2 سَمَٰعِيلَ 11
11
دَاوُدَ دَ بَتْشٜىٰبَةُ
1دَ شٜىٰكَرَا تَسَاكٜىٰ كٜىٰوَيُواْوَ، لُواْكَثِنْ دَ سَرَاكُنَ سُكَنْ ڢِتَ يَاڧِ، سَيْ دَاوُدَ يَعَيْكِ يُواْوَبْ دَ شُوغَبَنِّنْ سُواْجُواْجِنْسَ دَ دُكَنْ سُواْجُواْجِنْ إِسْرَٰٓءِيلَ سُكَ تَڢِے سُكَ هَلَّكَ أَمُّواْنَاوَا؞ سُكَ كُمَ كٜىٰوَيٜىٰ بِرْنِنْ رَبَّهْ؞ عَمَّا دَاوُدَ يَيِ ذَمَنْسَ أَ عُرُوشَلِيمَ؞#1 تَارْ 20.1
2وَتَرَانَ دَ يَمَّ دَاوُدَ يَتَاشِ دَغَ وُرِنْ ݣُونْثِيَرْسَ يَنَ يَٰوُاْ عَكَنْ رُڢِنْ غِدَنْسَ؞ دَغَ كَنْ رُڢِنْ، سَيْ يَغَ وَتَ مَثٜىٰ تَنَ وَنْكَ؞ مَثٜىٰنْ كُوَ تَنَدَ ݣَنْ غَنِ سُواْسَيْ؞ 3سَيْ سَرْكِے دَاوُدَ يَعَيْكَ عَبِنْثِكَ مَسَ كُواْ وَثٜىٰ ثٜىٰ عِتَ؞ وَنْدَ عَكَ عَيْكَ كُوَ يَدَاوُاْ يَثٜىٰ «سُونَنْتَ بَتْشٜىٰبَةُ نٜىٰ، مَاتَرْ عُرِيَ مُتُمِنْ ڧَبِيلَرْ هِتِّ؞ عِتَ یَرْ عٜىٰلِيَمْ ثٜىٰ؞» 4دَاوُدَ يَتُورَ یَنْ عَيْكَ سُكَٰوُاْتَ؞ دَتَذُواْ وُرِنْسَ، سَيْ يَݣُونَ دَ عِتَ؞ أَ لُواْكَثِنْ كُوَ تَغَمَ ڟَبْتَثٜىٰ كَنْتَ دَغَ جِنِنْ هَيْلَ؞ سَعَنً تَكُواْمَ غِدَنْتَ؞ 5سَيْ بَتْشٜىٰبَةُ تَيِ ثِكِ تَكُمَ عَيْكَ وَ دَاوُدَ تَثٜىٰ «إِنَدَ ثِكِ؞»
6سَبُواْدَ حَكَ دَاوُدَ يَعَيْكَ وَ يُواْوَبْ يَثٜىٰ «تُرُواْ مِنِ عُرِيَ مُتُمِنْ هِتِّ؞» يُواْوَبْ كُوَ يَعَيْكَ دَ عُرِيَ وُرِنْ دَاوُدَ؞ 7دَ عُرِيَ يَ إِسُواْ وُرِنْ دَاوُدَ، سَيْ دَاوُدَ يَغَيْشٜىٰشِ يَثٜىٰ «يَيَ يُواْوَبْ يَكٜىٰ؟ يَيَ سُواْجُواْجِنْ سُكٜىٰ؟ يَيَ كُمَ يَاڧِنْ يَكٜىٰ تَڢِيَ؟» 8سَيْ دَاوُدَ يَثٜىٰ مَسَ «تُواْ، كَتَڢِے غِدَا كَوَنْكٜىٰ ڧَڢَا كَهُوتَ؞» دَ عُرِيَ يَڢِتَ دَغَ غِدَنْ سَرْكِے، سَيْ عَكَبِيشِ دَ ݣَوْتَرْ عَبِنْثِ دَغَ وُرِنْ سَرْكِے؞ 9عَمَّا عُرِيَ بَيْ تَڢِے غِدَنْسَبَ، يَݣُونَ دَ مَاسُيِ وَسَرْكِے حِدِمَ عَڧُواْڢَرْ غِدَنْ سَرْكِے؞ 10دَ سَرْكِے دَاوُدَ يَسَامِ لَابَرِ ثٜىٰوَ عُرِيَ بَيْ ݣُونَ أَغِدَنْسَبَ، سَيْ يَكِرَشِ يَثٜىٰ مَسَ «كَا ڢِتُواْ دَغَ تَڢِيَ مَيْ نِيسَ، دُوانْمٜىٰ بَكَتَڢِے غِدَنْكَبَ؟»
11عُرِيَ يَأَمْسَا وَ دَاوُدَ يَثٜىٰ «غَاشِ عَݣُوتِنْ يَرْجٜىٰجٜىٰنِيَ دَ سُواْجُواْجِنْ إِسْرَٰٓءِيلَ دَ نَ يَهُودَ سُنَ ثَنْ سُنَ ذَمَ عَبُكُّواْكِ؞ يُواْوَبْ شُوغَبَنَ دَ سَوْرَنْ شُوغَبَنِّنْ سُواْجُواْجِ سُنَ ثَنْ أَ سَنْسَنِنْ يَاڧِ أَ ڢِيلِ؞ يَيَ ذَنْتَڢِے غِدَانَ إِنْثِ إِنْشَا، حَرْ مَا إِنْݣُونَ دَ مَاتَتَ؟ نَا ضَنْڟٜىٰ دَ رَنْ سَرْكِے، بَذَنْيِ وَنَّنْبَ!»
12سَيْ دَاوُدَ يَثٜىٰ وَ عُرِيَ «كَذَوْنَ دَنِے يَوْ؞ غُواْبٜىٰ كُوَ ذَنْسَا كَكُواْمَ وُرِنْ يَاڧِنْ؞» سَبُواْدَ حَكَ عُرِيَ يَذَوْنَ أَ عُرُوشَلِيمَ رَانَرْ نَنْ، 13كُمَ وَشٜىٰغَرِ سَيْ دَاوُدَ يَغَيَّثٜىٰشِ ثِنْ عَبِنْثِنْ دَرٜىٰ تَرٜىٰ دَشِ؞ دَاوُدَ كُوَ يَسَا عُرِيَ يَشَا يَبُغُ؞ عَمَّا دُكْدَهَكَ أَدَرٜىٰنَّنْ عُرِيَ بَيْ تَڢِے غِدَنْسَبَ؞ يَسَاكٜىٰ ݣُونَ عَكَنْ تَبَرْمَرْسَ تَرٜىٰدَ مَاسُ حِدِمَرْ سَرْكِے؞
14دَ غَرِ يَوَايٜىٰ، دَاوُدَ يَرُبُوتَ وَ يُواْوَبْ وَسِيڧَ يَعَيْكَ تَهَنُّنْ عُرِيَ؞ 15عَثِكِنْ وَسِيڧَرْ يَرُبُوتَ ثٜىٰوَ «أَ سَا عُرِيَ غَبَ عِنْدَ يَاڧِنْ يَكٜىٰدَ ذَاڢِ، سَعَنً كُجَا دَ بَايَ دُواْمِنْ عَكَشٜىٰشِ؞» 16سَبُواْدَ حَكَ سَعَدَّ يُواْوَبْ يَكَيْ يَاڧِ كُسَدَ بِرْنِنْ، يَسَا عُرِيَ دَيْدَيْ أَ عِنْدَ مُتَنٜىٰنْ أَمُّوانْ وَطَنْدَ سُنْڢِے عِيَ يَاڧِ سُكٜىٰ؞ 17سُواْجُواْجِنْ بِرْنِنْ سُكَ ڢِتَ سُكَ ڢَاطَوَ يُواْوَبْ دَ يَاڧِ، عَكَ كَشٜىٰ وَطَنْسُ سُواْجُواْجِنْ دَاوُدَ؞ عُرِيَ مُتُمِنْ هِتِّ كُوَ يَنَ ثِكِنْ وَطَنْدَ عَكَ كَشٜىٰ؞
18سَعَنً يُواْوَبْ يَعَيْكَ وَ دَاوُدَ دَ ثِكَكّٜىٰنْ رَهُواْتُواْ غَمٜىٰدَ يَاڧِنْ؞ 19يُواْوَبْ يَثٜىٰ وَطَنْ عَيْكَ «كَڢَطَا وَ سَرْكِے دَاوُدَ دُكَنْ أَبِنْدَ يَڢَرُ عَيَاڧِنْ؞ 20بَايَنْدَ كَبَادَ لَابَرِنْ، عِدَنْ سَرْكِے يَجِ ڢُشِے يَتَمْبَيٜىٰكَ يَثٜىٰ، ‹دُوانْمٜىٰ كُكَ كَيْ يَاڧِ كُرْكُسَدَ بِرْنِنْ؟ بَكُسَنِ ثٜىٰوَ ذَاسُ هَرْبَ كِبِيُواْيِ دَغَ كَتَنْغَرْ دَتَكٜىٰوَيٜىٰ بِرْنِنْبَ؟ 21بَكُ تُنَ دَ أَبِنْدَ يَڢَرُ دَ أَبِمٜىٰلٜىٰكْ طَنْ يٜىٰرُبّٜىٰشٜىٰتْ بَ؟ أَيْ، أَ تٜىٰبٜىٰظْ مَثٜىٰثٜىٰ تَجٜىٰڢَ دُوڟٜىٰنْ نِڧَ دَغَ كَنْ كَتَنْغَرْ بِرْنِنْ، دُوڟٜىٰنْ كُوَ يَڢَاطَ مَسَ عَكَيْ، يَكَشٜىٰشِ نَنْ تَكٜىٰ؞ دُوانْمٜىٰ كُو كُمَ كُكَجٜىٰ كُرْكُسَدَ كَتَنْغَرْ بِرْنِنْ؟› عِدَنْ سَرْكِے دَاوُدَ يَيِ تَمْبَيَ حَكَ، كَثٜىٰمَسَ، ‹مَيْ حِدِمَرْكَ عُرِيَ مُتُمِنْ هِتِّ شِے مَا يَمُتُ؞› »#أَلْڧَ 9.53
22سَيْ طَنْ عَيْكَنْ يَتَڢِے؞ دَ يَ إِسُواْ عُرُوشَلِيمَ يَغَيَ وَ دَاوُدَ دُكَنْ أَبِنْدَ يُواْوَبْ يَعُمَرْثٜىٰشِ يَڢَطَا؞ 23طَنْ عَيْكَنْ يَثٜىٰ وَ دَاوُدَ «دَڢَرْكُواْ أَبُواْكَنْ غَابَنْمُ سُنْشَا كَنْمُ، سُنْ ڢِتُواْ دَغَ كَتَنْغَرْ بِرْنِنْ دُواْمِنْ سُيِ يَاڧِ دَمُو أَ ڢِيلِ، عَمَّا مُكَ كُواْرٜىٰسُ ذُوَا بَاكِنْ ڧُواْڢَرْ بِرْنِنْ؞ 24سَيْ مَاسُ يَاڧِ دَ بَكَ سُكَ هَرْبُواْ كِبِيُواْيِ دَغَ كَتَنْغَرْ بِرْنِنْ سُكَ كَشٜىٰ وَطَنْسُ سُواْجُواْجِنْ سَرْكِے؞ مَيْ حِدِمَرْكَ عُرِيَ مُتُمِنْ هِتِّ شِے مَا يَمُتُ؞»
25دَاوُدَ يَثٜىٰ وَطَنْ عَيْكَنْ «كَكُواْمَ كَڧَرْڢَڢَ يُواْوَبْ؞ كَثٜىٰمَسَ كَدَ يَدَامُ غَمٜىٰدَ أَبِنْدَ يَڢَرُ، غَمَا تَكُواْبِے بَايَ ذَاٻٜىٰنْ وَنْدَ ذَيْ كَشٜىٰ؞ كَڢَطَا مَسَ ثٜىٰوَ يَڧَارَ مَڟَا وَغَرِنْ لَمْبَ حَرْ سَيْ أَنْرُشٜىٰشِ؞»
26دَ بَتْشٜىٰبَةُ مَاتَرْ عُرِيَ تَاجِ ثٜىٰوَ مِجِنْتَ يَمُتُ، سَيْ تَيِ كُوكَنْ مُتُوَرْسَ؞ 27دَ ݣُونَكِنْ كُوكَنْ مُتُوَرْ مِجِنْتَ سُنْ وُثٜىٰ، سَيْ دَاوُدَ يَعَيْكَ عَكَٰوُاْتَ غِدَنْسَ؞ تَا كُوَ ذَمَ مَاتَرْسَ تَحَيْڢَ مَسَ طَا؞ عَمَّا أَعِدَانُنْ يَهْوٜىٰهْ مُوغُنْ أَبُ نٜىٰ دَاوُدَ يَعَيْكَتَ؞
Currently Selected:
2 سَمَٰعِيلَ 11: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
