهِمَعَظْ دَ يُواْنَتَنْ سُكٜىٰ؟»
سَيْ تَأَمْسَ «سُنْ ڧٜىٰتَرٜىٰ رَاڢِ؞»
مُتَنٜىٰنْ سُكَ نٜىٰمٜىٰسُ بَسُ سَامٜىٰسُبَ، سَيْسُكَ كُواْمَ عُرُوشَلِيمَ؞
21بَايَنْدَ مُتَنٜىٰنْ أَبْسَلُوامْ سُكَ تَڢِے، سَيْ أَهِمَعَظْ دَ يُواْنَتَنْ سُكَ ڢِتَ دَغَ رِجِيَرْ سُكَ تَڢِے وُرِنْ سَرْكِے دَاوُدَ سُكَثٜىٰ مَسَ «يِمَظَا كَڧٜىٰتَرٜىٰ كُواْغِنْ! غَمَا غَا إِرِنْ شَوَرَرْ دَ أَهِتُواْڢٜىٰلْ يَبَايَرْ عَكَنْكَ؞» 22دُواْمِنْ حَكَ دَاوُدَ دَ مُتَنٜىٰنْسَ سُكَتَاشِ سُكَ ڢَارَ ڧٜىٰتَرٜىٰ كُواْغِنْ يُواْدَنْ؞ كَاڢِنْ وَايٜىٰوَرْ غَرِ بَابُ كُواْ طَيَ عَثِكِنْسُ وَنْدَ بَيْ ڧٜىٰتَرٜىٰ كُواْغِنْبَ؞
23سَعَدَّ أَهِتُواْڢٜىٰلْ يَغَ أَنْڧِ بِنْ شَوَرَرْسَ، سَيْ يَشِرْيَ جَاكِنْسَ يَهَوْ، يَكُواْمَ غِدَنْسَ أَغَرِنْسُ؞ دَ يَشِرْيَ عِيَلِنْسَ دَ كَايَنْسَ، سَيْ يَرَاتَيٜىٰ كَنْسَ يَمُتُ؞ عَكَ بِنّٜىٰشِ عَكَبَرِنْ بَابَنْسَ؞
دَاوُدَ أَ غَرِنْ مَهَنَيِمْ
24دَاوُدَ يَ إِسُواْ غَرِنْ مَهَنَيِمْ، سَعَدَّ أَبْسَلُوامْ دَ دُكَنْ مُتَنٜىٰنْ إِسْرَٰٓءِيلَ سُكَ ڧٜىٰتَرٜىٰ كُواْغِنْ يُواْدَنْ؞ 25أَبْسَلُوامْ كُوَ يَسَا أَمَسَ يَذَمَ شُوغَبَنْ سُواْجُواْجِ أَمَيْمَكُوانْ يُواْوَبْ؞ أَمَسَ طَنْ عِتَرَ #17.25 عِتَرَ: أَنْ كُمَ سَنْ شِ دَ سُونَ «يٜىٰتٜىٰرْ»؞ نٜىٰ، وَنِ مُتُمِنْ ذُرِيَرْ إِسْمَٰعِيلُ؞ عِتَرَ يَ عَوْرِ أَبِغِيٜىٰلْ یَرْ نَهَشْ، وَدَّ تَكٜىٰ یَرْعُوَرْ ظٜىٰرُوِيَ، وَتُواْ مَامَرْ يُواْوَبْ؞ 26مُتَنٜىٰنْ إِسْرَٰٓءِيلَ تَرٜىٰدَ أَبْسَلُوامْ سُكَ كَڢَ سَنْسَنِنْسُ عَيَنْكِنْ غِلٜىٰيَدْ؞
27دَ دَاوُدَ يَ إِسُواْ مَهَنَيِمْ سَيْ يَتَرَرْ دَ شُواْبِے طَنْ نَهَشْ وَنْدَ يَڢِتُواْ دَغَ بِرْنِنْ رَبَّهْ نَڧَسَرْ أَمُّوانْ دَ مَكِرْ طَنْ أَمِّيٜىٰلْ دَغَ غَرِنْ لُواْدٜىٰبَرْ دَ كُمَ بَرْظِلَّيْ مُتُمِنْ غِلٜىٰيَدْ دَغَ رُواْغٜىٰلِمْ؞ 28سُكَيِ وَ دَاوُدَ دَ مُتَنٜىٰنْسَ ݣَوْتَرْ كَايَ كَمَرْ سُو تَبَرْمَرْ ݣُونْثِيَ دَ ݣُونُواْنِ دَ تُݣُونٜىٰ دَ كُمَ أَلْكَمَ دَ حَڟِنْ بَلٜىٰ دَ غَرِ دَ غَسَشّٜىٰنْ حَڟِ دَ وَكٜىٰ دَ وَكٜىٰنْ بَرٜىٰوَ؞ 29سُكَ كُمَ كَٰوُاْ ظُمَ دَ كِنْدِرْمُواْ نَتُمَكِ دَ أَوَرَ نَمَدَرَرْ شَانُو؞ غَمَا سُنْسَنْ ثٜىٰوَ دَاوُدَ دَ مُتَنٜىٰنْسَ سُنَ جِنْ يُنْوَ دَ غَاجِيَ دَ ڧِشِنْ ضُوَ عَثِكِنْ دَاجِ؞
Currently Selected:
2 سَمَٰعِيلَ 17: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
