1 سَمَٰعِيلَ 29
29
ڢِلِسْتِيَاوَا بَسُ أَمِنْثٜىٰ دَ دَاوُدَ بَ
1ڢِلِسْتِيَاوَا كُوَ سُنْ تَتَّارَ دُكَنْ سُواْجُواْجِنْسُ أَ عَڢٜىٰكْ، سُواْجُواْجِنْ إِسْرَٰٓءِيلَ كُوَ سُكَ كَڢَ سَنْسَنِنْسُ أَ مَٻُٻُّغَرْ ضُوً دَتَكٜىٰ أَ يٜىٰظِرٜىٰيٜىٰلْ؞ 2يَايِنْ دَ شُوغَبَنِّنْ ڢِلِسْتِيَ سُكٜىٰبِدَ ڧُنْغِيُواْيِنْ سُواْجُواْجِنْسُ، وَطَنْسُ طَرِے طَرِے، وَطَنْسُ دُبُو دُبُو، دَاوُدَ دَ مُتَنٜىٰنْسَ سُنَ بِيٜىٰ عَبَايَ تَرٜىٰدَ سَرْكِے عَكِشْ؞ 3مَنْيَنْ سُواْجُواْجِنْ ڢِلِسْتِيَ سُكَ تَمْبَيِ عَكِشْ سُكَثٜىٰ «مٜىٰنٜىٰنٜىٰ إِبْرَنِيَاوَنَّنْ سُكٜىٰيِ أَنَنْ؟»
عَكِشْ يَأَمْسَ يَثٜىٰ «وَنَّنْ دَاوُدَ نٜىٰ وَنْدَ يَيِ وَ طَالُوتَ سَرْكِنْ إِسْرَٰٓءِيلَ حِدِمَ؞ يَڢِ شٜىٰكَرَا طَيَ تَرٜىٰدَنِ؞ كُمَ تُنْدَغَ رَانَرْدَ يَبَرْ طَالُوتَ يَذُواْ وُرِينَ بَنْ تَٻَ سَامُنْسَ دَ لَيْڢِے بَ كُواْ كَطَنْ؞»
4عَمَّا مَنْيَنْ سُواْجُواْجِنْ ڢِلِسْتِيَ سُكَيِ ڢُشِے دَ عَكِشْ، سُكَثٜىٰ مَسَ «كَسَا مُتُمِنَّنْ يَكُواْمَ ذُوَا وُرِنْدَ كَبَاشِ يَذَوْنَ؞ بَذَيْبِيمُ ذُوَا وُرِنْ يَاڧِنْ بَ؞ يَنَ عِيَ جُويَا عَكَنْمُ لُواْكَثِنْ يَاڧِنْ؞ ذَيْ عِيَيِنْ أَمْڢَانِ دَ وَنَّنْ ظَرَڢِ يَثِثِّرٜىٰ كَوُنَنْمُ دُواْمِنْ يَڢَرَنْتَوَ مَيْغِدَنْسَ رَيْ؞ 5تُنَ ڢَا، بَشِينٜىٰ دَاوُدَ طِنْ دَ عَكٜىٰ غِرْمَمَ دَ ضَوَ دَ وَاڧُواْڧِ أَنَثٜىٰوَ
« ‹طَالُوتَ يَكَشٜىٰ دُبَّيْ،
دَاوُدَ كُوَ دُبُنْ دُبَّيْ؟› »#1 سَمْ 18.7؛ 21.11
6سَيْ عَكِشْ يَكِرَا دَاوُدَ يَثٜىٰمَسَ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، كَيْ مَيْ أَمِنْثِنٜىٰ، نَسُواْ كَتَڢِے كَيِ يَاڧِ تَرٜىٰدَ سُواْجُواْجِنَ؞ بَنْ تَٻَ سَامُنْكَ دَ لَيْڢِے بَ تُنْ رَانَرْدَ كَذُواْ وُرِينَ حَرْ ذُوَا يَنْذُ؞ عَمَّا سَوْرَنْ شُوغَبَنِّنْ بَسُ يَرْدَ دَكَيْبَ؞ 7سَبُواْدَ حَكَ سَيْ كَكُواْمَ ثِكِنْ سَلَمَ، كَدَ كَيِ أَبِنْدَ ذَيْ تَادَ حَنْكَلِنْ سَوْرَنْ شُوغَبَنِّنْ ڢِلِسْتِيَاوَا؞»
8دَاوُدَ يَثٜىٰ وَ عَكِشْ «مٜىٰنَيِ؟ وَنٜىٰ لَيْڢِے كَسَامٜىٰنِ دَشِ تُنْدَغَ رَانَرْدَ نَڢَارَ حِدِمَرْكَ دَ ذَيْ هَنَنِ إِنْڢِتَ إِنْيِ يَاڧِ دَ أَبُواْكَنْ غَابَنْكَ مَيْغِدَانَ سَرْكِے؟»
9عَكِشْ يَثٜىٰ «أَغَنِينَ كَنَدَ غَسْكِيَ كَمَرْ طَنْ عَيْكَ نَأَلُّواْلِ؞ عَمَّا دُكْدَهَكَ مَنْيَنْ سُواْجُواْجِنْ ڢِلِسْتِيَاوَا سُنْ ثٜىٰ بَذَاكَ تَڢِے يَاڧِنَّنْ تَرٜىٰدَمُوبَ؞ 10تُواْ، غُواْبٜىٰ دَ سَسَّڢٜىٰ، كَتَاشِ دَكَيْ دَ مَاسُيِ وَمَيْغِدَنْكَ طَالُوتَ حِدِمَ؞ دَ حَصْكٜىٰ يَڢَارَ بَيَّنَ سَيْ كُكَامَ حَنْيَ؞»
11سَيْ دَاوُدَ يَتَاشِ دَ سَسَّڢٜىٰ يَكَامَ حَنْيَ تَرٜىٰدَ مُتَنٜىٰنْسَ دُواْمِنْ سُكُواْمَ ڧَسَرْ ڢِلِسْتِيَاوَا، ڢِلِسْتِيَاوَا كُوَ سُكَ هَوْرَ ذُوَا يٜىٰظِرٜىٰيٜىٰلْ؞
Currently Selected:
1 سَمَٰعِيلَ 29: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
