2 سَمَٰعِيلَ 16
16
دَاوُدَ دَ ظِبَ
1سَعَدَّ دَاوُدَ يَوُثٜىٰ سَمَنْ تُدُنْ كَطَنْ، سَيْ ظِبَ، مَيْ حِدِمَرْ مٜىٰڢِبُواْشٜىٰتْ، يَسَدُ دَشِ؞ ظِبَ يَذُواْ دَ جَاكُنَ بِيُ طَوْكٜىٰ دَ دُنْڧُلٜىٰنْ غُرَاسَ طَرِے بِيُ دَ دُنْڧُلٜىٰنْ بُوسَشّٜىٰنْ إِنَبِے غُدَا طَرِے دَ سَابَبِّنْ یَیَنْ إِتَاثٜىٰ غُدَا طَرِے دَ سَلْكَرْ ضُوً إِنَبِے؞#2 سَمْ 9.9-10 2سَرْكِے كُوَ يَثٜىٰ وَ ظِبَ «مٜىٰيَسَا كَكَٰوُاْ أَبُبُوَنَّنْ؟»
ظِبَ يَأَمْسَ يَثٜىٰ «نَا كَٰوُاْ جَاكُنَنْ دُواْمِنْ عِيَلِنْ سَرْكِے سُهَوْ؞ غُرَاسَ دَ یَیَنْ إِتَاثٜىٰ كُمَ سَبُواْدَ مَاسُ يِمَكَ حِدِمَ سُثِ؞ سَعَنً ضُوً إِنَبِنْ كُوَ سَبُواْدَ دُكْ وَطَنْدَ سُكَ غَجِ أَدَاجِ سُشَا؞»
3سَيْ سَرْكِے يَتَمْبَيٜىٰشِ يَثٜىٰ «إِنَا مٜىٰڢِبُواْشٜىٰتْ جِيكَنْ مَيْغِدَنْكَ طَالُوتَ يَكٜىٰ؟»
ظِبَ يَأَمْسَ وَ سَرْكِے يَثٜىٰ «يَنَ عَثِكِنْ عُرُوشَلِيمَ، غَمَا يَنَ ڟَمَّنِ ثٜىٰوَ يَنْذُ مُتَنٜىٰنْ غِدَنْ إِسْرَٰٓءِيلَ ذَاسُ مَيَرْ مَسَ دَ مُلْكٍ بَابَنْسَ طَالُوتَ؞»#2 سَمْ 19.26-27
4سَرْكِے دَاوُدَ يَثٜىٰ مَسَ «دَغَ يَوْ دُكْ أَبِنْدَ يَكٜىٰ نَ مٜىٰڢِبُواْشٜىٰتْ يَذَمَ نَاكَ!»
ظِبَ يَثٜىٰ «رَنْكَيَدَطٜىٰ، سَرْكِے! نَا رُسُنَ مَكَ؞ بَرِ إِنْ دِنْغَ سَامُنْ ڢَضٍ جِنِ أَغَبَنْكَ حَكَ؞»
دَاوُدَ دَ شِمٜىٰيِ
5سَعَدَّ سَرْكِے دَاوُدَ دَ مُتَنٜىٰنْسَ سُكَذُواْ كُسَدَ غَرِنْ بَهُرِمْ، سَيْ وَنِ مُتُمْ يَڢِتُواْ يَنَ تَذَاغِنْسَ؞ سُونَنْ وَنَّنْ مُتُمِنْ شِمٜىٰيِ نٜىٰ، طَنْ غٜىٰرَ، شِ دَنْغِنْ طَالُوتَ نٜىٰ؞ 6شِمٜىٰيِ يَيِ تَجِڢَرْ دَاوُدَ دَ مَاسُ يِمَسَ حِدِمَ دَ دُوَڟُو، كُواْدَيَكٜىٰ دُكَنْ مُتَنٜىٰنْسَ دَ سُواْجُواْجِنْ سُنْ كٜىٰوَيٜىٰ سَرْكِے دَاوُدَ؞ 7شِمٜىٰيِ يَيِ تَذَاغِنْ دَاوُدَ يَنَ ثٜىٰوَ «تَڢِے! تَڢِے! كَيْ مَيْ ظُبْدَ جِنِ! مُتُمِنْ بَنْظَ! 8يَهْوٜىٰهْ يَنَ رَامُوَا أَلْحَكِنْ جِنِنْ غِدَنْ طَالُوتَ عَكَنْكَ! كَا ڨُوثٜىٰ مُلْكِ دَغَ حَنُّنْ طَالُوتَ؞ غَاشِ، يَوْ يَهْوٜىٰهْ يَابَادَ مُلْكِنْكَ غَ حَنُّنْ طَنْكَ أَبْسَلُوامْ؞ يَنْذُ تَاكَ تَا ڧَارٜىٰ دُواْمِنْ كَيْ مَيْ ظُبْدَ جِنِنٜىٰ!»
9أَبِشَيْ طَنْ ظٜىٰرُوِيَ يَثٜىٰ وَسَرْكِے «رَنْكَيَدَطٜىٰ! دُوانْمٜىٰ كَبَرْ مَتَثّٜىٰنْ كَرٜىٰنَّنْ يَنَ ذَاغِنْكَ؟ بَرِ إِنْجٜىٰ إِنْيَنْكٜىٰ كَنْسَ؞»
10سَرْكِے يَأَمْسَ يَثٜىٰ «كُو یَیَنْ ظٜىٰرُوِيَ، إِنَا ضُوَنَ دَكُو؟ عِدَنْ يَنَ ذَاغِنَ نٜىٰ سَبُواْدَ يَهْوٜىٰهْ يَثٜىٰ مَسَ يَذَاغِ دَاوُدَ، تُواْ، وَنٜىٰنٜىٰ يَ إِسَ عَثٜىٰ، ‹دُوانْمٜىٰ كَيِ وَنَّنْ؟› » 11دَاوُدَ يَكُمَثٜىٰ وَ أَبِشَيْ دَ مَاسُ يِمَسَ حِدِمَ «عِدَنْ حَرْ طَانَ نَثِكِنَ يَنَ نٜىٰمَ يَكَشٜىٰنِ، بَلّٜىٰ وَنَّنْ مُتُمِنْ بِلِيَامِنُ! كُبَرْشِ يَيِ تَذَاغِ، غَمَا يَهْوٜىٰهْ نٜىٰ يَثٜىٰمَسَ يَيِ؞ 12وَتَڧِيلَ يَهْوٜىٰهْ ذَيْ دُوبَ وَنَّنْ وُلَڧَنْثِنَ يَكُمَ سَاكَ مِنِ دَ أَلْحٜىٰرِ سَبُواْدَ ذَاغٜىٰ ذَاغٜىٰنْ دَ شِمٜىٰيِ يَيِ مِنِ يَوْ؞» 13سَيْ دَاوُدَ دَ مُتَنٜىٰنْسَ سُكَ ثِيغَبَدَ تَڢِيَ عَكَنْ حَنْيَ؞ شِمٜىٰيِ كُوَ يَنَ تَڢِيَ تَغٜىٰڢٜىٰنْ تُدُنْ يَنَ بِنْسُ يَنَ تَذَاغِنْ دَاوُدَ يَنَ جِڢَرْسَ دَ دُوَڟُو يَنَ كُمَ تَيَرْ مَسَ دَ ڧَسَا؞ 14دَ سَرْكِے دَ مُتَنٜىٰنْسَ سُكَ إِسَ عِنْدَ ذَاسُ، سُنْ كُوَ غَجِ سُواْسَيْ؞ سُكَ هُوتَ أَوُرِنْ؞
هُشَيْ يَا سَدُ دَ أَبْسَلُوامْ
15أَنَ ثِكِنْ وَنَّنْ سَيْ أَبْسَلُوامْ دَ دُكَنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ تَرٜىٰ دَشِ سُكَ شِغَ عُرُوشَلِيمَ؞ أَهِتُواْڢٜىٰلْ كُمَ يَنَ تَرٜىٰدَشِ؞ 16سَعَدَّ هُشَيْ مُتُمِنْ أَرْكِ أَبُواْكِنْ دَاوُدَ يَ إِسُواْ وُرِنْ أَبْسَلُوامْ، سَيْيَيِ مَغَنَ يَثٜىٰ «رَنْكَيَدَطٜىٰ، سَرْكِے! رَنْ سَرْكِے يَدَطٜىٰ!»
17عَمَّا أَبْسَلُوامْ يَتَمْبَيٜىٰشِ يَثٜىٰ «ڧَوْنَرْ دَ كَكٜىٰيِ وَ أَبُواْكِنْكَ كٜىٰنَنْ؟ دُوانْمٜىٰ بَكَبِے أَبُواْكِنْكَبَ؟»
18هُشَيْ يَأَمْسَ يَثٜىٰ «أَعَ، نِے إِنَ غُواْيُوانْ بَايَنْ وَنْدَ يَهْوٜىٰهْ دَ مُتَنٜىٰنَّنْ دَ كُمَ دُكَنْ مُتَنٜىٰنْ إِسْرَٰٓءِيلَ سُكَ ذَاٻَا؞ شِينٜىٰ ذَنْ كَسَنْثٜىٰ دَشِ؞ 19بَنْدَ حَكَمَا، وَ يَا كَمَاتَ إِنْيِمَسَ حِدِمَ إِنْ بَطَنْ دَاوُدَ بَ؟ كَمَرْ يَدَّ نَيِ وَبَابَنْكَ حِدِمَ، حَكَ ذَنْيِ مَكَ؞»
شَوَرَرْ أَهِتُواْڢٜىٰلْ
20أَبْسَلُوامْ يَجُويَ يَثٜىٰ وَ أَهِتُواْڢٜىٰلْ «تُواْ، سَيْ كَبَامُ شَوَرَرْكَ؞ مٜىٰ ذَامُيِ؟»
21أَهِتُواْڢٜىٰلْ يَثٜىٰ مَسَ «كَتَڢِے كَݣُونَ دَ مَاتَانْدَ بَابَنْكَ يَبَرِ دُواْمِنْ سُلُورَ دَ غِدَنْ سَرْكِے؞ تَهَكَ دُكَنْ مُتَنٜىٰنْ إِسْرَٰٓءِيلَ ذَاسُجِ ثٜىٰوَ كَثِ مُتُنْثِنْ بَابَنْكَ؞ وَنَّنْ ذَيْ ڧَارَ ڧَرْڢَڢَ دُكَنْ مَاسُ غُواْيُوانْ بَايَنْكَ؞» 22دُواْمِنْ حَكَ عَكَ شِرْيَ وَ أَبْسَلُوامْ طَنْ رُمْڢَ عَبِسَ غِدَنْ سَرْكِے؞ سَيْ أَبْسَلُوامْ يَشِغَ، أَعِدُوانْ دُكَنْ مُتَنٜىٰنْ إِسْرَٰٓءِيلَ يَݣُونَ دَ وَطَنَّنْ مَتَنْ دَ بَابَنْسَ يَ أَجِيٜىٰ؞#2 سَمْ 12.11-12
23أَ لُواْكَثِنَّنْ كُوَ شَوَرَرْ دَ أَهِتُواْڢٜىٰلْ يَكَنْ بَايَرْ عَكَنْ كَرْٻٜىٰتَ كَمَرْ مَغَنَرْ اللَّهْ ثٜىٰ؞ حَكَنَنْ نٜىٰ مُهِمَّنْثِنْ شَوَرَرْ أَهِتُواْڢٜىٰلْ يَكٜىٰ غَ دَاوُدَ دَ أَبْسَلُوامْ؞
Currently Selected:
2 سَمَٰعِيلَ 16: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
