2 سَمَٰعِيلَ 12
12
ڟَاوَتَرْوَرْ نَتَنْ دَ تُوبَرْ دَاوُدَ
1 يَهْوٜىٰهْ يَعَيْكِ أَنَّبِے نَتَنْ ذُوَا وُرِنْ دَاوُدَ؞ دَ نَتَنْ يَ إِسُواْ سَيْيَثٜىٰ مَسَ «أَݣَويْ وَطَنْسُ مُتُمْ بِيُ أَوَنِ غَرِ؞ طَيَ مَيْ أَرْزِڧِ نٜىٰ، طَيَنْ كُمَ تَلَكَ نٜىٰ؞#زَبُو 51 كَنْ مَغَنَ 2مَيْ أَرْزِڧِنْ يَنَدَ غَرْكُنَنْ تُمَكِ دَ أَوَكِ دَ نَشَانُو دَيَوَ؞ 3عَمَّا تَلَكَنْ بَاشِ دَكُواْمٜىٰ سَيْدَيْ یَرْ تُنْكِيَ طَيَ تَكْ وَدَّ يَسَيُواْ؞ يَيِ كِيوُانْ تُنْكِيَرْ نَنْ حَرْ تَيِ غِرْمَ أَوُرِنْسَ تَرٜىٰدَ یَیَنْسَ؞ تَنَ ثِنْ عَبِنْثِ تَرٜىٰ دَشِ، تَنَ شَنْ ضُوَ دَغَ ݣُوڢْ نَاسَ، تَنَ كُمَ بَرْثِ عَڧِرْجِنْسَ؞ تَا ذَمَ مَسَ كَمَرْ یَرْ حَيْڢُوَرْسَ؞ 4أَنَانً وَتَرَانَ سَيْ مَيْ أَرْزِڧِنْ يَيِ بَڧُواْ؞ عَمَّا بَيْ سُواْ يَطَوْكِ طَيَ دَغَ ثِكِنْ تُمَكِنْسَ كُواْ شَانُنْسَ يَشِرْيَ وَبَڧُوانْ عَبِنْثِبَ؞ أَمَيْمَكُوانْ حَكَ، سَيْ يَكَامَ یَرْ تُنْكِيَ طَيَ تَتَلَكَنَّنْ يَيَنْكَ وَبَڧُوانْسَ؞»
5دَاوُدَ يَجِ ڢُشِنْ مَيْ أَرْزِڧِنَّنْ سُواْسَيْ؞ سَيْيَثٜىٰ وَ نَتَنْ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، مُتُمِنْ دَ يَيِ وَنَّنْ يَ إِسَ عَكَشٜىٰشِ! 6ذَيْبِيَ وَتَلَكَنَّنْ تُنْكِيَرْسَ سَوْ حُطُ، سَبُواْدَ يَعَيْكَتَ وَنَّنْ أَبُ، كُمَ بَ شِ دَ تَوْسَيِ كُواْ كَطَنْ؞»
7نَتَنْ يَثٜىٰ وَ دَاوُدَ «أَيْ، كَيْنٜىٰ مُتُمِنْ! إِنْجِ يَهْوٜىٰهْ اللَّهْ نَ إِسْرَٰٓءِيلَ، ‹نَا كٜىٰٻٜىٰكَ سَرْكِنْ إِسْرَٰٓءِيلَ، نَا كُمَ كُٻُتَرْ دَكَيْ دَغَ حَنُّنْ طَالُوتَ؞ 8نَا بَاكَ غِدَنْ مَيْغِدَنْكَ طَالُوتَ دَ كُمَ دُكَنْ مَتَنْ مَيْغِدَنْكَ؞ نَا كُمَ بَاكَ غِدَنْ إِسْرَٰٓءِيلَ دَ نَ يَهُودَ؞ كُواْ دَمَا وَنَّنْ بَيْ إِشٜىٰكَبَ دَ نَڧَارَ مَكَ أَبِنْدَ يَڢِ حَكَ؞ 9دُوانْمٜىٰ كَرٜىٰنَ عُمَرْنِنْ يَهْوٜىٰهْ حَرْ كَعَيْكَتَ أَبِنْدَ يَكٜىٰمُوغُ أَعِدُوانْسَ؟ كَبُغِ عُرِيَ مُتُمِنْ هِتِّ دَ تَكُواْبِے؞ كَكَشٜىٰشِ دَ تَكُواْبِنْ أَمُّواْنَاوَا، كَكُمَ طَوْكِ مَاتَرْسَ تَذَمَ تَاكَ؞ 10سَبُواْدَ حَكَ، عَكُواْوَثٜىٰ ڟَارَا بَذَاعَ رَسَ وَنِ دَغَ غِدَنْكَ دَ ذَيْ مُتُ تَوُرِنْ تَكُواْبِبَ، غَمَا كَايِ مِنِ رٜىٰنِ حَرْ كَڨُوثٜىٰ مَاتَرْ عُرِيَ تَذَمَ مَاتَرْكَ؞› 11إِنْجِ يَهْوٜىٰهْ، ‹ذَنْ كَٰوُاْ مَكَ تَاشِنْ حَنْكَلِ دَغَ ثِكِنْ غِدَنْكَ؞ أَغَبَنْ عِدَنُونْكَ ذَنْ ݣُوشِ مَاتَنْكَ إِنْ بَا وَنِ مُتُمِنْ دَيَكٜىٰ كُسَ دَكَيْ؞ مُتُمِنْ كُوَ ذَيْ ݣُونَ دَ مَاتَنْكَ دَ رَانَ أَ ڢِيلِ؞#2 سَمْ 16.22 12كَيِ وَنَّنْ أَبُ عَٻُواْيٜىٰ، عَمَّا نِے ذَنْسَا عَيِ مَكَ حَكَ دَ رَانَ أَعِدُوانْ كُواْوَ عَ إِسْرَٰٓءِيلَ؞› »
13دَاوُدَ يَثٜىٰ وَ نَتَنْ «نَايِ وَ يَهْوٜىٰهْ ذُنُوبِ؞»
نَتَنْ يَأَمْسَمَسَ يَثٜىٰ «يَنْذُ يَهْوٜىٰهْ يَاغَاڢَرْتَا مَكَ ذُنُوبِ، بَذَاكَ مُتُبَ؞ 14دُكْدَهَكَ، سَبُواْدَ كَرٜىٰنَ يَهْوٜىٰهْ سُواْسَيْ تَوُرِنْ عَيْكَتَ ذُنُوبِنَّنْ، طَنْدَ ذَاعَ حَيْڢَ مَكَ ذَيْمُتُ؞» 15سَيْ نَتَنْ يَكُواْمَ غِدَا؞
طَنْ دَاوُدَ يَمُتُ
يَهْوٜىٰهْ يَبُغِ طَنْ دَ مَاتَرْ عُرِيَ مُتُمِنْ هِتِّ وَنْدَ يَمُتُ تَحَيْڢَا وَ دَاوُدَ، يَكُوَ كَمُ دَ ثِيوُاْ؞ 16دَاوُدَ يَكَنْيِ ضُواْڧُواْ غَ اللَّهْ دُواْمِنْ طَنْ يَوَرْكٜىٰ؞ دَاوُدَ يَكَنْيِ أَظُمِ، يَشِغَ طَاكِنْسَ يَݣُونْتَ عَڧَسَا دُكَنْ دَرٜىٰ؞ 17دَتَّاوَنْ غِدَنْ دَاوُدَ سُكَذُواْ وُرِنْسَ سُلَلَّشٜىٰشِ يَتَاشِ دَغَ ڧَسَا، عَمَّا يَڧِ، يَكُمَڧِ ثِنْ عَبِنْثِ؞ 18أَنَانً أَ رَانَ تَبَݣَويْ طَنْ يَمُتُ؞ مَاسُيِ وَ دَاوُدَ حِدِمَ سُكَجِڟُواْرُواْ سُڢَطَا مَسَ ثٜىٰوَ يَرُوانْ يَمُتُ؞ غَمَا سُنْيِ تُنَانِ ثٜىٰوَ «عِدَنْ حَرْ بَيْجِمُبَ سَعَدَّ يَرُوانْ يَكٜىٰدَ رَيْ، تَيَيَا ذَامُ ڢَطَا مَسَ ثٜىٰوَ يَرُوانْ يَمُتُ؟ أَيْ، ذَيْ عِيَيِ وَكَنْسَ ٻَرْنَ؞»
19دَ دَاوُدَ يَلُورَ ثٜىٰوَ مَاسُ يِمَسَ حِدِمَ سُنَيِ وَجُونَ مَغَنَ عَكُنّٜىٰ، سَيْ يَغَانٜىٰ يَرُوانْ يَمُتُ؞ سَعَنً يَتَمْبَيٜىٰسُ يَثٜىٰ «يَرُوانْ يَمُتُ كُواْ؟»
سُكَ أَمْسَ سُكَثٜىٰ «عِ، يَمُتُ؞»
20سَعَنً دَاوُدَ يَتَاشِ دَغَ ڧَسَا؞ بَايَنْدَ يَيِ وَنْكَ، يَشَاڢَ مَيْ، يَثَنْجَ رِيغُنَنْسَ؞ سَيْ يَتَڢِے غِدَنْ يَهْوٜىٰهْ يَيِ سُجَّدَ؞ سَعَنً يَكُواْمَ غِدَا، يَثٜىٰ عَبَاشِ عَبِنْثِ يَكُمَثِ؞ 21مَاسُيِ مَسَ حِدِمَ أَغِدَا سُكَ تَمْبَيٜىٰشِ سُكَثٜىٰ «مٜىٰيَسَا كَيِ حَكَ؟ لُواْكَثِنْ دَ يَرُوانْ يَكٜىٰدَ رَيْ كَيِ أَظُمِ، كَيِ كُوكَا؞ عَمَّا يَنْذُ دَ يَرُوانْ يَمُتُ، كَتَاشِ كَثِ عَبِنْثِ!»
22سَيْ دَاوُدَ يَأَمْسَ يَثٜىٰ «سَعَدَّ يَرُوانْ يَكٜىٰدَ رَيْ، نَيِ أَظُمِ نَيِ كُوكَا، غَمَا إِنَ تُنَانِ ثٜىٰوَ ‹وَيَسَنِ؟ وَتَڧِيلَ يَهْوٜىٰهْ ذَيْجِے تَوْسَيِنَ يَبَرْ يَرُوانْ دَ رَيْ؞› 23عَمَّا دَيَكٜىٰ يَنْذُ يَمُتُ، دُوانْمٜىٰ ذَنْيِ أَظُمِ؟ إِنَ عِيَ دَاوُاْ دَشِينٜىٰ؟ ذَنْ تَڢِے وُرِنْسَ، عَمَّا شِ بَذَيْ كُواْمُواْ وُرِينَبَ؞»
24دَاوُدَ كُوَ يَتَعَظَنْتَرْدَ مَاتَرْسَ بَتْشٜىٰبَةُ، يَسَاكٜىٰ ݣُونَ دَ عِتَ، سَيْ تَحَيْڢَ مَسَ طَا، عَكَسَا مَسَ سُونَ سُلَيْمَٰنُ؞ يَهْوٜىٰهْ يَاڧَوْنَثِ يَرُوانْ، 25سَيْ يَعَيْكَ دَ سَڧُواْ تَبَاكِنْ أَنَّبِے نَتَنْ يَسَا وَيَرُوانْ سُنَ يٜىٰدِدِيَ، وَتُواْ وَنْدَ يَهْوٜىٰهْ يَكٜىٰ ڧَوْنَ؞
دَاوُدَ يَا ثِ رَبَّهْ دَيَاڧِ
﴿1 تَارْ 20.1-3﴾
26يُواْوَبْ كُوَ يَڢَاطَوَ رَبَّهْ بِرْنِنْ أَمُّواْنَاوَا دَ يَاڧِ، عِنْدَ سَرْكِنْسُ يَكٜىٰدَ ذَمَ؞ دَيَكٜىٰ غَبْ دَ ثِنْ بِرْنِنْ، 27سَيْ يُواْوَبْ يَعَيْكَ دَ سَڧُواْ ذُوَا وُرِنْ دَاوُدَ يَثٜىٰ «نَيِ يَاڧِ دَ رَبَّهْ نَكُمَ كَامَ وُرِنْ سَامُنْ ضُوً غَرِنْ؞ 28يَنْذُ سَيْ كَكَٰوُاْ سَوْرَنْ سُواْجُواْجِنْ سُكَيْ يَاڧِ عَثِكِنْ بِرْنِنْ؞ كَڨُوثٜىٰ بِرْنِنْ؞ إِنْ بَهَكَبَ، ذَنْ ڨُوثٜىٰتَ دَكَيْنَ، عَكُمَ كِرَتَ دَ سُونَنَ!»
29سَبُواْدَ حَكَ دَاوُدَ يَتَارَ دُكَنْ سُواْجُواْجِنْ يَتَڢِے رَبَّهْ؞ يَيِ يَاڧِ دَ بِرْنِنْ حَرْ يَثِتَ؞ 30دَاوُدَ يَسَا عَكَ ثِرٜىٰ هُولَرْ مُلْكِ دَغَ كَنْ سَرْكِنْسُ، عَكَسَا مَسَ عَكَيْ؞ نَوْيِنْ ظِينَارِيَ تَهُولَرْ سَرْكِنْ كُوَ يَكَيْ وَجٜىٰنْ كِلُواْ تَلَاتِنْ دَ بِيَرْ؞ هُولَرْ مُلْكِ كُمَ تَنَدَ أَدُوانْ دُوَڟُو مَاسُ دَرَجَ أَجِكِنْسَ؞ سَعَنً دَاوُدَ يَݣُوشِ كَايَنْدَ يَڨُوثٜىٰ عَيَاڧِ مَاسُيَوَ دَغَ ثِكِنْ بِرْنِنْ؞ 31دَاوُدَ يَكُمَ ڢِتَرْدَ مُتَنٜىٰنْ بِرْنِنْ يَتِلَسْتَاسُ سُيِ عَيْكِ دَ زَرْتُواْ دَ دِغَ دَ غَاتَرِنْ بَڧِنْ ڧَرْڢٜىٰ؞ يَكُمَ سَاسُ سُيِ بُلُواكْ نَلَاكَ؞ دَاوُدَ يَيِ حَكَ غَ دُكَنْ غَرُضُوً أَمُّواْنَاوَا؞ سَعَنً دَاوُدَ دَ دُكَنْ سُواْجُواْجِنْسَ سُكَ كُواْمَ عُرُوشَلِيمَ؞
Currently Selected:
2 سَمَٰعِيلَ 12: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
